ياسمين جوزت بومين تاع الجمعة والسبت بالسيف سيغتو مبعد ما قاللها إسلام هكاك عرفاتو خلاص يحب طفلة وحدخرا مشي هي كانت تستنا نهار الاحد باش تحكي لبيسان باسك غير هي لي علبالها وتخفف عليها
نهار الاحد بيسان وياسمين كانو فالجنينة تاع لافاك وملاك متقراش هداك نهار
بيسان : وشبيك ياسمين مراكيش تباني مليحة ليوم
ياسمين دمعو عينيها : إسلام
بيسان : وشبيه إسلام
ياسمين : ي..يحب طفلة وحدخرا 😢😢
بيسان : متزيديليش 😳 قولي والله
ياسمين : والله 😭😭💔
بيسان : ونتي شكون قاللك بالاك فهمتي بالغلط نعرفك نتي تحكمي من اللخر وتجبدي 😕
ياسمين حكاتلها واش صرا نهار البحر
بيسان : ونتي تاني بغلة علاش مسقسيتيهش شكون هيا وتهنيتي
ياسمين : نوو ومبعد يقولك راهي ميتا عليا وتهتم بيا خليني منو
بيسان : ودوك كيفاش لازم نعرفو شكون هادي لي يحبها
ياسمين : واش حا نديرو كي نعرفوها نقتلوها مثلا انا الحمارة لي طمعت روحي مشي هو الغالط 😭💔 الرجال كامل كيف كيف يلعبو وانا نية رحت معاه وحسبتلي يحبني شح فيا 😭💔
بيسان عنقتها : خلاص اسكتي متبكيش بلاك فيها خير خلاص اشششت
كملو النهار ورجعت ياسمين لدار تعشات وطلعت ترقد غدوة منداك خرجت هي وملاك يشرو حوايج باسك كاين حفلة تاع خطوبة بنت خالت ملاك نهار السبت لجاي ولازم يروحو شراو ورجعو لدار 💙 إسلام يخمم كيفاش يزيد يتأكد من ياسمين يدا تحبو ويوسف مع حكاية فيصل وياسمين لا جديد تخمم غير في إسلام وحكايتو مع لييحبها 🙃💔 معلبالهاش بلي هي البغلة 😂
نهار السبت وجدو كامل ولبسو وفرحانين غير ياسمين حزينة 😢😂
راحو لدار خالت ملاك السيدة صبرينة لي هي اخت مرت عم ياسمين(( ياك فهمتو 😂😂))
نعرفكم خفيف ظريف بالعائلة عندكم صبرينة إنسانة كبيرة وعاقلة وحنينة كيما لامية وراجلها محمد وعندها 2 بنات هدي المخطوبة حنان في عمرها 24 سنة شابة نورمال وهااايلة تدخل القلب تم تم و المسمومة 😈😒 بنتها الاخرى ستوتة رانية تحب إسلام تموت عليه بصح خلاطة من طفل لطفل وكي تشوف إسلام تلسق فيه 💩💩 كشرودة وحاسبة روحها هي الشابة
وصلو لدار رحبو بيها ودخلو قعدو فالصالون لامية راحت تعاون ختها صبرينة وملاك راحت عند حنان وياسمين قعدت مع النسا فالصالون رانية كي شافت ياسمين غارت منها بيسك شابة عليها ولات ترفد في شنايفها على ياسمين وتشيت للامية بلعاني 💩👽
إسلام شاف ياسمين ذاااب خخخ عجباتو كانت زللللة فوووور وهي مقيماتوش يعني ههه كانت زعفانة
إسلام دخل لصالون شافتو ياسمين عاودت هبطت عينيها تخلط فالتيليفون
رانية شافتو سوطات عندو تعنق وتبوس
رانية : اووه إسلامو توحشناك مراكش تبان ☺😍
إسلام : يتوحشك الخير بنت خالتي هاكي تعرفي الخدمة والله مراني نريح
رانية شداتو من يدو وياسمين تخزر خخلاص حا تكلاطي شافها إسلام تزغد في رجليها عرف بلي راهي غايرة وراهي تغلي ومقلقة حب يزيد عليها ضحك لرانية
إسلام : وكيفاش رانو مع القراية نتي
رانية ميتة بالفرحة اول مرة في تاريخ المملكة العاشورية 😂 اأاأا قصدي في حياتها الكشرودية يحلبها ويڤصر معاها إسلام
رانية : والله cv رانا معاها (( تكذب واللله غير تكذب 😂😂هي كون تسقسيها على كاش كتاب تلقاه معمر غبرة تالمون جامي فتحاتو خخخ من العصر الحجري القديم 🙃😂))
هنا ياسمين خلاص مقدرتش عرفت بلي هي الطفلة لي يحبها وزيد يقولها رانو اه ياربي خرجت من الصالون وراحت عند ملاك إسلام شافها خرجت تبسم وراح وخلا رانية تهدر وحدها خخخخ
جازت الخطبة والناس كامل راحو وبقاو لافامي برك
ياسمين كانت مع ملاك وحنا فالسطح والباقي فالصالون
ملاك : ههه والله مجاك كبير نتي راكي توسوسي وحدك
حنان : بففف اوك نسقسي ياسمين اسمعي ياسمينا الخاتم جاني شوية كبير صح قولي الحق والله ما نزعف
ياسمين : نوو والله جاك شباب والله ما كبير حببتي بصحتك 😊😚
حنان : ههه يسلمك حببتي طمنتيني ☺😘
ياسمين : ملاك وقتاش نروحو نعست
ملاك : شوية ونروحو مزال الحال نتي تان
ياسمين : ياختي انا نعست تساليني 🙃🙃
ملاك : نن اوك حابا ترقدي هاهم شوامبر معمرين روحي نني حتا الغدوة مكاش لي يديرونجيك
ياسمين : بلعي 🙂 منرقدش خلاص بطلت
ملاك : خخخ أوك هكا مليح ريحي اسمعي حنان اهبطي جيبيلنا عصير البرتقال عطشت 😂😂
حنان : نجيبلك الزبل طيري جيبي وحدك ني عيانة
ملاك: تفووه عجزت هايا نوووووضي باليز
حنان : نووو والله مانوض هاه قولي لياسمين
ياسمين : نوو انا نحشم والله كون يلقاوني تم واش يقلولي يا يما عيب
حنان : تعيي والله قوليلهم حنان بعتتني نورمال نوضي هيااا
ملاك : هياااا ياسمين ريقي نشف والله
ياسمين هبطت بعد عناء طويل ههه
لاقات العصير خخخ قعدت تفرغ حتا دخلت رانية
رانية : اي نتي داخلة لكوزينة بلا ماتسقسي دار باباك واقيل
ياسمين : سقسيت حنان وهي لي بعتتني
رانية : هه واقيل حسبتلك داركم هادي باش تدخلي كيما تحبي وتخرجي كيما تحبي ايا برااا تشو اخرجي
ياسمين : احترمي روحك حتا انا منيش ميتا باش ندخل كوزينتكم
رانية : وتزيدي تهدري يامجرابة
ياسمين : المجرابة غير نتي سمعتي و..جات حا تكمل دخل إسلام ياسمين خرجت وخلاتهم
ولاو لدار كامل ملاك كانت تخلط فالتيليفون لحقها ميساج من عند يوسف قالها طلعي لسطح نسحقك طلعت لقاتو لتم يتكيف
ملاك : وي يوسف سحقيتني
يوسف : إيه هاكي وجبد من جيبو برية ومدهالها
ملاك : وشنو هادا
يوسف : تصاورك جبتهم وهداك الكلب يلا زاد دار بيك قوليلي برك وخطاتك
ملاك شافت تصاور شافت في يوسف : مرسي بزاااف يوسف هنيتني والله ربي يخليك
يوسف : بلا مزية مدرت والو
ملاك : واش رايك نحرقوهم كيف كيف
يوسف : اوك
جابو بريكي وحرفوهم وحدة بوحدة وملاك ميتة بالفرحة
يوسف : خلاص دوك تهنينا بصح بلاكي تزيدي تعاودي عفسة كيما هادي
ملاك : وي علبالي خلاص ندمت وهبطت راسها
يوسف طلعلها راسها : نورمال مصرا والو خلاص انساي مهم عرفتي الغلطة تاعك اتعلمي منها ومنا ورايح واحد ميدنا ليك بسك نتي تاعي وحدي
ملاك خزرت فيه مخلوعة : 😳 اه
يوسف شعل ڤارو : ههه إيه وشبيك نتي تاعي وحدي نحبك ملخر هكا باش ديريها فراسك ومتزيديش تزغدي بزاف تفاهمنا
ملاك وجها طوماطيشة ☺☺☺ مي فرحت شوية وكانت حا تسوطي قدامو
يوسف : وشبيك سكتي ولا متحبي.......
ملاك : مام انا نحبك
يوسف : 😳😳😳😳
ملاك معرفتش روحها كيفاش نطقتها ماتتة بالحشمة كون صابت تنشق الأرض وتبلعها هربت تجررري شمبرتها 😂😂😂🙃
يوسف فرحة لا توصف هههه قعد يتكيف وقرر باش يهدر مع عمو عليها ميقعدوش هكا ومبعد دخل حط راسو و رقد 😍❣
جازو يامات يوسف هدر مع عمو وفرح بزاف وسمعو كامل العايلة بالخبر وديسيداو باش يديرو خطبة بيناتهم بعد شهر باش كامل يوجدو رواحتيهم والعرس بعد ما تكمل ملاك قرايتها
نهار الخطبة ملاك راحت صباح هي وياسمين وملاك للحفافة دارو مشطات خفاف ورجعو طلعو يلبسو مبعد شوية بداو الغاشي يجو يعني مشي بزاف غير لافامي تاع يماها وبيسان
ملاك كانت لابسا هكا 👇😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وشعرها سامبل هكا 👇😍
وياسمين هكا كانت زلة 😍😍😋
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ووشعرها طلقاتو محبتش تلبس ميني باسك الحالة مخلطة وتحشم هع هع هع 👽👽
جازت الخطبة انتيك وبشبش هههه إسلام كان طالع لشمبرتو يجيب مفتاح تاع طونوبيل باش يوصل خالتو صبرينة يمات الخرية تاع رانية تلاقا بياسمين فالدروج كانت هابطة ومزال مبدلتش هو مشافهاش مصباح حتا لدوك وإنبهر بجمالها الجبار وشعرها الطويل المنسدل على اكتافها ههههخخخخ 😂إنسجمت بزاف سمحولي 😂😂😂
نكملو قعد يخزر فيها وهي تخزر فيه هو تاني كان بزااف زل اودي بقلاوة معسلة خخخخ
إسلام : راكي شابة 😍😋
ياسمين قلبها حايخرج من بلاصتو بصح ردتلو بالبارد ياسمين : مرسي علبالي 😏🙂
إسلام : 🙄ههه وين بيها لتحت
ياسمين : ونتا واش دخلك
إسلام : هابطا هكا ( ودارلها بيدو من الفوق لتحت )
وولاد خوالي مزالهم لتحت راكي حابا يكحلو عليك واقيل 😤😤
ياسمين : ونتا واش راحلك فيا روح التها بهاديك المصفارة تاعك 😒😒
إسلام : ياسمين متكثريش الهدرة بزاف قتلك اطلعي اطلعي *بالعياط 😤😤*
ياسمين : زيد اظربني خير تحاسبك قتلك منطلعش واش حا دير هاه 😏😐
إسلام شدها من يدها وكركرها لبيتو وغلق الباب ودناها للحيط ياسمين تخلعت
إسلام : الخطرة الجاية كي نهدر معاك يسموك ديري واش قتلك سينو نتفاهم معاك
ياسمين : مدخلك فيا ندير واش نحب التها بمصفارتك بزاف عليك مدخلش روحك فيا
إسلام ضرب يدو على الحيط قدام راسها وهي غمظت عينيها
إسلام : شكون هادي يا الرب لي مصباح ونتي ألتها بيها 😤😤
ياسمين : لي تحبها
إسلام : شكووووون 😤😤 انطقي
ياسمين : رانية 😶😶
إسلام : وشكون قالك نحبها 😐 تعيي والله شفتيني حلبتها خطرة معنتها نحبها
ياسمين : حبها ولا اقعد معندي ما دخلني فيكم ودوك بعد خليني نخرج
جات خارجة جبدها إسلام وطبعها على الحيط وأوپلاااااا ترم تررررم حدث مالم يكن في الحسبان 😂💏* ايه يا مسوفجين لي في بالكم صراا خخخخ*
بعد عليها وياسمين مزالها مشوكية وجها حمر عمبالها راهي تحلم خخخخ
إسلام : نحبك نتي يا غبية وهديك المصفارة عمرها ماعمرتلي عيني كيما نتي 😍😊
ياسمين خزرت فيه مبعد وجها حمر خرجت تجرررري إسلام ضحك ومبعد رفد مفاتحو وخرج جاز هداك نهار ياسمين من جيهم مخلوعة من اللي صرا ومن جيهة فرحانة بلي إسلام يحبها كيما تحبو 😍😍
إسلام كلما يتفكر يضحك عليها 💙💙😊😊
أنت تقرأ
أريدك بجانبي
Non-Fictionكرونيك روعة "ياسمين" "إسلام" كرونيك بزاف شابة نتمنى تقراوها وتعجبك ❤😘😘 أكييييد باللهجة الجزائرية 😌😇
