فى صباح يوم جديد
استعدت جنى كى تذهب الى والدتها نزلت الى الاسفل لتجد حازم وعزت يجلسا سويا يتناولا الفطور
جنى،،صباح الخير
الجميع،،صباح العسل
حازم،،يلا تعالى افطرى بعد كده ابقى امشى
جنى،،لا لا معلش مش عاوزه اتاخر اه صحيح بابا مش حضرتك كنت قايلى ان شقه اسكندريا بتاعتى
عزت،،ايوة ياقلبى ليه يعنى
جنى،،طيب كنت عاوزه المفتاح بتاعها
عزت،،ليه يعنى
جنى،،هبيعها
عزت،،ليه يعنى لو محتاجه فلوسها اديهالك كلها بس متبيعيش حاجه من ريحه ماما
جنى،،لا مانا شوفت واحده احلى واكبر وبنفس السعر على النت وقررت ابيع دى واشتريها
حازم،،انتى عرفتى تمنها منين ده محتاج سماسرة
جنى،،صحبتى اتصرفت
حازم مستهزائا ،،اه
عزت،،طيب اديكى فلوس واشتريها
جنى،،يعنى قول مش عاوز تديلى المفتاح عادى مش لازم كل ده خلاص عادى
عزت،،لا لا ياقلبى انا تحت امرك فى الى تقولى عليه
جنى،،لا خلاص
عزت،،خمس دقايق اجيبلك المفتاح
صعد عزت باكثر ما يملك من سرعه ليحضر المفتاح لجنى كى لا تشعر بالحزن
فى الاسفل
حازم،،ايه الى فى ايدك ده
جنى،،كنت بلعب باسكينه
حازم،،والله
جنى،،والله
حازم،،ياقلبى الامر مش مستاهل كل ده ارمى الماضى وراكى الى يزعلك ويدايقكك ارمى ولا تديه وشك
جنى،،انت صح لازم انسي
حازم،،مش هنتغدى غير لما ترجعى
جنى،،لا انا هتغدى برا هاجى على العشى
حازم،،وعد
لم تستطيع جنى الكلام لان عزت قد عاد
قائلا اهو ياقلبى
جنى،،طيب مرسي حد عاوز اقول لماما اي حاجه
حازم،،قوليلها وحشتى حازم وهو جايلك
جنى وهى ترحل،،خد بالك يا حازم انت وعدتنى انك هتجيبلى مزكراتى بس ولا يهمك ماهى من ضمن الماضى هنساها برضو
حازم وهو يتذكر امر المذاكرات،،والله نسيت
جنى،،ولا يهمك
رحلت جنى وتركتهم
عزت،،انا راجع على الغدى مش لازم اختك تتدغى وحديها
حازم،،لا هى هتتغدى برا
عزت،،ربنا يسترها عليها
حازم،،يارب
***********************************
فى مكان اخر يوجد اتعس.الاشخاص فى الكون يجلس بحزن وهو ينظر فى صورة لخاتم كان سيذين يد حبيبته وهو يبكى
فهد،،كده ياجنى مبقتيش عاوزانى خلاص بس على مين انا مش هعيش حياتى كلها استنى اليوم الى نكون فيه سوا وانتى تشيبينى بالسهوله دى
لياتيه صوت داخله يقول افتكر يوم ماسيبتها كانت عامله ازاى انت كمان سيبتها بسهوله يمكن الى هى بتعملو ماهو الا رد فعل على الى انت عملتو معاها هى ملهاش زنب تعيش مش عاوزاك ليه تعيش غصب عنها رد فهد على نفسه،،بس هى وحشانى فى بعدها كل حاجه نقصانى
ليرد صوته الداخلى،،استحمل انت سيبتها تسع شهور اديتها ضهرك واتجوزت وبكل سهوله سيبت المسكينه الى انت اخدتها غصب عنها وعاوز ترجع لجنى تانى هم جزم فى رجلك تغير فيهم وكل ده لانك عارف ان محدش هيكلمك فين الصلاه يافهد بقالك قد ايه مش بتصلي مفتكرتش ربنا غير علشان تدعيلو يقوم جنى بالسلامه امك وابوك مش بتسال عليهم اصلا اغلاطك كترت يافهد يبقى تستاهل كل حاجه تحصل فيك
بكى فهد بحرقه قائلا،،صح صح انا بقالى كتير بعيد عن ربنا انا لازم ارجع اصلى واقرا قران بس جنى ليه محدش قادر يفهمنى انا اول ماعرفت الحب عرفتو على اديها اربع سنين بعيده عنى وانا كنت بقول دى كانت مراهقه كنت عيل كان اى حاجه علشان انسى مبنساش مبنساش مبنساش مبنساش افهمو جنى كل حاجه كل الدنيا جنى امى واختى وبنتى واى صنف ستات المفروض يكون فى حياتى هى جنى جنى وبس انا بقالى تسع شهور متجوز لبنى لكنولا يوم حسيت ان ليها وجود فى حياتى ولا مرة لقيتها بتعيط وسالت عنها لانو محدش يهمنى دموعو فى الدنيا غير جنى هى لو تعرف مش هتسيبني ابدا
رد صوته،، طيب وسيبتها ليه
فهد،،كرامتى
ليرد صوته،،وهى كمان ليها كرامه متلومهاش لو بعدت هى ملهاش زنب اوعى تفتكر انك هتشوفها تانى
فهد،،يبقى هفضل احبها حتى وهى بعيده ولو كان البعد نصيبنا يبقى مليش نصيب انى اعيش اى حياه منغيرها
ليرد صوته قائلا،،يبقى هتضيع حياتك بالفاضى دانا الى عارف جنى
قبل ان يرد فهد على صوت هاتفه بالرنين ليتفاجاء فهد ان المتصل جنى
رد مسرعا،،الو
جنى،،صباح الخير
فهد،،احلى صباح فى حياتى
جنى،،كنت عاوزه منك خدمه
فهد،،امرك بس قولى وملكيش دعوة بالباقى
جنى،،فى شويه حاجات عاوزاك توصلهم لبابا وكام حد مكانى
فهد،،وانتى مش راجعه البيت
جنى،،لا راجعه طبعا بس انا هصارحك انا عاوزه اصارحهم بكام حاجه وانت عارفنى مش هقدر اقف فى وشهم واقول فكتبتهم فى ورق بحيث يقروه ونصلح الاوضاع بينا انا هقضى اليوم برا علشان مشوفش حد منهم وعاوزاك انت تعملى كده بليز
ابتسم فهد قائلا،،طيب انتى فين وانا اجيلك
جنى،،انا رايحه ازور مامى
فهد،،طيب اقابلك هناك هاخد الحاجه وامشى علطول اديهالهم
جنى،،وانا على كل ورقه كاتبه اسم صاحبها تمم
فهد،،كده اسهل كتير تمم جايلك
جنى،،طيب سلام
فهد،،سلام
ــــــــــــــــــــــــــــــــــــــــــــــــــــــــــــــــــــــــــــــــــ
فى المقابر
وصل فهد قائلا،،صباح الخير قوليلى انى مخلتكيش تستنينى فى شارع
جنى،،صباح النور بعدين ولا يهمك عادى
فهد،،اسف على التاخير
جنى،،ولا يهمك عادى
فهد،،اخبارك
جنى،،اصارحك
فهد،،هو احنا فى بينا غير الصراحه
جنى،،خايفه ادخل
فهد،،ليه دانتى حتى بقالك كتير مروحتيش
جنى،،مش عارفه
فهد،،طيب ادخل معاكى
جنى،،لا لا لا ملوش لزوم المهم الصندوق اهو
فهد،،طيب ماشى هكلمك لما اوصلهم
جنى،،تمم
فهد منتبها لشئ،، هو انتى عريفتى تجيبى تيليفونك القديم منين مش حازم قال انو سابو هناك
جنى بتوتر لم يخفى على فهد،، لا ااا اصل اااا هو الموضوع انو انا لقيتو فى عربيه حازم بس
فهد وهو يقترب منها بهدوء اربعبها،، لو عملتى حاجه كده ولا كده انا الى هكسر رقبتك
جنى بهدوء،،امشى
فهد،،مانا ماشي بس متابعك فاحسنلك كنى
جنى،، امشى
فهد،، ماشى
رحل فهد لتدخل جنى المقابر ظلت تمشى الى ان وصلت الى مدفن والدتها بمجرد ان راته انهارت باكيه ظلت تبكى وتبكى مايقارب ساعه ونصف ثم قالت
متحاوليش تغيرى اى حاجه انتى سيبتينى وهم سابونى وابويا سابنى واخويا سابنى وفهد سابنى كلكو بعدتو عنى انا مش معترضه ان حازم مغلطش وانو كان خايف عليا بس كان اتاكد ده حتى مسالنيش حتى فهد ادانى الخاتم ببرود ومشى صحابى مشيو كلو مشى والى خلانى مصره انو انا مبقاش فى حياتى خصوصيه كلو بيدخل فى حياتى كلو بيدينى اوامر انا تعبانه عارفه انا تعبانه من امتى مش من يوم مامتى لا من يوم ما اتولدت تعبانه جدا مش نفسيا بس ده نفسبا وجسديا طيب بصى على وشي يرضيكى اسامحهم بعد الى حازم عاملو فيا ده ليه طيب اسامحهم ليه مش عاوزه انجبر اعيش معاهم نفسيتى تعبانه لازم امشى انا كمان من حقى امشى طيب تعرفى انا امبارح كنت هنتحر بس وقفت لانى فكرت فيها اموت كافره نفسي الناس الى بتدور على الفلوس دى تيجى تشوفنى مكانه وجاه وفلوس بس مفيش راحه مفيش اسرة مفيش حاجه حلوة متقنعنيش انهم لو شافونى هيرجعو يفكرو فى فلوس طيب انا هقولك هم عملو ايه وانتى احكمى لو رضيتى اسامحهم هروح واسامحهم تعرفى حازم عمل ايه حازم ضربنى بالقزاز على راسي علشان اموت تعرفى عمل ايه كمان منعنى اكمل دارسه منعنى اشوف الشارع تسع شهور ابنك كان بيجيب صحابو ويقعدو فى البيت ويشربو وانا اخدمهم كل ده يعدة لكن انو كان هيجوزنى غصب عنى ده الى ميعديش ابدا عارفه بابا عمل ايه بعد معرف الى حصل معارضش حازم فاى حاجه سابنى كانى مش بنتو وفهد ادانى ضهرو واتجوز وهو مع مراتو وبيحبها يمكن الحتجه الوحيده الكويسه الى عملها حازم وفهد ان فهد خبطنى بالعربيه بس ياخصارة مكملتش ممتش اما حازم فهو الى فوقنى وعرفنى قد ايه فهد واطى واتنازل عنى وسابنى واتجوز كلهم قسيو عليا ميستاهلوش كلهم انا عارفه ان فهد حس انى هعمل حاجه بس خليه يحس هم طلبو الفضايح وانا هنولهالهم وهروريهم الفضايح بتيجى منين هوريهم ظلت تبكى وتبكى حتى اتاها صوت ادم قائلا،،يلا زمان فهد وصل وعرفو كل حاجه وجاين على هنا
جنى،، معاك حق يلا
ادم،،مش عاوزه تراجعى نفسك الموضوع مش مستاهل كل ده انتو بتافورو
جنى،،عارفه انو مش مستاهل بس هم الى افورو من الاول وانا هكمل
ادم،،انتى حرة المهم يلا
جنى وهى تنظر لمدفن والدتها،،اقولك لا
ادم،،لا مين مبقاش فيها كلام
جنى،،لا يعنى لا
ادم،،يبقى هاخدك غصب
حاول ادم ان يمسك بجنى ويقيدها ولكنها كانت اسرع منه واخرجت السكينه التى كانت بغرفتها بالامسح وجرحته بها في يده
تالم ادم قائلا،،مش هسيبك ياجنى يكون فى علمك انى مش هسيبك
لم تسمعه جنى لانها كانت رقضت تجاه سيارتها رحلت مسرعه من المقابر ظلت تقود اكثر مالديها من سرعه حتى رات سياره تاتى ناحيتها
توقفت جنى بمعجزه لنتزل الفتاه مسرعه من السيارة وترقض تجاه جنى قائلا،،حصلك حاجه
جنى،،لا محصلش اوعى عاوزه امشي
الفتاه،،انتى فى حاجه حاصله معاكى وشكلك مش هتقدرى تسوقي تعالى وانا هوصلك لمكان متقولى
جنى،،لا مرسي ممكن توعى بعربيتك بس علشان امشى مستعجله
الفتاه،،ماشي
ابعدت الفتاه سيراتها لتبدا جنى بالتحرك فتتفاجاء بان سيارتها بها عطل ما
من بعيد الفتاه،،قولتلك اوصلك
جنى وهى تفكر ان ادم خلفها،،طيب ماشى لو مش هتعبك
الفتاه،،احنا اخوات مفيهاش اى تعب يلا
صعدت جنى مع الفتاه فى سيارتها
الفتاه،،قوليلى بقى اوديكى فين
جنى،،مش عارفه
الفتاه،،ازاى
جنى،،،سوقى بسرعه دلوقتى
الفتاه،،طيب ممكن تحكيلى
جنى،،طيب هقولك يا
الفتاه،، ملك
جنى،،وانا جنى
ملك،،عاشت الاسامى ياست البنات
جنى،،تعيشى انا هحكيلك بس اطلعى دلوقتى بليز
ملك،،اوك
حكت جنى كل ماحدث معها الى ملك
ملك،، طيب اقولك انا عندى شقه فى مطروح دى بتاعتى انا حتى اهلى مش بيروحو هناك ايه رايك اخدك هناك
جنى وهى تفكر فمن الممكن ان تكون الفتاه تعمل مع ادم ولكن ما باليد حيله فهى قد اخذت على نفسها عهد ان لا ترجع الى منزل والدها جنى،،موافقه
الفتاه،،تمم
