.........:نغم يا رمة اليله النتائج حقتكم ظهرت
نغم : متين دا و انا مالي ما عرفت ، قاعدة تكضبي تاني صاح😑، الليله يا نُون تكوني بتهظري معاي ذي يوم داك بقتلك
نُون : هو انتي فاضيه تعرفي شيء من النوم الكتير ، طول اليوم نايمه
........: اييووووووي يويوي (صوت زغاريد😂😂😂)
........:الف مبروك يا نغم عقبال التخرج
نغم :الله يبارك فيك، دقيقه امي انتي مشتركة مع بتك في هبالتها دي الليله
ذينب: انتي الهبله الما مهتمه تعرفي نتيجتك بتظهر بتين ، بلوه انتي
......: مبرووووك ليك يا بنتي ال85 مع اني ما كنت متوقعاك تجيبي شيء بنومك دا
نغم : هييي انتو جادين ، وااااي يا ابوي ما قادرة اصدق نفسي ( في حالة صدمة لخمس دقايق😂😂)
ذينب : هههههه عليكم الله شوفو الهبله دي علقت كيف، معقولة كلنا بنكذب عليك بأبوك 🙄
محمد : ههههههه ( يضحك علي بته الهبلة ) نُون قومي امشي جيبي حلاوة و بارد خلي المعلقة دي كدا لمن يجو صحباتها يلقوها بالحالة دي😂😂😂
نُون:خلوها
نغم : لا ، انا لِسَّه في حالت صدمة و انت تضحكو فيني😐
محمد: ( طلع من جيبه قروش فئة 200 جنيه ) أمسك دي يا نغم دي لي نجاحك و ان شاء الله نهاية الشهر لمن اصرف اجيب ليك العايزاه 😉
نغم : ( طلعت من صدمتها و جرت لابوها شالت القروش و حضنته ) شكرًا يا ابوي الله يديك العافيه و يخليك لي ، ( باست يده ) ، و ما تقولو كدا من قبيل يا ابوي عشان أصدقكم 😅. (😂😂😂😂 شايقيه ، القروش بتعمل المستحيل )
ذينب : اجي يا بتي من قبيل ابوك دا برطتن ، بس انتي غير القروش ما بتشوفي 😑😑
نُون : مي بتك ما بتتعامل الا بالقروش 😂 حبشية بس😅
نغم : نُوون خلي حميش النيران ، حسابك معاي بعدين😑😑
ذينب : يلا يا بنات خلو الشكل و رتبو البيت لان الناس بتجي تبارك ( علي اساس ما مرتب ، كلام كل الأمهات حتي لو كان البيت يلمع )
نغم : ( تمشي تحضن امها) امي حبيبت قلبي الليله يوم راحتي لان نجحت ليك خليني ارتاح 😃 عشان لمن يجو يباركو لي الناس يلقونه نايره😅
ذينب : اها يا العروسة ، جاين يباركو لنجاحك ما عرسك ، و انتي هسي ما كنتي نايمه
نغم : امي و الله انا تعبانه 😕 و من الصباح شغاله ليكم( حجج الكسلانين😅😅)
نُون : علي اساس شغل البيت كله في راسك ، انتي غير الطبخ ما بتعملي شيء و بمزاجك و الباقي كله في راسي ( علي اساس الطبخ ما متعب حجج كل الأخوات الصغار😑)
نغم : ما فاضيه ليك هسي عشان أتجادل معاك ، اصلها كم يوم و حأخلي بيتكم دا 😏
نُون :هه قالت كم يوم و بيتنا كمان بقي ، علي اساس حياتنا مرهونه عليك، اصبري كلها فترة و حتعدي و تجينا في الإجازة جارية ذي الكلبة😏(حقيقة😂😂)
ذينب : و الله يا محمد بتك دي ما عارفة طالعة لمنو عجيبة
محمد : (بصوت منخفض ) لامها النكدية اكيد 😅(شكلها مطلعة عينه😂😂)
نُون و نغم : ههههههههه (بيضحكو علي كلام ابوهم)
ذينب : أبوكم قال شنو بتضحكو ، قلت شنو يا محمد😒
محمد : قلت ليك ما عارف جابت اللأمة دي من وين😬😬 (عمك خاف😂😂)
ذينب : امممممم( ما مصدقة😂😂)
محمد :اها يا نغم حتقدمي في اي جامعة و شنو ( متهرب😂😂)
نغم : عايزة اقدم هندسة طيران جامعة السودان يا ابوي 😊
نُون : اممممممم جامعة قسي اهاااا😏😏 ( يوجد ان بل إنن😅😅)
ذينب : قسي بيقرا هناك ، كويس و الله تلقي ذول يعينك و الله محظوظه يا بتي انتي😌
محمد : أحسنتي الاختيار ، انا بوافقك في اي رغبه في بالك😊
نغم : الله يخليكم لي يا احلي اهل في دنيا ( لحظة حنين😃)
مضي الايام و ظهور نتيجة التقديم الجامعي
نغم : الووو يا الرمة تعالي سريع ظهرت نتيجة التقديم و انا زعلانه
......: مالك ما شالوك في الجامعة
نغم : شالوني
.....: طيب مالك يا هبلة
نغم : عارفة شيء يا سلوان انتي رمة و ما نافعة بشيء
سلوان: شكرًا ، ما جبتي معلومة جديدة ، حتقري مع اخوي السجمان التاني في نفس الجامعة الطيور علي اشكالها تقع
نغم : لا شالوني في جامعة غير
سلوان : ههههههههه شمتانه فيك بركة ، عشان كدا زعلانه قال
نغم : صبرك جميل لمن تجي تيت تيت قفل الخط( عدم اتكيت😂😂)
سلوان : ( من فوق الحيطة ) نغم يا عواليق انتي قافلة الخط مالك ( طلعو جيران😂😂 خسارة الرصيد في كم)😅😅
نغم : حأربيك الليله لمن تجي بجاي
سلوان: ما جاياكم ، تعالي انتي لو دايراني نتيجة اعمالك السيئة شوفيها بعينك😏😏
نغم : راحتك يا اختي ما بسألك بعرف بجيبك كيف😏
سلوان : نشوف هههم😏
بعد ساعة و لا اكثر
سلوان : احم احم جيتكم
نُون : ههههههه جابتك الريحة 😂😂😂
نغم : ما قلت ليك بعرف أجيبك 😏😆
سلوان : ( متجاهله ) خالتو ذينب كيف حالك ان شاء الله كويسه و عمه كيف حاله
ذينب : و الله كلنا بخير ما في عوجة و اهلك كيف ان شاء الله طيبين
سلوان : كلهم تمام ، بالمناسبه يا نغم ساوة كيكة لشنو دا كلو عشان تجيبيني 🙄
نغم : ايوه و هدي جيتي و ما حأديك منها
سلوان : يا سلام عليك علي اساس حأنتظرك تديني ، البيت بيتي و بشيل براي 😏(عشنا و شفنا)
نغم : مدام كدا تعالي غسلي العدة 😏( حبيبتي يا نغم )
سلوان : (متجاهله ) قلتي لي شالوك وين (مع ابتسامة خبث )( تفتح المواجع 😂😂)
نغم : جامعة السودان و هندسة طيران نفس كلية قسي اخوك 😏 ( ابتسامة نصر ) (صدمة ثلاثية الأبعاد لسلوان 😂😂😂)
سلوان: 😳😳 عملتيها فيني يا معفنة ، تغشني قبيل ، و انا جاية اتم شماتي فيك
نغم : تستاهلي ، لا تشمت في اخيك فيرحمه الله و يبتليك سمعتي به او لا الحديث دا😌
مرت الايام و فتحت الجامعات، و قررت نغم السفر يوم الجمعة لتنزل الجامعة لان الدراسة ستبدأ يوم الاحد ، و قررو صحباتها يسو جبنة وداع في بيتهم
سلوان : نغم يا نغم يا نغاااااااام( من فوق الحيطه طبعا)
نُون : مالك يا جن ما تصرخي كدا ، و نغم سامعاك و ما عايزه ترد 🙄
سلوان : قولي للسجم دي صحباتك جاينك قالو😑😑
نغم : مالكم جاين ، عايزين تعملو لينا ازعاج😑
سلوان : اصلك ما تستاهلي الوداع ، الحسنة في الملعون ذي الشري في القندول😒
نغم : انا بعرف لمتكن انتو الخمسة ما لي خير ابدا، بتجو تقضوها قطيعة و تمشو 🙄
سلوان : ياخ بنقطع مالك انتي حريه هي المهم جاين شئتي ام ابيتي 😑😑
نغم : البيت دا مسجل بإسمك و نحن ما عارفين ، اصلا ما في مفر منكم (علي اساس خاتين ليها سكين في رقبته 😂😂😂) ، و أعرفكم عايزين تنيلو اي ولد الليله😏
سلوان : ما عامله فيها الشريف الرضي 😏
يتبادلو النظرات ( التحميرات😂😂😂)😑😑😑😑
نُون : اكلو بعض عليكم الله
سلوان : جاين بعد شوية ، ختي حجات الجبنة في القطية بتكون بارده افضل من البرندة و احلي🙂
نغم :ما برفع و لا قشه مش انتو عزمتو نفسكم براكم جهزو الحجات براكم 😏
سلوان : تبا لك يا حاقدة😑 حسني اعمالك عشان الناس تحبك
نغم : عاجباني نفسي كدا يا الما حاقدة😏
خلص البارت الاول شباب ، البارت الاول ممل و طويل اعرف اذا في انتقادات او آراء احب اعرفها. و احب اعرف اذا افضل يكون البارت طويل كدا او اقصر او أزيده
توقع البارت الثاني :
⚫️ نشوف اول يوم جامعي كيف لنغم
⚫️و الشخصيات الجديدة
⚫️و هل ستواجه نغم مشاكل
و شكرًا لكم😸💗
أنت تقرأ
صعبة المنال
General Fictionلا وصف معين احب ان تكتشفو الأحداث هي رومانسية بعض الشيء جامعية مسلية استمتعو ، لا اعرف ما اقول اتمني تعجبكم (๑^ں^๑)
