حياة جديدة ( روايات ليبية )

حلقة 1🔥

#حياة_جديدة
تحت عنوان "لم احبب من قبل"

للكاتبه:Rofa_Abdoo
الباندا🐼

                  المقدمة
                      1
ارين: امسحي دموعك ما تضعفيش
لارين: اه اه مش قادرة ايدي توجع 😭
ارين:تو اكيد بتشكي فيه الحاجه وكالعاده طريحه بنت كلب 😞
لارين: تو نقوله حتي ني معاك نخفف عليك حرارة الضرب 😞
مصطفى: امسحيها في وجهي
الحاجه:ولدي في العنايه وجهك شن مندير بيه
مصطفى: تكاليف المستشفى كلها عليا ... هك حقك وسامحيها بالله ما ادخليش الشرطه في الموضوع
الحاجه: كان حالت ولدي معادش زادت نعفى عليها ولا والله ماهي ناجيه من عملتها
مصطفى: تمام تمام .. بسلامه
وخش لدار بناته بكل غل وعيونه نااار🔥
لارين:ي بابا حتي ني معاها مش بروحها 😭
مصطفى: بعدي هكي ونزل في ارين ضرب وضرب ... يا بنت الكلب تو هكي باهي خليتي الولد مكسر مقعمز في العنايه
ارين:وبكل برووود!... هه لانه حقيررر يستاهل 😏
مصطفى:وكان ركبتي معاه في السيارة شن صاار ها يا بنت ال🔞 ومستمر في الضرب وين ما يجي
لارين: خلاص خلاص اضربني معاها مش بروحها مشاركه 😭
مصطفى: سككري فمكك بنات اخر وقت
ارين:اصلا انت مش اب ولا عمركك ح تقعد اب  انا نكرهكك نكرهكك وقطع على كلامها كف من بوها طيحها على الارض 💔
طققق طقق
مصطفى:من يجيكم قولي انتي ويها من يجيكم 😠
لارين:😭
ارين:هه من بيجينا غير واحد بيشكي فينا ولا بيخنبنا 😏
مصطفى:طالع نشوف الباب منو واقسم بربي يطلع حد يشكي منكم اليوم الا ما ندفنكم يا بنات ال🔞😠

فتح الباب :
مصطفى: تفضل ؟
موسى:انا موسى ال... ما دكرتنيش!؟
مصطفى: ايه وشن دكرك فينا من قبل 20 سنه ما شفتكش
موسى: مناخد بنات اختي معاي اللي كانو عندها ماتت وانت ما تجيش الا في السبوع مره ولا تنين تضربهم ومعادش تجي الى السبوع اللي بعده
مصطفى: هه باهي اللي ادكرتو عندكم اخت وعندها بنات 👏🏻👏🏻
موسى:كلامي واضح خش ناديلي عليهم منرفعهم معاي مستحيل نخليهم هني بروحهم مع هدا التشريد والذل
مصطفى:اصلا كانو حمل ثقيل عليا خودهم نتفكى من دوشتهم ومشاكلهم ومعادش نبيهم في الحوش فاااهم!

ارين:حاضنه اختها وتبكي وتبكي😭
لارين:وهيا تبكي 😭.. بوك عطل على الباب زعما منوو !؟
ارين: مش بوي هدا مش بوووي وما دخنيش فيه ...
لارين:😭😭 ايدي توجع هلبا
ارين: وريلي ..  ياروحي خن نوض نجيبلك المرهم متع حناي اللي ديريلنا فيه قبل💔

خن نعرفكم مش تفهمو اللي صار فوق 🙂👆🏻
منتكلم بصفتي البطله (ارين)
انا ارين مواليد99 عندي اختي وحده وتؤمي لارين ماما ماتت عند ولادتنا وبابا سكار ونسونجي من يوم ماتت ماما ما يقعدش في الحوش وحني ربتنا حناي من بابا وكانت حنينه علينا هلبا وديما تحز فينا من ضرب بوي اللي نكرهه 💔وقبل السبوعين ماتت حناي وفقدناها هلبااا وطبعا قعدنا بروحنا في حوش حناي لا في من ينشد ولافي من يعدل وبابا يجي في السبوع مره ولا تنين يضربنا ويبهدلنا ويمشي وين عايش كيف عايش شن يخدم مانعرف عليه ولا شي 💔
شخصيتي قوية هلبا وتقدرو تقولو ياخده مكان الراجل في الحوش انا بنت مشاكل مانسكتش على الحق وياويله اللي يقربني نقربع الدنيا فوقه عكس اختي لارين تماما .. لارين بنيه هاديه ودلوعه وحساسه هلباااا وطبعا حنينه وكانت ديما توقف معاي في مشاكلي والطريحه اللي مناكلها من بوي 🤦🏻‍♀💔
نقشنا على الابيض طالعين لماما هكي تقول حناي ماما كانت شقرا وحلوة ياعني انا ولارين نشبهوو لبعض هلبا بحكم حتي تؤام ♥ شعرنا على اسود وعاكس على بني وبنسبه لشعر لارين كل مره صبغه ماعندهاش مبداء😂 وعيون عسليات وبشره بيضه نصف طول 💗
طبعا اللي جاء توا خالي اللي مانعرفوش لان كانت تقول حناي لما خدينا امك اهلها مش راضين على الزواجه هادي بحكم هما فلوس واغنياء وبوك كان شغيل عندهم وبنتهم كسرت كلامهم وتزوجت بوك ومن هداك العام قاطعوها حتي في موتها ما جوش 💔
________________________
قبل 21 سنه : (1998)
مصطفى: شن تهربي معاي !؟
وهيبه: معاك للموت
مصطفى: واهلك
وهيبه: هادي حياتي واني حره فيها

وهيبه: خشيت وتيت شنطتي وجايه منطلع وقفني صوت
أيمن:(اب وهيبه).......... يتبع 💞