لعبة القدر الجزء الثاني انتقام

الفصل الرابع

فى  قسم الشرطه فى مكتب الرائد رهف
كانت رهف تجلس على مكتبها تحتسى كوب من القهوة التى تعشقها فى برود تام تحت نظرات سيف  التى كانت تتجاهلها رهف تماما  حتى دلف فادى بصحبت الصغيره دارين
دارين . روفى قلبى
رهف بحب . اهلا اهلا بالقمر بتاعى اللى بحبه
دارين . وحشتينى اوى ياروفى
رهف . وانتى كمان وحشتيني اوي ياديرى
فادى . كدا وصلت الامانه امشى بقي شادى بيستعجلنى
رهف . ليه هو فين
فادى . هو مع جو ..  انتى عارفه بقي بيصلحوا شوية حاجات كده
رهف . خلى بالك انا مش عاوزه حاجه تتحرك من مكانها عاوزه كل حاجه زى ما هي من 18 سنه لحد اخر يوم فى حياتى ماشى
فادى . اوامر الاميره رفرف
رهف . ولا قولتلك الف مره مش بحب رفرف ده رهف حلو وانا مقتنعه بيه
فادى . ماشى هحاول بس موعدكيش
رهف . بارد
فادى . عارف مش جديدا المهم ياسو جه ولا لسه
رهف . امال ده عمه قدام عنيك يعنى ما هو شاش اهو
فادى . لسانك ده عاوز قاطعه
رهف . شكرا شكرا على المجامله
فادى . المهم رعد انتى وحشتيه اوى
رهف . عارفه هو كمان وحشنى اوى قول لشادى هعمل زياره فى يوم فى الاسبوع ده علشان التلات شهور الجايين هكون فى تدريب
فادى . تمام يا حب اشوفك قريب سلام
رهف . سلام 👋ثم عادت الى دارين مره اخره
دارين .رهف هقولك سر بس مش تقولى لحد ماشى
رهف .سر ايه ده قولى
دارين .اوعدينى الاول
دلفت رنا .اهلا اهلا ياديرى ياقلبى عامله ايه
دارين .كويسه يارونى
رنا .وربنا بحب رونى منك انتى
دارين .وانا بحبك اوى
رنا .قلبى يا ناس
رهف .رنا دارين بتقول انها عندها سر
رنا .سر ايه ياديرى
دارين .اوعدونى الاول مش هتقولو لحد
رهف .اوعدك اوك يلا بقي قولى
رنا .براحه عليها
دارين .امبارح شفت اتنين بيعيطوا  من البيت وشفت تيتا جنب الاوضه المقفوله فى البيت
رهف .ايه تيتا مين واوضت  ايه قولى
دارين .اهدى وانا هقلك
رهف .انا اسفه اتعصبت عليكى
دارين .لا عادى الاوضه اللى انتى ورونى بس اللى بتدخلوها 
رهف .مين اللى كان جنبها
دارين .تيتا حنين كانت بتعيط
رهف . مبقتش اصدق دموعها فى الموضوع ده
رنا . متاسيش على ماما يارهف ممكن
رهف . اسكتى انتى مش فاهمه حاجه
رنا . لا انا فاهمه ان فى حاجات كتير لازم تتغير
رهف . هتتغير بس كله باوانه المهم ديرى كملى مين كان بيعيط
دارين . مامى ومالك
رنا . سيرين
درين . هو انا عندى ام غيرها ياذكيه
رنا . يابت هو مين خالت مين دانا اكبر منك
دارين . وايه يعنى انتى اكبر بس انا اذكا منك
رهف . 😂😂😂 عندها حق
رنا . طيب اسكتى ياديرى والا انتى عارفه هرميكى من هنا
دارين . مش تقدرى روفى مش هتسمحلك صح ياروفى
رهف . طبعا ياقلب روفى انا مستعده انى اهد الدنيا لو حد قربلك بس دانتى قلبى
دارين . انا بحبك اوى اوى
رهف . وانا كمان
رنا بغيره مصطنعه . طيب وانا
دارين . وانتى كمان يارونى
رهف . صح انتى لازم تروحى على البيت
دارين . لا انا هروح معاكى
رهف . اوكى بقولك ايه مش عاوزه تشوفى جدو مراد
دارين . هو هنا
رنا . اه هو هنا تعالى هاخدك عنده
دارين . هييييييييي
وذهبوا
اجرت رهف مكالمة مع السائق الخاص بسليم
رهف . ازيك ياعم ممدوح عامل ايه
ممدوح . الحمدلله ياست البنات
رهف . بقلك ايه انت فضلك ساعه وتجيب مالك من المدرسه صح
ممدوح  . ايوه ياست البنات
رهف . طيب مترحش تجيبه
ممدوح ازى ده اسيبه كده ده لسه صغير
رهف . عارفه ان مالك صغير بس انا عارفه انا بعمل ايه
ممدوح . ماشى ياست البنات تحت امرك
قفلت رهف معه وهاتفت سليم
سليم . اهلا بملكة النحل خير
رهف . عم ممدوح تعبان شويه هو خاف من ردت فعلك مقالكش واتصل عليا روح انت هات مالك النهارده
سليم . يوووه شوفى حد تانى
رهف . مافيش حد تانى وبعدين احب افكرك ان ده ابنك مش حد غريب
سليم . تانى انتى بتفكرينى ليه كل شويه بحاجه انا حابب انساها
رهف . طول ما انا وراك مش هخليك تنساها لان ده ابنك لو مش قد الخلفه مكنتش جبته من الاول فاهم  وبعدين ده ابنك لو مش حابب تجيبه انت حر بس مافيش حد فاضى برحتك اهو لو تاه متزعلش واصلا تزعل ليه ما انت مش بتحبه ووخده بزنب الحقيره اللى انت كنت متجوزها انت حر    كنسل
رنا . انتى ايه اللى عملتيه ده انتى ازى تقولى كده اصلا عن مالك
رهف وهي تعد سلاحها هتعرف انا هعمل ايه
رنا . رايحه على فين
رهف . مشوار هيغير حياة  طفل من الضياع وينقظه
رنا . قصدك ايه
كانت رهف تحدث احد على التلفون
رهف . اجهز انا جايه فى مهمه جدا
رنا . رهف ردى عليا كنتى بتكلمى مين
رهف . هتعرفى كل حاجه النهارده بالليل وحياة  اغلى حاجه عندى ما انا سكته بعد انهارده وهرجعله دماغه لمكانها
رنا . مين
رهف . سليم
رنا . ايه انتى اتجننتى هتقتلى سليم
رهف . انتى هبله يابت انا اقتل اخويا بطلى هبل دى قرصة  ودن بس سلام
رنا . رهف يارهف لا انا مش لازم اسكت
الو شادى الحقنى
خرجت مسرعه كان سيف يتابع الحوار من البدايه
سيف . لا انا كده مش فاهم حاجه انا محتاج افهم البت دى لغز  وانا بحب افهم قبل ما اشتغل  اخرج هاتفه و الو انا عاوز كل المعلومات عن الرائد رهف سيف سليم الالفى
الشخص حاضر بكرا المعلومات تكون عندك
سيف . لا انهارده بالليل
الشخص تحت امرك ياسيف باشا
سيف . انا اللى هحل الغز ده
************************

فى مكتب المحاماه الخاص بعائلة الالفى التى تديره مريم الالفى زوجة مراد الالفى بصحبت نادين الالفى  وابنت عاصم ملك
دلفو نادين الى المكتب اولا مثل كل يوم القت التحيه على السكرتيره الخاصه بها نوال وبعد ذلك اتجهت الى مكتب مريم دلفت بعدما اتاها الأذن
مريم .حلو التأخير ده انتى اتعودتى على كده
نادين .مين انا لا انتى فاهمه غلط يا مريومه  انا هنا من ساعه حتى اسالى نوال اندهالك
مريم .لا متعبيش نفسك هي كانت عندى من 10 دقايق
نادين .سورى بقي اعمل ايه سماح المرادى
مريم .زى كل يوم هتفضلى تقولى سماح المرادى
نادين .طيب ما انتى حفظه اهو وبعدين انا عمرى مخسرت قضيه  وحده بس من يوم ما اشتغلت معاكى انكرى بقي
مريم .نادين على مكتبك بدال مافقد اعصابى
نادين .انا
مريم .نادين هو فى حد غيرك هنا اسمه نادين
نادين.لا
مريم.نادين
رقضت نادين مسرعه
مريم .اعمل ايه ياربى مع البت دى
ذهبت نادين الى مكتبها ودلفت خلفها ملك
ملك .صباح الجمال
نادين .اهو صباح
ملك .مالك بس فى ايه اوعى تكونى شديتى مع خالتو مريم
نادين . لا ما هو ده العادى بتاع كل يوم
ملك .امال فى ايه بقي
نادين .حصلت خناقه بين بابا ورهف الصبح
ملك .عادى ما هو ده العادى من زمان فى ايه يعنى جديد
نادين .انا مش فاهمه ليه رهف بتعامل بابا كده مع ان بابا  والله طيب وبيحبها اوى
ملك .اكيد فى حاجه عملها انكل عمر هي اللى مزعله رهف ورنا منه
نادين . مش عارفه بجد برأيك لازم ادخل فى الموضوع
ملك .لو مشتريه حياتك وحبه تكملى وتشوفى مستقبلك للاخر ابعدى عن اى حاجه تخص رهف انتى عارفه كويس مين رهف
نادين .انتى اللى مش عارفه مين رهف  انا لما ببص فى عنيها بشوف حاجات مش قادره  افهمها  بجد
ملك . عارفه بحس بكده برضو كانها لغز
دلفت نوال الى المكتب
نوال .انسه ملك مدام مريم عاوزه حضرتك
ملك .ماشى روحى انتى وانا جيه
اومأت لها نوال وذهبت
نادين .روحى بدال ما تبهدلك
ملك .هنروح مع بعض انهارده
نادين .لا فارس هياجى يخدنى
ملك .اوبا ايوه ياعم ماشيه معاك حلاوه
نادين .يخربت نبرك اطلعى يابت يخربت عنيكى
ملك .😂😂😂😂ماشى سلام
نادين .بومه
*************************

لعبة القدر الجزاء الثانى انتقام  💔
بقلمى انا رحمه ابراهيم ✍️
************************************👈⭐👉♥♥♥♥