Mga Pasalitang-Tula Kong Tungkol Nino

HAWLA

Pakawalan niyo kami...

Gumising ako, hindi para humigang muli

Gumising ako, hindi para managinip pa ng sandali

Gumising ako, hindi para tumunganga't ang kisame'y matingnan muli

At maisaisip na tayo'y nasa hawla't ilang araw nang namamalagi

Bumangon ako, hindi upang kumain lang

Bumangon ako upang malinis, mawaldas ang dumi at amoy na masangsang sa katawanBumangon ako, hindi upang manatili lang

Bumangon akong nag-aabang na baka isang araw, sa hawla'y makawala na tayo ng tuluyan

Umay na ba ako?

HINDI!

Pagod na ba ako?

Medyo, kaunti!

Kating-kati na ba ako?

Oo, palagi!

Kating-kati na akong tumapak sa labas ng hawlang tayo ay namamalagi

Sa mundo ngayon, may iba't ibang klase ng hawlang nabuo

UNA: Hawlang Kinakalawang

Ang hawlang ito ay may maruming rehas.

Ang rehas na ito'y kinakalawang na maaaring kahit na ilang segundo lang ay nagkukumahog kang kumawala, e ikaw ay makalalabas

Ang rehas na ito ay hindi sigurado

Pwede kang magwala kung gugustihin mo

Pwede kang sumigaw kung nanaisin mo

Puwede mong iratatat 'yang bibig mo sa amo natin na nagpakulong sa iyo

Iyan ang hawla para sa matitigas ang ulo!

Gaano nga ba kahirap sa inyo ang ipako 'yang mga paa niyo sa loob ng hawla niyo?

Gaano ba kahirap ang maghintay, ang manatili, ang maupo lang at makinig sa kung ano man ang ipinagkaloob sa atin ng ating amo?

Gaano ba kahirap sa inyo ang hindi subukang kalasin ang kandado't lumabas lamang para makisayaw sa mga kagaya niyo?

Gaano ba kahirap ang isaksak iyan sa mga kokote niyo?

Pangalawa: Hawlang kinakalawang dahil hindi na naagapan

Ang hawlang ito naman ay medyo nadaanan sa ginawa ninyong masamang panahon

Kagaya sila ng mga nauna ngunit labag sa kalooban ang lumabas upang makalamon

Hirap silang manatili dahil baka ilang segundo'y hawla nila'y babagsak