رواية: نبـض قلـبـي ❤✨
"الحلقة السادسة"
رواسي : بكري ف المزرعه اختك مرام قعدت اتقول بناخدو هناء ل إبراهيم وهناء فرحت وضحكت وعجبها الكلام .
إبراهيم : فوتيها هناء هاذي مريضه راهو سنه الي فاتت جتني وقعدت تقولي اني نحبك لكن اني م دورتهاش .حبي ؛عقلي وقلبي وروحي وكلي ليك انتي بس وح نتزوجك انت
رواسي اتريحت بعد سمعت لكلام هذا : ي ريت ي حبيبي تكون ليا اني بس لاني اني مش ح نتحمل تشاركني فيك اي بنت احتمال نقتلهاراهو ونقتلك
إبراهيم : واني شن ذنبي
رواسي : لانك خليتها تحبك
إبراهيم : هههههه ؛ كيف خليتها تحبني
رواسي : فوت موضوع، المهم خبرتك اني نقتلك راهو
إبراهيم : حبي مستحيل نشوف ف بنت غيرك ي #نبض قلبي ي روحي
رواسي :باهي حبي و ي ريت م تخلف وعدك
إبراهيم : مش ح نخلفه
.....................******......*****......
وبعد اسبوع جو عيت خالد يخطبو ف رواسي من بوها وبو رواسي وافق وامها ووافقت
رواسي جت ل امها وهيا تبكي : امي كيف اتوافقي اني م نبيشي مش انتي كنتي اتقوليلي مش ح نعطيك الا لشخص الي تحبيه وكنتي تقوليلي انتي صغيره وم زال الوقت
وفاء : بنتي اني م دخلنيش بوك هواه الي وافق وقال مش ح نغير راي
رواسي : باهي اني كيف اندير م نحباش م نبيشي 😢😢😢😢
وفاء : اصبر ي بنتي بعدين بعد يجي بوك انكلمه
رواسي : امي بالله عليك بالله عليك ديري حل م نبيشي م نحباش اني
وفاء : باهي بنتي اهدي بس
رواسي : كيف تبيني نهدأ بس وانتم تبو تزوجني لواحد م نحباش وم نبيشي اني مش عارفه كيف تفكر من عندكم بس ف حماره هنا اتشاوروها ع رايها
وركبت رواسي دارها ولقت هاتفها ايدير ف ضي شافته لقته إبراهيم م قدرتش ترد كيف بتخبره شن بنقوله
ورن مرا ثانيه هاتفها لقته حنان
حنان : ألو حبي شن الامور
رواسي وهيا تبكي : مش تمام بكل .
حنان : حبي خيرك تبكي شن ف .
رواسي : خالد خو هناء وصفاء اليوم جي طلبني وبوي وافق كيف ندير اني حنان قوليلي هي
حنان : حي وكيف بوك يوافق بدون م ياخد رايك
رواسي : م نعرفش اني ؛ تعالي بالله عليك انتي ورنا محتاجتلكن
حنان : حاضر من عيوني غير اهدي بس حبي كل شي ليه حل وبوك متفاهم
رواسي : ان شاء الله خير والله بنموت اني مش متخيله حد ياخدني غير إبراهيم كيف اندير اني هي 😢😢😢😢
حنان : ان شاء الله ، خليني انكلم رنا ونجوك سلام
رواسي : اوكي ، سلام
..........................................................
جن لبنات رواسي لقنها ف دارها وحط راسي ع لمخده وتبكي
حنان : حبي
رواسي وهيا تبكي وحضنت حنان : حنااااااان
حنان : خلاص حبي تو انديرو حل
رواسي : حل شنو هما حددوا حتى تاريخ العرس
رنا قعدت تبكي بعد شافت رواسي تبكي صاحبتها ووجعتها وحضنتها حتى هيا
وشوي واتصل ابراهيم ورواسي م بتش رد
حنان : خيرك م ترديش عليه
رواسي : شن بنقوله ف واحد خطبني وعرسي بعد شهرين ولا كيف
حنان : وانتي شن ذنبك انتي مجبوره
رواسي : ي ريتني ميته شن اندير اني بس
حنان ورنا : بعيد سوء عليك حبيبتي ليش تقولي هكي
واتصل ابراهيم مرا ثانيه
حنان : ردي عليه حرام عليك مرات سامع
وردت رواسي
رواسي وهيا تبكي : الو
إبراهيم : رواسي
رواسي : نعم
إبراهيم: حقا الي سمعته انك انخطبتي لخالد
رواسي : اي صح لكن اني والله عظيم مجبوره وبوي م شاورني ع شي
إبراهيم : انسيني معاش تكلميني اني كرهتك معاش نبيك انسي حاجه اسمها إبراهيم باهي ولا سكر عليها بالحمراء
رواسي انصدمت
حنان : رواسي خيرك
رواسي وهيا مصدومه ودموعها ينزلوا : قالي انسي حاجه اسمها إبراهيم
وقعدت تبكي بالقوه كأنه مات حد
رنا : حبي م دوريشي لحظه غضب هواه يحبك ومش ح يسيبك هكي بساهل
المهم جي ليل وروح بوا رواسي ولقي مرته ف صاله وقاعده بجنبها رواسي تبكي وبحداها لبنات
محمد : السلام عليكم
وفاء والبنات : وعليكم السلام
محمد : رواسي خيرها
رواسي : بوي انت كيف توافق ع خالد بدون م تشاورني.
محمد : لاني عارفك بتقولي لا
رواسي : باهي مدام عارف بنقول لا ليش توافق عليه
محمد : وافقت عليه ع خاطر مصلحتك وع خاطر مصلحة العيله لان بو خالد معاي في شركه وزواجك من خالد بينفع شركه واجد
رواسي وهيا تبكي وتعلي ف صوتها : اني م نبيشي اني م نحبهاش كيف بنتزوج منه وع خاطر مصلحتك نتزوج من واحد م نبيشي
محمد يضرب رواسي كف بالقوه : تحشمي ي قليلة الادب اني قلت بياخدك يعني بياخدك خلاص تم موضوع
وفاتوة هالشهرين زي غمضت العين ورواسي تتصل ب ابراهيم وتلقى فيه مقفل
#يتبع
#أنوبـة ❤✨
