الثالثة صباحا🔞

الحلقة 2

#الثالثة_صباحا 🔞
-٢-
بقلم لينا عامر
اذا انتبهت جيدا فيما حولك ستجد مفتاح صغير يقودك للعالم الاخر ... فقط احترس من ان تتورط به .
___________________________________
مها كانت قاعده تبكي قدرتها وتتنهق .
حازم : عمل ليك شنو ؟
رفعت راسها ووشها وعيونها كانو محمرين : انا الخلاني اسمع كلامك شنو اصلا.
حازم بي احراج : انا بس حبيت اساعدك
فتحت شنطتها وطلعت منديل : انا خلاص مستقبلي ضاع قال لي حقبل اعتذارك لكن برضو م حتنجحي 💔
رنيم : حسبي الله ونعم الوكيل .
حازم : خلاص قومي امسحي دموعك دي وارجعي البيت ارتاحي .... بكره عندنا كويز .
(حازم دا طويل وحلبي ....لابس تقويم و نضارات هاري پوتر ديك 😂🤓... حالق شعرو فلات ....طيوبي وحفاااااار 🙏🏻😌).
وقفت على حيلها وهي بتشيل ف انفاسها ولسا عيونها فيها دموع ... ف اللحظات دي راكان جا طالع ومعاه استاذ تاني .
عينو وقعت في عينها ... عاين ليها بغرور وبرود وتابع مشيو .
مها وهي بتبكي تاني : حسبي الله ونعم الوكيل فيك .
رنيم وهي بتمسكها من يدها : قومي خلينا نطلع .
طلعو الاتنين وركبو العربيه .
ومها شغاله تبكي طول الطريق : انا م قادره اصدق الحصل يا رنيم ... كرامتي اتهانت والله 😭
_ م هو انتي يا مها يعني العملتيها يوم الخميس زاتو لا حصلت لا كانت ... فيعني م عارفه اقول ليك شنو
قبلت عليها بعصبيه : لكن يعني يقوم يخربها علي ... انا م زعلانه من الشكله الشاكلني ليها .... قدر م زعلانه على انو قال لي م حتنجحي وقال لي شيلي الكبايه دي واتفضلي ... الله ياخد لي حقي منو 😭
رنيم بخوف : ووووب علي قبلي قدامك النبي فيك .... انا م قنعانه من حياتي .
مها وهي لسا بتجعر : ناوليني 😭... ناوليني المناديل .
رنيم بي سرعه جرت ليها منديلين : هاك ياختي
مسحت دموعها وفررررر اتمخطت 😂🤧 وشالت انفاسها وبقت مركزه مع الطريق شويه كدا وانفقعت تاني 😂😭
_اااااااااع 😭💔انا ؟ انا يقول لي زي تلميذه الاساس وم مسؤوله ؟ وكمان يقول لي اعتذارك مقبول لكن م بتنجحي ؟
رنيم بنفاذ صبر : ياخ خلااااص ياخ افصلي شويه ابوس يدك 😑... بعدين م تستبقي الاحداث احتمال هو قال ليك كدا ساي عشان يخوفك .... فوضي امرك لربنا بس واقري قرايتك ..... وبعدين ف شي اسمو اعادة تصحيح يعني حقك م بضيع بإذن الله .
_ دا كلامك 😢
_ اي ☺... يلا شاطره م تبكي .
بعدها اخيرا مها سكتت وهدت 😂.... وصلت رنيم بيتهم واتوجهت ناحية شقة اخوها .... نزلت من العربيه و اثناء م هي ماشا شافت ليها حاجه بتلمع ف الارض قدام المخازن الموجودة تحت ف العماره.
اتقدمت ناحيتها بفضول .... لقتو خاتم وفيه الماسه مزيفه زجاجيه لونها اخضر زمردي 💍💚 ... نفخت الغبار الفيه قبل م تمسحو بي يدها وبعدها تلبسو .... رفعت يدها وعاينت ليها مسافه وبعدها طلعت فوق .
فتحت الباب بالمفتاح ودخلت.... الشقه كانت فاضيه.
اخوها ف الشغل وسحر مشت مع اولادها تسلم على اهلها .
دخلت اوضتها ...
غيرت هدومها وشالت سماعاتها وجات رقدت ف السرير .
رفعت رجولها في الحيطه بشقاوه وبقت بتعاين للمنكير الفي ضفور رجلها اثناء م هي بتستمع لي غنيتها المفضله.
فركت كفيها لمن حست انو الجو بقا بارد ... نزلت رجولها وقعدت .... المروحه كانت مقفوله والشبابيك مقفوله .... م عرفت سر البروده المفاجأة دي شنو .
قامت فتحت الدولاب وشالت ليها شراب قطني تقيل لبستو ورجعت رقدت ف السرير .
فجأة طلعت سماعاتها من اضانها ومرقتها من التلفون بتوتر .... ضربات قلبها زادت وجاها احساس انها مراقبه كأنو ف كيان معاها ف نفس المكان .... بلعت ريقها وهي بتعاين ف ارجاء الاوضه .... قامت من السرير وفتحت الشبابيك عشان الضو يدخل اكتر بالرغم من انو الشبابيك بتجيب تيار هواء بارد .(الضلام حق النهار دا مخيف اكتر من الضلام حق الليل والله 😪)
زمت شفايفها ووقفت مكانها لمسافه ....
تلفونها الضرب فجأه خلا قلبها وقع ف رجولها من الخلعه .... جرت عليه بسرعه وردت : الو
جاها صوت حازم : مهويه .... انا ورنيم بعد ساعه كدا حنعمل كول جماعيه عشان نقرا للكويز قلت اكلمك عشان رنيم قالت م معاها رصيد .
هزت راسها وهي بترجع خصلات شعرها وراها اضانها : اوكي طيب
_ مها .... انتي كويسه ؟
_ اي كويسه ماف شي
_ صوتك دا مالو متغير كدا ؟
_ لا لا ماف شي بس نعسانه شويه
_ اهااا ... لا كان كدا خلاص .... نومي وبضرب اصحيك .
_ طيب
قفلت الخط ورمت التلفون وهي خاتا يدها ف قلبها .
طلعت فوق سريرها وهي لسا بتعاين حوليها وبتقول بهمس : بسم الله الرحمن الرحيم ...اعوذ بالله من الشيطان الرجيم .
شالت انفاسها بعمق لمن سمعت صوت الباب اتفتح واصوات جلال وجمال البيتناقرو ملت المكان .
طوالي نطت من السرير وطلعت بره .
سحر عاينت ليها وقبلت عشان تقفل الباب : مالك رجعتي بدري كدا ؟
_ المحاضره اتلغت
_ عاد تكوني متي من الفرح .
_ اه فرح شنو كمان ... م شفتي الحصل لي
سحر وهي بتطلع حجابها : ان شاء الله خير
_ الخير حيجي من وين بس 😑
عاينت لي ولدها الفتح التلفزيون : ح