جمعنا زبادي الشكلاطة😂❤
للكاتبة Ãyā Âřishăț❤🥀
المقدمة(الحلقة الاولئ)🌚🥀
اوكي قبل كل شئ عارفة ان الاسم غريب لكن الاحداث تجنن فيها حب ورومنسية وكوميدياء وخيانة💔 لو لقيت تفاعل يجنن نكملها❤
اسمي سحر عمري18 سنة نقراء ثالتة ثانوي عايشة مع ماما وبابا وعندي زوز خوت واني البنت الوحيدة موصفاتي(بيضاء وقصيرة وشعري طويل ونقشي على العسلي وعيوني كبار وجسمي عادي)😌🥀
خوي محمد: عمره 25 متخرج من التحاليل وخاطب
خوي يوسف: عمره 28 متخرج من القانون ومتزوج ومرته حامل
مرت خوي ايمان: لفعة من تحت الثبن عمرها 26 متخرجة عيون مساعدة دكتور🙂
بابا عبدلله
ماما غفران
________________________________
الصبح☀️
اني: صباحو
ماما: صباح الخير
اني: ماما
ماما: خير امك
اني: بنمشي للمحل
ماما: لاا مافيش طلوع
اني: بليززز🥺
ماما: لا ياعني لا
اني: بلهي عليك من سماك غفران
ماما: امي🙄
اني: اكيدة امك كانت ضالمة شديدة😂
ماما: اقلبي وجهك يا حيوانة
اني: تي هيا وراس ماما
ماما: واللهي لما ناديلك بوك
اني: لالالا خلاص ماشية لدار
ماما: ايووا اصلآ الكلب مايبي غر يلي خانقه
________________________________
اني في داري😌
اني: وووواك تمت الشكلاطة نبي شكلاطة😭
خلي نتصل با لجين
اني: الووو يا بقرة
لجين: خيرك
اني: نبي شكلاطة
لجين: وشن قالولك نحلب فيها
اني: به احلبيلي نبي ميلكاء
لجين: مبردك
اني: ماما مخلتنيش نطلع الزفت
لجين: اللهم اني صايمة
اني: صايمة وعلاش
لجين: انتي وسؤالك ابرد من بعض
اني: اه فهمتك فهمتك
لجين: به توا متصلة بيا الساعة 12 شن تبي
اني: نبي شكلاطة ولا وربي لما نقتل روحي
لجين: يلي بيقتل روحه ميسألش
اني: اني الكلبة يلي متصلة بيك اقلبي وجهك جبتيلي قداد الصوابع وسكر الخط🙂
__________________________________
بابا: ناضت سحر
ماما: اي ناضت امبكري وخشت توا راقدة
اني: طلعت نلهد زي الفرس لاالالا مرقدتش يا بابا ريتها كيف تكدب عليك مش انت قلت الكدب حرام
بابا: مش قلتيلي راقدة
ماما: والله الا ركبت على اساس بترقد
اني: جيت في ودنه بابا متصدقهاش راهي تكدب عليك تبي بلعاني اثأتر فيك توا اكيدة بتقولك سحر كانت تبي تمشي للدكان توا تشوفهها
ماما: شن قلتي
اني: شئ
ماما: مالا اسمع بنتك الفالحة كانت تبي تمشي للدكان
اني: جيت في ودنه ريت مش قتلك توا بدير روحه وحدة فالحة ومهتمة با اسرتها وبتقولك اني منعتها لان نبي مصلحتها
ماما: لكن ولا يهمك مخليتهاش تمشي لان نخاف عليها ونبي مصلحتها
اني: غمزت لي بابا
بابا: خلاااص انتو الاتنين شن هدا ركبتولي الضغط حولي انتي وياها من جنبي شن هدا تقول مقعمز جنب لفاعي مش مرتي وبنتي
ماما: عارفاتك يا كلبة اشبح شن قتيله اصلآ متوقعة منك كل شئ طالعة لي عماتك اللفاعي
اني: ماما نمشي للمحل
ماما: على قطع رقبتي على الكلام هدا كله والله مانك عافستيها خطوة
اني: حورام😭😭😭
____________________________________
زياد: تعرف اليوم نو للشلاتيت
يزن: حالة الواحد كان بيطلع عريان يسحابوه مهبول وكان طلع لابس يقولوله انت معندكش احساس بنو
زياد: شعب معوج من يوم يومه بلهي خلي نمشي ناخد جيلاطي بنموت
يزن: توا بتطلع في هده الحرارة
زياد: مالا بنقعد نتفرج على خليقتك
يزن: احسبني
زياد: نفكر وطلع وخلاه
زياد عمرها 23 يقراء طب موصفاته( طوله عادي عنده عضلات وشخصية ونقشه على الاسود وعنده لحية تجنن تلمع من بعيد وعيونه كبار)؟🤤❤
يزن خو زياد عمره 22 يقراء هندسة موصفاته(طويل وعريض نقشه على الاشقر وعيونه كبار يجنانو ولحيته اخخخ)🤤
_____________________________
اني: راسي وراسكم نبي شكلاطة يعني نبي شكلاطة
وطلعت للروشن
اني: حيعلماء كان ننقز مش خير وخديت بطانية ربطها وبندير روحي باتمان لكن طحت طيحة ميطيحها سبايدر مان 😂😂
اني: الله عليك يا فخر العرب توا نمشي للدكان ونااخد شكلااااطة💃🏻💃🏻💃🏻💃🏻
______________________________
في الدكان
خشيت نجري زي الفرس جيت للكاصة وين الشكلاطة متع ميلكاء ولا اي نوع مافيش مشكلة المهم شكلاطة😑😃
الراجل: تمت جميع الانواع في اهيا
اني: اععع نبي ميلكاء وراس امك
الراجل: والله مافي تمت
اني: به وراس بوك وراس حناك
الراجل:🙂🙂🙂🙂
اني: زعمتلي كبدي خلي نمشي بلكي نلقاء شكلاطة طايحة
الراجل: ربي يشفيها
زياد: السلام عليكم
الراجل: وعليكم السلام
زياد: في جيلاطي
الراجل: هارب الضئ منقدرش نفتحها الثلاجة
زياد: زبري
الراجل:🙂🙂🙂
زياد: مافيش حاجة باهي مصقعة
الراجل: الجيهة هديكة
زياد: تمام
اني: كنت نمشي في الوطة ونشبح ونخنس
مراءة: خيرك يا بنتي انتي كويسة
اني: هرمون الشكلاطة عندي ناقص عندك شكلاطة😂
مراءة: والله ماعندي يا بنيتي
اني: به عندك اولاد
مراءة: كيف؟؟؟
اني: شئ ومشيت كملت الزحف
اني: حيعلماء في زبادي الشكلااااطة خشيي وقعدت نشبحله وعيوني قلوب خلي نمشي بسرعة فضل طرف الزفت
اني: مشيت نلهدد وشاحي قريب يطيح الجلابية تلهد معاي ولابسة شبشب الحمام حشاكم
اني: يا عمري انت وشديته
زياد: هييي
اني: اعطيك جدري من انت
زياد: نحي هدا ليا
اني: حووول هدا متاعي اني
زياد: مكتوب با اسمك
اني: ....................❤
يتبع..................😂❤
