السلام عليكم 👋🙆🙋
وقفوو شويه ي بنات 👏
بنخش ف الموضوع طول
تعرفو ان كتابي هدا معمري نزلت فيه شي اصير فيه سياسة ومشاكل نبي نعرف يلي اخشو خاص شن مشكلتك معاي فاش كرهتني فاش حسدتيني ربي يعطيك يلي خاطرك فيه لكن انا تو بنتكلم علها
احمم احممم
تخشلي خاص وتكتبلي غريان خونه
تي انتي قبل لتتكلمي ع بلادي بري قولي لي امك تغيرلك شمالك قبل 😂وسامحوني ع الألفاظ هده لان الموضوع زاد عن حده 😒
مع احترامي للشرق 🙋
انا طبعا ي وخيتي مش حندرلك تاق وبنخلي عندك كرامه خير مانمسحها ونمسحك حتي انتي😉لولا التربيه لو كنت درت فيك يلي ماداره بنادم
طبعا خشتلي وتكتب ف كلام نتحشم اني نكتبه اهني ياااانااااس خلااص راه بديتو تعبدوو فيه ف رب خلقنااا راه
كتبت دوا تحشم طبعا رديت علها وزدت كبرت المشكله ووصلت بها الدرجه انها تحط كلمه 🔞 غلط ف غلط طبعا بعد ردان مني حطتني حضر 😂
مدامك مدايره روحك شجاعه وخاشه علاش حطتني حضر ي جبانه تي كان زدتي تاني لو كنت ربيتك من اول وجديد يامصديه 😂
لكن ف الجديد ورحمت الغالي يلي عندي لما تلقي الوات كله يتكلم عليك 😌😉🔥
والغرب حريقه نار عليك🔥صقع عليك يماما ومنساش الشرق ❤
اي احتلال تركي نبي نفهم منين جبتوه
تعرفو خشت مصر احني هكي👈🤐
خشت روسيا هكي👈🤐
خشت الامارات هكي👈🤐
تم اعلان ان تركيا خشت مع بركان الغضب 🔥
شن صار 👈😭😭😵😵🙀🙀😲😲😡😡😤😤😠😠😨😱
دارو العار 😂قعدت علي تركيا هي سمتوه احتلال تركي جو وربي 😂
خيره الامارات يلي تبعت في الطيارات يلي قصفتو بها ناس بريئه علاش؟
وتاني شي يلي كاتبه مصراته دعمت الارهاب في سرت 😱
نكرتو الجميل انتو راكم نكرتووه
شن صار سرت كلها نزحت للبلدان دخلناهم لحياشنا ع امل انهم خوتنا وخواتنا تو تقولو مصراته دعمت الارهاب مصراتة اكتر بلاد ضحت بشبابها بش تقضي عليه هدا الارهاب
لما كانو يحاربو علي شانك ي سرت
والناس يلي تقول سورين معنا😁
طبعا شن دارو؟
انزلو صوره سوري وقلو انه هدا شدناه واعترف انه كان احارب معاهم ولعبو عليه بالفلوس! ونزلووو صورته 🙆
اخشلهم السوري هدا واقللهم بأي حق تنزلو صورتي انا ليبي ومن مدينه كدا
بالله علكم وانتو قريب تنزلو صوره معتز ولا عصام يلي ف باب الحاره واقلولك هدا احارب معاهم😂
بلا وهممم زااايد 😁
مع احترامي للغير ✌
معلشي سؤال اي جيش تحكو عليه؟؟
اي امان تحكو عليه؟؟
الجيش: -
يقصف في الاطفال والطلبه يلي حلمه يولي دكتور بش يقيم بلاده يلي حلمه مهندس بش يبني بلاده يلي حلمه شرطي بش يحمي بلاده صاروخ بين اطفال يقرو 💔
يقصف شباب في الكلية العسكريه يلي حلمهم يحمو بلادهم ويخدماها شن داروله والناس يلي تقول فها ذخيرة الكليه! بري تفرجي ع الفيديو لما الصاروخ كيف جي بناتهم كانت مقصوده فهم
هل الجيش يخش لي منازل النازحين ويحفرهم ويكسرهم عمد! ويلغمهم تخيلو ألغام ف منازلهم قمبله فسط لعبه فسط شيشمه"صنبور"في المدخه بش يلي يولعها يموت قنبله في السرانتي متع المحل لغمهم كلهم ماتو 30 اخصائي الغام شن ذنبه ماتو 3 اطفال وبوهم!!
لكن شوفو توا بعقلكم ليبي بيعرف احط قنبله ف لعبه؟هههه😂تي منشوفش فها الا ف الافلام ويلي دار هدا كله هما الروس يلي مدخلنهم
الجيش يخطف امرأه؟ اولهم يلي اسمها (سرقوه) اضني؟ علاش خطفتها ع خاطر تكلمت عليه ولحد الان مش معروف لو هي حيه او ميته 😞
الجيش يقتل ف ترهونه وميدفنهمش تخيلو لحد توا طلعو 200 منهم اطفال ونساء ورجال ومنهم من الناس يلي تحارب معاهم شبابهم تخيلو يموتو وميدفنهمش مخلينهم ويلي حدفنهم في بير يلي القوهم في مقابر جماعيه
الجيش يقصف جزيره سوق التلات طفل عمره 11 السنه بتروله رجله 💔ماتو 5 ونجرحو 15 علاش قصفتهم !؟
الجيش يقصف المقابر
اكيد انصدمتو 😒
لان حتي الموتي مسلموش منه ومن قتله ولو مسمعتوش بها اسمعو مني مقبره قديمه امتع مسيح تخيلي الجته طالعه برا مقبرةةة نقصفت⚰⚰
لو بنحكي علي داره نقعد للصبح
ومنهم دار الفتن بين البلدان والمناطق واكبر متال يلي نعرفه انا بين غريان والأصابعه خلاهم يكرهو بعض ولع بينهم نار الفتنة 🔥
وبعد هدا كله تبوه يحكمنا 😌😂
هدا هو الارهااب حتي يلي كان يحبه وراضي بيه كرهه من فعله يلي داره🔥
اخر كلام بنقلهولكم سوا للشرق او للغرب او الجنوب لكل ليبيا
انتو بنااات خلكم خواات علاش هدا كله علاش يلي اديرو فيه كل وحده تاخد وتبلط وتبزق وكل وحده جايبه كدبه اكبر من التانيه....انتو شن ليكم علاقه بالسياسة اصلا تي خلونا انهدرزو ونضحكو مع بعض خلونا نتخيلو رواحنا ان احني بنات بلاد وحده 🔥
انا تكلمت للمره التانيه لاني تعبت منهم يلي يجو ويدو وقعده محترمتهم لتوا
نحلف علكم الكل ان مافيش وحده بنتنا مخسرتش شخص غالي علها ف هالحرب
وانا منكم اخسرت اغلي واقرب انسان ليا ومليشي علاقه بالحرب ولا عمره فكر فها قتلووه علااش!
خلاص ي بنات رانا كلنا خوات كلنا عيله وحده كلنا دم وحد قلب وحد ارض وحده عايشين علها💔🔥
البارت هدا نزلته بش كل وحده تعرف متجيش تلعب معاي انا ✌🙅
وكلمه خدها مني والله ماهو فيدكم حفتر ولا غيره✋
#ليبيا تجمعنا كلنا 🔥✌
أنت تقرأ
ليبيا الهياجه 😂(1)
Comédieخش تفضل غير جوك متتحشمش 😍😂 الحوش حوشك....الكتاب فيه كل شي بالعاميه يعني"مخلط مجلط"😁💔😹
