وحوش مملكه الجارحى .. بقلم / منار سعيد " الإمبراطورة "

وحوش مملگه الجارحى part 4

الفصل الرابع
من روايه " وحوش مملكه الجارحى "
بقلمى / Manar said " الإمبراطورة "

____________________________

" ملحوظه عشان الناس ال مفهمتش اخر مشهد ف البارت ال فات : حور اسمها الحقيقى حور أسامه الراوى يعنى اخت جاسر من الأب .. ام حور كانت مرات أسامه الأولى .. مش اخته زى ما حور فاكره .. طبعا هنعرف بعدين ليه اسامه فهمهم انها اخته مش مراته و ليه اتجوز عليها من الأساس و ازاى حور مفكره ان محمد السيوفى يبقى ابوها و اي علاقه محمد السيوفى بأم حور ... اشطااا "
و دلوقت يلا نبدأ قراءه ممتعه 🙈❤
_______________________

اخذ يجوب الطرقات باحثا عن غرفتها و قد تجاوزت الساعه الواحده بعد منتصف الليل ..
جال بذاكرته الأسبوع الماضى الذى واصل فيه زياراتها خفيه دون ان تراه و او يراه احد .. شعر كانه مراهق بعمر الثامنه عشر .. و ليس رجل على وشك بلوغ الثلاثين من عمره .. ابتسم فهد بسخريه  حين اجبر نفسه فى احدى الليالى على عدم الذهاب إليها و البقاء لجوارها يمتع عيناه من جمالها حتى يغلبه سلطان النوم فينام بعمق دون قلق .. و مع حلول الصباح يخرج سريعا حتى لا تراه و ينكشف أمره ..
اما بتلك الليله فقد حارب نفسه كثيرا حتى لا يذهب اليها و بقى اكثر من ثلاث ساعات يتقلب على فراشه و لم يغمض له جفن .. ليحادث نفسه بغضب :

_ فى اي مالك .. ما تنام بقاااا ... و لا مش قادر على فراق السنيوره ..

جلس على فراشه يمسح وجهه بعصبيه مفرطه و نهر نفسه بغضب :

_ جرالك اي يا فهد مش حتته عيله تعمل فيك كداا فووق ...

حاول النوم مره اخرى و لكن دون جدوى .. فنهض من على الفراش و هو يلعن قلبه الذى يأبى ان تغمض عيناه دون رؤيتها .. حدث نفسه بتوتر و خوف من مشاعره تجاهها :

_ هطمن عليها و ارجع .. هى مهما كان انقذت حياتى ..

و هكذا تغلب شوقه لها على كبريائه ليقضى الليله بجوارها كسابقها من الليالى ..
تنهد بشوق قبل ان يدير مقبض الباب و يدخل بهدوء حتى لا يقلق منامها ..
توترت ملامحه حين وجد فراشها فارغ .. نقل نظره فى ارجاء الغرفها لربما قلقت فى منامها .. و لكن باتت محاولاته فى ايجادها بالفشل ..
خرج من الغرفه و تحدث مع احدى العاملين بالمستشفى ليحاول معرفه اين هى .. هل تم نقلها لغرفه اخرى :

_ المريضه ال كانت فى الأوضه ده فين ؟!

رد الطبيب بهدوء :

_ خرجت النهارده يا فندم ..

قطب ما بين حاجبه باستفهام :

_ نعم !! خرجت ازاى يعنى .. هى بقت كويسه ..

عدل الطبيب من وضعيه نظارته و هو يجيب :

_ اه الحمد لله حالتها اتحسنت خالص .. بس دراعها اليمين لسه متتضرر من الطلقه و كدا .. و مع الوقت هيخف و هيبقى تمام ..  جاسر بيه مضى اوراق الخروج امباح و خرجت .. عن اذنك عندى شغل