خفايا القدر

1

#خفايا القدر .🔥
الحلقه 1 والمقدمه

،_________

نحاول نفتح عيوني حسيت روحي كأني غارقه في بحر ومش قادره نطلع فتحت عيوني بصعوبه واني نشوف للاجهزه اللي جنبي والخيوط اللي معبيه جسمي .. !! شنو فيه منو اني وين اني اصلا؟ شن صاار حاولت نفهم بس مش قادره نجمع شيء في دماغي .. سمعت صوت الباب نفتح تلفتت يمين ف شفت دكتور وواحد تاني خش وماما ..

بدي دكتور يحكيلي ع حالتي حتى ذكرت شن صار ..

قبل اسبووع تقريبا

هديل آل تاجوري
وبالاخص في تركيا .. طلعت ندير رياضه بعد الفطور زي كل مره نجري وحاطه سماعات في ودني ونسمع قصيت طريق بدون ماننتبه حتى ضربتني سياره واني ماشفتهاش اصلا ومن اسبوع لليوم هذا وين نضت من الغيبوبه .

__________

بعد ماذكرت كل شيء صار معاي سمعت الدكتور الليبي في تركيا اللي ساعدنا بقدر الامكان وهو يقول : صار فيه تشوه في وجهك ويدك
تفاجأت ونصدمت ونخضيت وخفت وارتعبت والللف حاجه شفت لي ماما اللي تمسح في دموعها شفت اختي تبكي! شفت واحد واقف خاش في بعضه مش عارف كيف يصترف

ريناد: شنو تقولو؟؟ ككيف؟ جيبولي المرايه نبي نشوف رووحي
كلهم كانو ساكتين ويشوفو لبعض
ريناد عيطت بالقويه: جيبولي المرايه ..
دكتور طلع وجاب معاه المرايه
ريناد: خديت المرايه واني نشوف لي وجهي! لا هاذي مش اني؟ يكذبو عليا اكيد انا نحلم مستحيل يكون وجهي هكي شفت لي وجهي كان جيهة خدي اليمين مشوها تقريبا كلها
شفت يدي اللي كانت حتى جلدتها تقريبا ملوحه
ريناد حطت المرايه وحطت يديها ع وجها ..
ريناد:/ لااالالالا تكذبو هليا صح ماما اني نحلم وله قولي انه نحلم رواسي تكلمي اني نحلم صح كذب هذا مش اني ..
الدكتور: اهدي فيه نسبة 80٪ انك تتعالجي وترجعي زي قبل
ريناد: شن نرجع زي قبل ترا فهمني شن تحسابها انت نص وجهي مشوه ايدي مشوها منوو اللي ضربني ؟ وينه من هوا ؟ شن جنسيته؟ وينه يجي يدفع حق العلاج وحق العمليه ؟ من وين احني بندفعو؟
تنهد امير ف قال : اني ضربتك
ريناد: وين كانو عيونك لما ضربتني؟؟
امير ذكر اللي صار معاه يومها وكيف مايشوف في شيء قدامه من الغضب ..
انير: انتي اللي ماشفتيش في طريق كويس
ريناد: لا والله فوق مانه اللي صارلي بسببك
تقدمت هناء ام ريناد وقفت بجنب امير تعالى معاي نبيك طلع هوا قبلها ولحقاته هيا ..

______

امير : شنو تبي تكاليف وبندفعها شن تبي اكثر من هكي
هناء: تعرف اني نمشي توا نبلغ فيك ونقوللهم انك متهور بسببك شوف بنتي شن صارلها
امير: شن تبيني ندير ؟ بعدين هيا طلعت في وجهي فجأه
هناء: اكيده مش ح يخلوك تطلع برا من السجن لو امشيت وقتلك
امير تنهد : ياااربي
هناء: عندي طلب واحد بس باش مانخليكش تخش السجن
امير: شن هوا قولي!.
هناء: الزواج تتزوج بنتي
امير: ..ساكت ومصدوم
هناء: اكيده واحد من عيلة معروفة في ليبيا وعنده هالفلوس والجاه مش ح يدور في السجن ويتبهدل!
امير: ساكت ومش عارف شن يقول
هناء: ها شن قلت ..
طلع امير وهو مش عارف شن يدير! اكيده لو خش للسجن جده وبوه مش ح يرحموه

______

رواسي: ع فكره سمعت كل شيء.
هناء: اي يابنتي اكيده مش ح نلقو خير منه عريس مال وجاه وجمال مشاء الله عليه
رواسي: انتي تبيعي في بنتك؟
هناء: من هوا اللي بيدفع حق العنليه والدواء؟ اني ندير فيه ع خاطر مصلحتها ومصلحتنا كلنا
رواسي: بجد مصدومه يعني متوقعه انه رينااد تتخلى على حلمها ووتزوج! ماتعرفيش ريناد وراسها اليابس؟ بعدين قوليلي؟ وصهيب
هناء: هه اين صهيب حتى انتي بنتي صهيب من اول ماسمع بانها تشوهت هكي معاش بي يرد حتى عليا
رواسي: مسكينه رينااد
هناء: ماتبينليها شيء هي نوضي
رواسي: باهي يقدر يدفع من غير مايتزوجو
هناء': خيرك غبيه هاذم عيله معروفه تحسابيهم بيرضو يدفعو؟/ بساهل ! بعدين قال انه بيمشي لليبيا يجيب الفلوس بعدين يجي شن يضمن انه يجي اني نبي نصمن مستقبل بنتي
رواسي: سكتت بعد ماحست بأنه كلام امها فيه وجهة نضر يمكن لصالحهم ..

_____

امير مقعمز برا المستشفى فيه الف حاجه في راسه . كيف يتزوج بنت نص وجها مشوه؟
اكيده اهله مش ح يتقبلو الفكره بسهوله هكي

يتبع هاذي ك بدايه للروايه ..

شن يصير لما البنت تتزوج بالغصب؟ وشن يصير لو وافق امير علي البنت اللي نص وجها مشوه؟
هل بيوافق او لا؟

شنورايكم؟ + تفاعلو باش نزل حلقه تانيه ..
الروايه تهبللل 🔥🔥🔥

____