لستُ نذير شئم

البارت الخامس

لستُ نذير شئم
بقلمي.... غرقد الحسيني
البارت الخامس
♥♥♥
بعض ذكرياتنا أفضل من كلّ ما يمكن أن يحدث لنا ثانيةً.
✍🏻✍🏻✍🏻✍🏻✍🏻

المديره....بغضب شنو حجيت بطلي دموع التماسيح او انطيني رقم واحد من اهلج احسن اريد اشوف هذا تأخير كل يوميه شنو

فاطمه.....خفت ادري محد يهتم اصلا يكيفون ابطل
ست بس سمعيني

المديره......ولا حرف انطيني الرقم

فاطمه..... خفت بس مابيدي شي اي ست طلعت دفتر علمود ارد رقم عمو

خلاص.....ست اسماء ترى فاطمه خوش طالبة مجتهده سامحيها هاي المره وعد مني بعد ماتعيدها

المديرة......ست بس مااكدر هذا الموضوع تكرر اكثر من مره والازم انطي علم الاهلها هنا امانه عندي والدنيا تخوف

خلاص.....بس هاي المره الخاطري ولو تكرر مره ثاني نطلب من ولي امره يجي

المديرة.....هاي المره راح هم اخليج تدخلين علمود ست خلاص بس اذا تكرر لا ماكو بعد واتصرف تصرف ثاني وياج

فاطمه.....فرحت من قبلت ادخل بدون لا تخابر اني منزله عيني على الكاع شكرا ست بعد ماتنعاد وعد

خلاص......يله بسرعه الشعبتج

فاطمه..... طلعت من الادارة وكفت يم شباك غرفة المديرة اخذ نفس يمكن جنت قاطعه النفس جان الشباك مفتوح سمعت ست اخلاص تحجي وياه المديره

اخلاص..... ست على كيفج وياه فاطمه ترى خطيه بنيه يتيمة والله اعلم شلون حياتها

المديرة......ادري بيها يتيمة وعايشه عند بيت عمها واذا العراق بي هواي ايتام وعايشين هي شنو تختلف

اخلاص.....اي بس هي مرت عمها تاذيها وتحجي عليها وين ماتكعد تكول عليها وجه شؤم وهي سبب موت اهلها ماتو لان اجت هي للدنيا اخذت حياتهم

المديرة.....استغفرالله شنو هذا الجهل وين صرنا والناس بعدهم على هذا تفكير التعبان

فاطمه......اسمع كلام ست اخلاص و احس سجاجين تنضرب بكلبي نقهرت معقوله تحجي عليه وين ماتكعد ليش شنو الذنب الي اقترفته حتى هيج تعملني مشيت اجر بخيبت ظني بيهم وصلت للشعبة دخلت بس شافت الورقة كعدت واني بالي مو يم المحاضره كلها انتهى اليوم واني بالي مو يم المدرسات وكم مره اخذ تنببه منهن بس مو بيدي فكري مو يم الدرس مااعرف شلون خلص الدوام والبست عباتي وجنطتي جوى العبايه لان عمو مايقبل رجعت ماشي للبيت نقطع نفسي الحد ماوصلت طلعت المفتاح فتحت الباب فتت للبيت شفت رقية بالحديقه تسمع بسماعات ومطيتني ضهرها وتفتر من اندارت وشافتني عاطت بيه

رقية.....ليش لحد هسه يله اجيتي وين جنتي هااا لحد هسه

فاطمه.....اريد احجي جاني صوت حسن