صدفه القدر

بارت2

هلاوو حبايبي

شمس جنت بكل يوم اشوف ماما تذبل كدامنا بس متحجي اي شي صارت امتحانات اخير لسنه وقرتني ماما بدت الامتحانات وماما تروح ويااي اكمل امتحان واطلعلها الكيها منتضرتني كملت امتحانات لحد اخر يوم امتحان كملنا ورجعنا هم وره اسبوعين بدت امتحانات اخواني وبس يقرون
كملو بدت امتحانتهم وكملوهن بابا قدم ل ابراهيم ع الضباط لان هوه ضابط قبلو وراح كمت ابجي عليه لان متعوده عليه بيوم من الايام جنت نايمه ومااسمع الا عيطه بابا و ماما فزيتت

باوعت اخواتي كاعدين مخلوني اطلع حضنت سمر و كعدت ابجي من لعياط وماسمع الا عيطه ماما

طلكني ماريدك ماريدك طلكني

كمت منها ورحت فتحت لباب ونصدمت ب ماما شالت كل غراضها وخابرت ع خالو ونزلت جوه تنتضر خالو

شمس: ماما لتعوفيني الله عليج ماكدر لتعوفيني

مروه: وخروا شحصلت منكم بس الهم والغم من يوم اتزوجت ابوكم ولسه عوفوني

شمس: ماما حبابه اخذيني وياج

مروه: ماخذ ولا وحده ولا جاهل عوفووني ابوكم دفني واني عايشه اريد اعيش حياتي اريد اشوف دنيا ششفت من حياتي كله جبته بهم من ل اول. للنهايه

شمس: اجه خالو كمت ابجي فرفحت وراها سمر بلكوه جرتني وتريد تسكتني مسكتتني ممكدرت اسكت احساس انو امي تروح مني هذا جدا صعب منو يتحمله

اسبوع واسبوعين وامي ماكو بعدين عرفت انو اطلكو بس احساسي بوكتها انو عافتنه بهل سهوله مفكرت بيه بعدني صغيره احتاجها وراحت وابد ماكو خبر منها
مرت شهور بعدين عرفت انو امي تزوجت وهاهيه امي نستنه 💔

صارت سمر تهتم بيه بس مو نفس اهتمام ماما كبرت واني متوقعه تريد تشوفني وهيه ماكو صرت لحمدالله اعداديه تحجبت واخويه تخرج صار ضابط اختي تخرجت واختي لثانيه كليه بابا كال انو راح نشيل شلنه بس اني مساعدتهم ضليت ادرس ردت اتفوق بدراستي وميهمني شي

بيوم من الايام تقدموا ل سمر بابا وافق واني هنا كمت ابجي سمر ام ثارت الي شون حكدر اعوفها ضلت تحضر هيه واهل ل عريس محضرت ولا حفله ولا ردت احضر راحت سمر وتزوجت وراح امرها اعترفت انو لدنيا متدوم ل احد ومحد مهتم بيه

اجه نزل ابراهيم وجان جايبلي هديه وبابا رادنه ب موضوع وهوه

بابا: اني قررت انو ازوج واجيبوحده تهتم ب نور و ب شمس

ابراهيم: يعني نته ماخذ قرار ازوج بس اذا اذت نور لو شمس شسوي

بابا: متأذيهم هسه تشوف شتكولون انتو نور شمس

نور: بابا اني ميحتاج اهتم ب نفسي عادي ازوج بس معليها بينه

بابا: ميصير هل حجي بابا هوه غير اني علمودكم

نور: خل تجي ونشوف تعاملها نشوفها نتقبلها لو لا

بابا: ونتي شمس

شمس: ازوج متزوج معليه اني لحد يدخلني. ب مواضيعكم بس خلوها بالكم اذا ازوجت بابا ماريدها تهتم بيه اني مو طفله الحمدالله جبيره واكدر اشوف الصح من الغلط ازوج عادي متزوج هم عاد بس متدخل بيه ومعليها بيه افتهمتو هسه حكوم انام تصبحون ع خير

بابا: شو انتي متحترمين شنو ولج عبالج اخوج لصغير وج اني ابوج عدلي طريقه كلامج

شمس: انتو مو ردتوا رئيي هذا رئي يلا حنام باي

صعدت فوك ابجي طلعت دشداشه ماما اشمها وابجي ليش عفتيني حتجي مرت اب مراح اعرف شحتسوي بيه ماما احبج طول عمري اتمنه تذكريني نمت واني حاضنه دشداشه ماما كعدت ع التليفون يدك شفته سمر جاوبت

سمر: شونج حبيبتي مشتاقتلج الله عليج تعالي بلسبعه مالتي بداعتي اذا غاليه عليج

شمس: اجي والله لان ضايجه وطاكه روحي شفتي قرار بابا

سمر: شنسوي حبيبتي عوفي يتزوج

شمس: تمام

وره يومين نفس الروتين الي تعلمت عليه اذكرت ليوم لسبعه طلعت تنوره وبدي وشال رهمتهم لبستهم

نور: هاي شنو شمس لبسي فستان

شمس: باعي تره ماروح عوفوني براحتي

نور: براحتج حبيبتي

رحنه لبيتهم جان حلو طبيت كعدت ابد لا ركصت ولا شي جانو بيت عمهم موجودين حبابين شفت بناتهم اجوي يمي ضلينهنسولف رحت ل سمر

شمس: ضجت من ل اغاني اريد اشوف وين اطلع

سمر: روحي للحديقه كعدي بلمرجوحه

شمس: حروح رحت للحديقه كعدت اتمرجح واكلب بلفيس ماشوف الا صوت

علي: نتي منو وشنو كاعده هنا متكولين زلم تكب وتفوت

شمس: باوعت عليه شطولاته يربي كتله ونته منو حته تكلي اني طلعت هنا شايفني داتمضحك وياهم لو شنو

علي: شو انتي متستحين تراددين امشي يلا فوتي بعيطه

سرئ: ها خويه شو هنا

علي: فوتي هاي لا ابتلي بيكم شكو تطلعون مو تدرون زلم موجوده

سرئ: ءء كومي حبيبتي نفوت ميقبلون نطلع هنا

شمس: اني مطالعه علمود احد اني طالعه علمود الاغاني لان عاليه ضجت وطلعت شكو يصيح هوه اخويه ابويه امي لو شي يقربلي حته ماعرفه

سرئ: الله يخليج شمس كومي

كمت وياها لان عيب باوعت عليه لكيته ديباوع ب عصبيه خزرته ورحت اخذت رقم سرئ و هدئ اتراسل وياهن لان حبابات

بعدين خابر بابا انو نطلعله لان كملت لكينا واكف يم رياجيل كللهم يلا حروح سالم وياهم و طلعت لكيت هذا الي طببني واكف وياهم مهتمت ورحت صعدت بلسياره ورحنه للبيت

ثاني يوم كعدت نزلت جوه وجان اشوف.......يتبع

أّلَکْأّتٌـبًهّـ وٌروٌدٍ❤