عباس قرتت اعترف آلهة بلكت تحن عليه شويه وكلت لازم اليوم اعترف مااجل الباجر وكعدت الصبح راسن دزيت رسالة خلي اليوم نتخابر عندي وياج موضوع مهم...
ايلين بعد ماخلص من عباس ورفضت انو نسوي علاقة هو راح وبعد مدز رسالة ابد أني فرحت حيل لأن خلصت طفيت التلفون ونمت...
سعاد ايلين اكعدي عاد مشبعتي نوم ولج ايلين كعدي اخوج اجه ويريد نروح البيت أهل مريم ايلين خرب بيومج تنبل مال نوم اي يمه هسه اكعد بس شوي ولج كومي ولا شوي كعدي يلا حتى تبدلين اي كايمه والله كعدت بس مشبعانه نوم مادري ليش واني نمت ب١١ راسن سبحت وطلعت ع ريوك شفت مريم سوى ريوك
ملاحظة مريم مرت اخويه وسعاد امي
كتلهة حنروح البيتكم كالت اي اني هم تريكت ورحت ابدل لبست بنطرون اسود حصر وبدي ابيض وحذاء ابيض رياضي ولميت شعري من فوك وعفت الباقي مفتوح وخليت مكياج خفيف وطلعت....
عباس دزيت الرساله بس لحد هسه مجاوبت معقوله هيج هاي وتخاف من اهله هسه ميخالف لكل تخاف بس ع أقل يقرون الرسايل ويجاوبون ضل بالي يمهة حيل اوففف شوكت تقبلين عاد من هسه شلعتي كلبي 🥺☹️...
ايلين وصلنه البيت مريم واستقبلونه وضلينه كاعدين وأخوه بس يباوع عليه حيل توترت منها وهما يسولفون على عرس اخوه الجبير وهذا بس يباوع من فوك اليجوه اكلني اكل خفت وتوترت حيل اوفف يربي شوكت نرجع بعدين حضروا الاكل مريم راحت واني هم واختي انساعدهم يصبون الاكل دانكل بالأكل هو هم ياخذ اكل ويودي اجه بصفي وأخذ من الماعون و(بصوت ناصي) روحي كعدي ماريد تتعبين اني راسن رجعت إلى وراه خفت حيل وضل هو ينكل كعدنه ناكل وعينه منشالت مني خلص الاكل ورجعنه البيتنه الحمدلله ياربي رجعنه خلصت هو ليش هيج يباوع عليه اوي اني شعليه انسى ايلين لاتفكرين بي كعدت ع جهازي وبي رسايل من عباس اليوم اخابرج عندي موضوع مهم وياج هذا شبي ياربي شيريد مني معقوله هذا يحجي هيج وشنو هذا الموضوع جاوبت على بس بييي
عباس كاعد يم اهلي وسمعت صوت إشعار من التلفون كبل طفرت ع التلفون يمه هاي هي جاوبت وجانت كاتبه بس اييي عفت التلفون وطلعت من البيت يم جماعتي من الضوجه ولا مهتمه هي تكتب بس ايي والله يالله
قره الرساله ومجاوبني كلت بعد احسن سوينه عشه ورا كلمن بغرفته وكاعدت ع تلفون ذكرت يريد ايدك سويت التلفون صامت حتى الصوت مينسمع دز رساله انطيني غير برنامج التيك توك مابي اتصال دزيتله سنابي ودك عليه وانصدمت.. 😳😳
كاعد يم جماعتي واحد منهم كال حروح اتعشه اني هم كبل ترخصت منهم ورجعت البيت دزيت رساله آلهة اريد غير برنامج لأن هذا مابي اتصال هي راسن نطتني سنابهة معقوله هيج بس تريد تخلص مني أخذته ودكيت عليهة راسن وكلت اني احبج والله احبج افهمي ليش متنطيني فرصة لج ع رسايلج وتخبلت عليج إذا اشوفج واسمع صوتج شسوي.....
ايلين دك راسن جاوبتي بعدني ماكلت الوو هو كال احبج والله احبج ليش متنطيني فرصة ضليت مصدومه مدري شحجي كتله الوو
