أريدك بجانبي

بارت 10

جازو يامات إسلام بدات تعجبو ياسمين بزاف وياسمين تاني بصح مزال مبينوش لبعضهم ديما القط والفار ههه
إسلام ولات متعجبوش لبستها مينداك كشغل ولا يغير باسك هي شابة ويدسروها في لافاك بصح محبش يهدر معاها خاف كشما تفهم نقص
صباح كانو يشربو في القهو كامل
ملاك : بابا معليش نطلب منك حاجة
كمال : إيه نشالله خير برك قولي
ملاك : اممم عندي حفلة تاع صحبتي عرضتني ليها غدوة انا وياسمين واني حابا نروح يدا حبيت نتا
كمال : إيه روحي بصح خوك يديك ويجيبك تفاهمنا
ملاك: اوك باباتي لعزيز كيما تحب مرسي بزاااف
إسلام : ربحت فارغ شغل انا نديك ونجيبك 🙂🙂
كمال : ههه إسلااام معندك والو ليوم ادي ختك خير ماتروح وحدها هي وياسمين
ملاك : إيه إسلامو تعيش شوف حنا كي نخرجو من لافاك نجوزو نشرو حوابج وعفايس هكا ونجو لدار نبدلو ونروحو جوايه 5 هكاك وتجيبنا على 8 تسما شي بزاف 😊😊
إسلام : خلاص فهمت انا نروح ولعشيا كي نجي مثمدابيا تكونو واجدين اوك منحبش نسنا بزااف
ملاك : اوك
خرجو كامل كل واحد جيهتو وملاك وياسمين خرجو شراو حوايج وماكياج وعفايس هكا ورجعو لدار كملو وقعدو يسناو في إسلام
ملاك : واااااو ياسمينا رااكي زلة 😍هههه نخاف يخطفوك ياجدك ونباصي بيك 😂😂
ياسمين : هههه احم احم مرسي بب مام نتي راكي زلوشة 😂😂😊😊
ياسمين كانت لابسة هكا 😍😍

ملاك هكا 😍😍😍😊

جا إسلام وبدا يعيط باش يهبطو ليه
سمع طالون خزر شاف في ياسمين لقاها زالللللة تهبل قعد غير يخزر فيها مكانش كامل يشوف في ملاك 😂😂
ملاك : واش خو عجبناك اه قول الصح 😊😊
إسلام يخزر في ياسمين برك غايس مسكين 😂😂
ملاك دارت يدها قدامو : ايووو اي ني نهدر معاك وين راك غايس
إسلام : اه واش راكي تهدري شبيك 😳
ملاك : ههه عجباتك ياسمين اه اهدر اهدر متكذبش تخزر فيه 😂😏😏
ياسمين وجها طوماطيشة خخخ حشمت وجه الحشمة زعما 😳🙂🙂
إسلام : ها ها ها بلعي ومخك الخامج هذا خليه بعيد ايا اجري تشو لطونوبيل
ملاك راحت وياسمين موراها تجررري هههه لحقها إسلام دنا لوذنها وهدر : راكي زلة 😍 وغمزلها وراح ركب في الطنوبيل
ياسمين خلاص حوسو عليها متلقاوهاش هههه ماتت بالفرحة وبالحشمة خخخ الحلوفة ركبت وهو طريق كومبلي يكحل عليها
ههه وصلهم وراح جوزو الحفلة انتيك مبعد ملاك عيطت لإسلام جا داهم
راحت ياسمين بدلت وتكسلت دارت لملاك لقاتها رقدت هههه قعدت تخمم غي واش قاللها إسلام وتتبسم وحدها كي البغل خخخ 😂😂
إسلام كي العادة محبتش تخرجومن مخو سيرتو ليوم كانت بزاف زلة 😍😍
نهار جديد كان السبت كي العادة كامل فالدار برك كمال عم ياسمين ومرتو لامية مكانوش فالدار بيسك كان عندهم عرس تاع واحد صاحب السي كمال مهم
ناضت ياسمين صباح خرجت ملقات حتا واحد
ياسمين : ايواااه ضك طاطا لامية وعمو كمال مكاشهم 😌 وملاك وسارة راقدين هه تسما وقت الخطة 😈😈 السي إسلام ليوم نهارك هههه نوريلك تقصف ياسمين 😏
راحت طلت عيه لقاتو راقد راحت جابت بيدون معمر ماء هههه ودخلت لشمبرتو وغلقت الباب وفرغاتو عليه كامل
إسلام ناض مخلوع 😳😳
ياسمين ميتا بضحك 😂😂😂😂😂
إسلام : شبيك مع صباح ربي جاك عليا 😳😳😳
ياسمين : إيه هادي رديتلك تاع نهار القصف 😊
إسلام : 😳 والله منيتك خي جايحة بهدلتيني وزيد كون غير خليتيني نرقد امبعد شمخي على روحك🙂
ياسمين : ههه وهكاك وشمن فايدة انا مهم نوضتك وزيد دوشتلك راك تتشبه لسردوك مشمخ 😂😂
وخرجت
إسلام : 😳😳 يلا مرديتهالكش انا ميسمونيش إسلام
ياسمين كانت تشرب فالقهوة جا إسلام فرغ وقعد يشرب معاها شوية وهبطت ملاك
ملاك : ياااه شكون راهو نايض إسلاااام هادي نورمالمون نديروها فاللجوغنال 😊😂😂
إسلام : إيه وحد الشي نااس نوضوني وخزر في ياسمين 😒
ملاك : ههه كيفاش ياسمين نوضاتك ??
ياسمين : نن وانا علاش نوضو واش دخلني فيه
إسلام ضرب ملاك عى راسها وقالها
إسلام : مخك حابس منيش عليها راني على ناس وحدخرين وخزر في ياسمين 😒🙂
ملاك : ههه اوك مليح
كملو قهوة إسلام خرج مع صحابو وملاك وسارة وياسمين شغل تاع الدار كي العادة 😌😂
كي كملو ملاك طلعت تهدر فالتيليفون وياسمين خرجت لجنينية وسارة معاها قعدت فالكرسي تخلط فالتيليفون
كانت ياسمين واقفة قدام بيسين وغايسة
إسلام رجع لدار شاف ياسمين واقفة عند البيسين
وسارة قاعدة
إسلام : ههه دوك نوريلك تشمخيني يا مصفارة
بدايمشي بلعقل حتا لحق مورا ياسمين خزر في سارة قالها اششششت وطبع ياسمين فالبيسين هههه
ياسمين كانت غايسة حتا لقات روحها فالبيسين تعوم خزرت لقات إسلام يضحك 😂😂
ياسمين : علااااش يا جايح 😡😡🤬
إسلام : ههه رديتها شح باش متزيديش تخلطي فيا
ياسمين خرجت وطلعت تجري تبدل شافتها ملاك
ملاك : شبيك هههه راكي مشمخة كامل
ياسمين : اخطي جدي سقسي خوك الحابس افففف
ملاك 😂😂😂
جاز نهار ولاو عم ياسمين ومرت عمها فالليل كان إسلام في شمبرتو راح لتاقة وبدا يتكيف شاف وحدة واقفة في الجنينة غلق تاقة وهبط ليها
إسلام : هادي نتي ياسمين
ياسمين : وي انا علاش كشما تسحق 😞😞
إسلام : نن والو برك شفتك جيت نشوف وشبيك ياسمين : والو قاعدة برك
إسلام شاف عينيها منفخين : علاش راكي تبكي متقوليليش برك علجال واش درتلك مقبيل
ياسمين : نن منيش دراري نبكي وخلاص 😔😭
إسلام قرب ليها وقف قدامها : نن قوليلي علاش راكي تبكي ولا نعاود نرميك كيما مقبيل ايا اهدري تشو كاش واحد دنا ليك نكرفسو
ياسمين : نن واحد ما دنا ليا نبكي بركك 😭😭
إسلام : انا منروحش منا حتا تهدري علاش راكي تبكي
ياسمين : تفكرت يما وبابا توحشتهم بزاف
و...ووو خويا ي..ي..يو...سف تهدر وتبكي بشهقة
إسلام غاضتو محملش كي شافها تبكي هكاك جبدها وعنقها هيا زادت فالبكا وعنقاتو
شوية حسها بدات تسكت بعد عليها وقعدها فالكرسي هي حشمت ههه زعما
إسلام : خلاص اسكتي يماك وباباك ربي يرحمهم لازم تدعيلهم مشي تبكي ياك وتمرضي روحك وخوك ربي يهديه ويولي نشالله ادعيلو يكون bien برك
ياسمين : نشالله merci إسلام انا نروح نرقد bn8
إسلام : bn8 ومتزيديش تبكي ياك وغمزلها
ياسمين : اوك 😊😊
إسلام قعد يخمم غاضتو وخمم في حاجة راح تفرحها وديسيدا يديرها (( امبعد نقولكم 😘))