خفايا القدر

2

#خفايا القدر 🔥... الحلقه 2
الكاتبه هديل آل تاجوري
_______

ريناد: مستحييييل نتزوجه انتي عارفه شن تقولي.
هناء: يابنتي انتي عارفه وضعنا وعارفه حالتنا كيف يالله نحصلو ناكلو من وين بتجيبو حق عمليه وحق العلاج اقل شيء للن تتعالجي بعدين تتطلقو
ريناد ساكته وتفكر في كلام امها
هناء: مش وقت العناد توا كل ماتأخرنا كل مادهورت حالتك
ريناد: تمام بس غ خاطر العلاج ره وبعدين بنطلقو
هناء فرحت : انشاء الله

___________________

في ليبيا ..

سناء: ولدك جاي وجايب معاه مصايب
عيسى؛ خيره شن مداير
سناء: توا كلمتني بنت خوك ريان قالتلي كلمها امير وقاللها بيتزوج وحده من غادي ومش عارفه شن القصه!!
طاهر جدهم: شنو تقولي بيتزوج وحده تركيا؟
سناء: لالا مش تركيا ليبيا قالو تسكن غادي
طاهى: مش خاطبينله
سناء' قتلك داير عمله وبيتزوج بسيف ع الورق عمي
طاهر: يستر الله منه ولدك
____

في تركيا

رائف: رسمي قصدك هكي ببتزوج
امير: ساكت ويدخن
رائف: بيني وبينك تريحت من هذيكا اللي اسمها ريان بنت عمك؟
امير برضو ساكت
رائف: ماتبيش ترد اقعد اصلا ديما واني نهدرز في روحي .. وطلع
اما امير ..كان غاارق في افكااره والف خاجه في راسه كيف يقدر يتزوج بنت مايعرفهاش وفوق من هذا كله نص وجها مشوه

_______

تعريف بالابطال

اني اسمي ريناد مقيمه في تركيا ليا حوالي 10سنين يعني كنت نقرا طب امنية حياتي اني نكون دكتورة جراحه طبعي عنيده ولساني طويل هلبا يعني كلمتي ديما واتيه بابا ميت من سنه تقريبا حالتنا دهورت لما مات بابا خاصة انه كان متسلف من هلبا ناس وطرت ماما تبيع ذهبها باش ترد الديون اللي كانو عليه عشت طول عمري مانعرفش من هما جدودي ولا خوالي يعني لما طاحت بينا دنيا سندنا بعضنا بروحنا اللي نعرفه من ماما انها هربت مع بابا وتزوجو
بابا كان كويس معانا ويحبنا اني واختي هلبا لن مات بسكتة قلبيه وهو قدام عيوني ماقدرتش نساعده من يومها قررت انه نقرا طب ونتخصص جراحه ..
___
اما امير شخصيته غير يمكن طبعه صعب هلبا تقدرو تقولو عنده جنون العضمه او حب التملك يعني لو حب حاجه مش بسهل يعطيها تربى مدلل في عيلتهم من ناحية الجد ومن ناحية الاب الى شخص واحد مايحباش وهو مرت بوه
اما بنسبه لي رياان امير حب ريان وخطبها وقررو يتزوجو ويعيشو برا طلع امير للشغل من طرف جده يعني بس رجع بمشكله كبيره رغم انه شخصية امير صعبه هلبااا لكن مع هذا ماقدرش يقول لا الانه حاس بروحه مذنب

__________

في يوم جديد كانت ريناد تحاول توقف او توازن نفسها وقفت بصعوبه وهيا تشوف للدار كيف فاضيه تقدمت بخطوات مهزوزه وشافت للمرايه متع الدولاب وخرت شعرها اللي كان طايح ع وجها الخلف باش تشوف وجها مره تانيه حططت يدها ع المكان ف حست بألم وبسرعه مانزلت دمعه حاره من عيونها ...مسحتها لما حست بالباب نفتح وكان امير ف خدت الوشاح اللي جنبها وغطت شعرها وحزء من الحرق
امير: غدوه راجعين لليبيا في عندي حاجات بنحيبها لازم تمشي معاي
ريناد: بصفتي منو نمشي معاك؟
امير: بنقرو الفاتحه غادي وبنرجعو اهني .. وطلع
ريناد سكتت وتنهدت بألم ع الوجع اللي داخلها
____