البارت الثالث
اليــوم الثــآني
في الفندق .. عائلة ابوعبدالرحمن
لمياء : يبه
ابوعبدالرحمن : عيون ابوك
لمياء : تسلميلي عيونك .. نبغى نروح بيت عمي
ابوعبدالرحمن : امس كنتوا هناك
ريم : يبه احنا بعد العرس بنروح جده وماراح نشوف بنات عمي
عايشة : اي يبه تكفى !!
ابوعبدالرحمن : اي طييب خلو عبدالرحمن يودييكم
ريييم نطت وراحت باست ابوها : هييييييه احلى اب
وراحت تطييير هي ولميآء لغرفة عبدالرحمن عششآن يقولون له
ام عبدالرحمن : انا اشهد ان بناتي انهبلوآآ
في غرفة عبدالرحمن
ريم : حماااااااني حمااااااااااااااااااااااااااااااااني
لمياء : حمااااااااني اصصصحى !!!!
عبدالرحمن بعصبية : هييييييييي انتوآآ وششش تبووووووون؟؟؟
ريييم : حمني تكككفى قوووم ودنآآ بيت عممي ابوسعد
عبدالرحمن : اوهوووو طسسوآ عن وجههيي
ريييم : عبدالرحمن افففففففففففففف
لمياء : افاا مالنآآ خاطر عندكككك
عبدالرحمن : مايعرفون اخوهم الا وقت مايبونه
لمياء : افااا افااا انت اخونا حبيبنآآ وقرة اعيننآآ
ريم : هههههههههههههههههههههههههههه قرةة أعيننآ اجل
عبدالرحمن : طيب طيب طسوآآ تجهزوا وانا اتروش والبس
ريـم ولميـآء نطوا على عبدالرحمن وباسوه
عبدالرحمن : ابعدوآآآ يالمهــآبيييييييل
رييم تغمز له : هآآآ بيوون تغآآر
لميآء : علينآآآ
ريم ولميـآء لما شافوا عبدالرحمن معصصب راحواا يركضوون برآآ ههههههههههههههههههه
عبدالرحمن تنرفز من لما قالوا له ان تغار عليه.. ليه مين هذي بيان عشان تغار عليه ..؟ فتح جواله وكانت خلفية جواله رنا .. تنهد تنهيده طوييلة ورمى الجوال وراح يتروش
عند البنـآت
ريم : لمووي وش البس ؟؟
لمياء : وش بعد وش تلبسين وين رايحه انتي بيت عمك ؟
ريم : اي بيت عمي لازم اكون كششخه
لمياء : لا تخافين مافي احد يخطبكك ماعندنا الا ولد عم واحد الي هو سعد وهو اكبر منك بعشر سنين
عايشة : هههههههههههههههههههههه
ريم : ه هه ه يا الظرييفة .. ايش دخل الخطبة الحيين
لمياء : مدري عنك اجل وش تلبسين ؟؟
ريم : افف الشرها مو عليييك الشرها على الي تعطيك وجه وتاخذ رايك
لمياء : حبيبتي والله ريوومة اششوف بس خل اختار لك
ريم بزعل : لالالاللا ما ابغى طيري عن وجهي
عايشة : الحين وش الي يرضيها هذي ..
لمياء : زعلها كايد النذلة
عايشة : ههههههههههههههههههههه
ريم : اففف بس خلاص تعالي اختاريلي .. وربي سامحتك
لمياء وعايشة : هههههههههههههههههههههههههه
ريم : الا تعالوا خبرتوا البنات ان احنا جايين ؟؟
لمياء : ممم لا
ريم : يالهبلات يمكن مشغولات بشيء نروح نخرب عليهم البرنآمج حقهم ؟.؟
لمياء : صح انا بتصل على مرت اخوي ههههههههههههههه
ريم : هههههههههههههههههههههههه
لمياء خذت جوالها ودقت على بيـآن
بيآن كآنت منسدحه على سريرها لانها توهآ صاحيةة ومنسدحه على سريرها الكبير ودموعها على خدها .. لسا منقهره من حركة عبدالرحمن امس .. كيف يتجرأ يسويها .. هذه قبل العرس كذا بعدين وش بيسوي .. قطع عليها افكآرهآ رنة جوآلهآ.. شافته مكتوب ( لموش )
ابتسمت بيان وردت : الووو
لمياء : هلاا بيووونه
بيان : هههه هلا لموش اخبارك
لمياء : بخيير والله وانتي ؟
بيان : بخيير
لمياء : ممم ليكون صحيتك؟؟
بيان : لا انا صاحية من زمآن
لمياء : اي طيب بقولك انا والبنات جايين عندكم
بيان : جدددد !! حياكم الله
لمياء : يعني ماعندكم شي
بيان : وه يا حسرة وش عندنا .. تعالي وانا بنت عمك
لمياء : هههههههههههههههههه طييب بس يصحى حمني نجي
بيان تضايقت بس لما سمعت كلمة حمني ضحكت : هههههههههههههههههههه
لمياء : يلا بيوون نششوفك
بيان : طييب يا حبيبتي
وسكروآ من بعض
عند بيــآن في خآطرهآ " يمكن عشان كذا تضايق لما قلت له عبدالرحمن لان متعود على حمني هههههههههههههههههههههه "
عند حمني ههههههه
عبدالرحمن طلع من الحمام " مكرمين "
لبس تيشرت ابيض عليه كتابات بلون الدم " الاحمر " وبنطلون جينز لونه اسود .. وحذاء " مكرمين " رياضي من All Star لونه اسود وخيوطه بيضآء ونظارته من ماركة Ray.Bon وتعطر وطلع
عبدالرحمن : عااايشة .. لمياااء ... رييم ... يلاا بسسرعه
البنات سمعوآ صوت اخوهم ولبسوآ عبيهم ونزلوآ بسسرعه قبل لا يغير رايه لانهم يعرفون اخوهم زين
ركب سيارته السبورت السوده وعايشة ركبت جنبه وورآء عبدالرحمن ريم وورآء عايشة لميـآء وحركوآ لبيت ابوسعد
في بيت أبوسعد
سعد : بيااااااااااااااااااان بيووووووووون
بيان : هااا وشش فيك تصصرخ ؟؟
سعد : وييييين نظارتي
بيان : ووش عرفني انـــآآآآ
سعد : ششششهد شهدددد وصصصصصصمخ
شهد : صمخ في اذونك ان شاء الله ليه تصرخ ؟؟
سعد : وين نظارتي
شهد بارتبآك : هآ وشش دراني ؟؟
سعد وعيونه كلها شرار : ششهد ان ماطلعتيها والله ثم والله اقبرك
شهد : وش عرفني ويين انا ؟؟
سعد : شهههههههههههههههههههههد
شهد بخوف : ......................
(( سعد اذ عصب ينسى مين قدامه .. ينسى حنيته وعطفه على خواته وينقلب وحش حتى ممكن يأذيهم ))
شهد : قلت لك ما ادددري
وفجأه جآء كف على وجه شششهد .. جلس يناظر لايده يلي ضربت خد شهد الناعم .. شهد منصدمة من الي صار .. وبيان نفس الشي اول مرة سعد يمد ايده على وحده منهم .. شهد استسلمت لدموعها وبيان ضمتها .. سعد صحى على نفسه وكان بيطلع ..بس وقفه منظر ولد وبنات عمه المنصدمين .. بيان انتبهت لعبدالرحمن وشالت حجابها يلي عليها كتفها حجابها وغطت راس شهد عشان مايشوفها عبدالرحمن .. سعد انحرج وطلع بسرعه وعبدالرحمن مو مصدق الي صار .. لمياء وريم بعد جامدين ومو عارفين ايش يسوون .. وعايشة منقهره منه كيف يمد ايده عليها !
لمياء وريم وعايشة ركضوا لبنت عمهم الي جالسة تصيح بحضن بيـآن
لميآء : شهوود حبيبتي لا تبكي
شهد تبكي :............
ريم : كسر بهالايييد ان شاء الله
عايشة ضربتها على كتفها عشآن تسكت ورييم ماسكتت وجلست تدعي علييه وتدعي ان ايده تنكسسر .. وعايشة تحاول انها تسكته بس ماش ههههههههههههه
وشهد لسا تبكي من الي صار .. اول مرة يمد ايييده والله ما اسامحه !
بيان احتارت وش تسوي مع اخوانه وكيف راح تتركهم بهالحال !! .. مالقت الا انها تروح تكلم سعد .. ابعدت شهد عنها وشهد طاحت بين احضان ريم .. وبيآن رآحت تدور على اخوها بين انحآء البيت
لمحت وآحد وآقف بالحديقة وفكرت انه سعد وراحت تركض له وناوية تصرخ بوجهه
بيان : انت كيف تتجرآ وووو ...
التفت لها وانصدمت بيان.. هذا مو سعد .. هذا عبدالرحمن
عبدالرحمن : نعم
بيان باستهزآء : هذا انت !
عبدالرحمن : اي آنآ مو عاجبك ولا ؟
بيان : اففف مو وقتك شفت سعد ؟
عبدالرحمن : لا
بيان : ياربي
عبدالرحمن : هو ليه ضربها
بيان : ما ادري بدون سبب .. سعد هالايام متغير حييل
عبدالرحمن : أهآ
بيان كانت بتمششي بس مسكهآ عبدالرحمن وسحبها لحضنه وضمهآ .. بيان توترت من حركته ورجع شعورهآ الي حست فيه لمآ باسها برقبتهآ .. بيان واخيرا عرفت وش ذا الاحسآس .. هي تحبه .. اي حست بالحب والحنآن معه !! بس هوياترى يحبني !!
قطع عليها افكارها وشعورها كلامه القاسسي : انتي عذاب حيـآتي
وابعدها عنه بقسسوة لدرجه طاحت من طولها ومشى وماعبرها .. وبيان اكتفت بالبكـآء ودخلت داخل وتوجهت لغرفتها ونست شهد وسعد .. ورمت حالها على سريرها الكبير الي كأنهآ نملة فييه .. وضمت مخدتها وهي تبكي بحرقة وتتكلم مع حالها " ليييه لييه خليتني احببك ليييه وانت ماتحبنيو تعتبرني عذاب حياتك .. تعتبرني من خرب حياتك ليه يا عبدالرحمن ليه سكنت قلبي .. اطلع منه كان مرتاح قبلك تكفى " وجلست تبكي وتبكي
عبدالرحمن من بعد ما حضن بيان وهو قرفان من حاله .. كيف يضمها هو للمرة الثانية خان رنا .. لفظ اسم رنا .. حبه .. اشتاق لها حييل .. حاول ان يتصل فيها بس هي دايما تسككره بوجهه .. هو ليه يتعب حاله معها وهي ماتبيه وماصدقته .. بس هي ساكنه قلبي ومحد يقدر يسكنه غيرها احبها هي وبس لا بيان ولا غيرها راح تاخذ محلها ..
عبدالرحمن دق على خواته وطلب منهم ان يطلعوا ويروحوالانو تأخر الوقت
استأذنوا البنات وطلعوآ ..
عند شهد و همس
همس خذت شهد لغرفتها وجلست معها لين مانامت وراحت غرفتها ونامت
اما بيان لسا تبكي من الاحراج الي سببه لها عبدالرحمن وعذابها الي راح يبدأ من هاللحظة مع عبدالرحمن .. ونامت من كثر ما بكييت
بسيارة عبدالرحمن
عايشة لسا تفكر بـ سعد وتصرفه الاحمق مع اخته .. لمياء دايخه وتبي بس ترجع الفندق وتنااام بسابع نومه .. اما رييم تراسل صديقتها بالمسسجآت وعبدالرحمن وما ادراك مافي قلب عبدالرحمن " رنـــــــــــآ " وموقفه مع بيــآن وكيف ذلها !
