حياة جديدة ( روايات ليبية )

حلقة 13🔥

#حياة_جديدة

للكاتبهRofa_Abdoo الباندا 🐼
الحلقة 13

لارين: 😭😭
سند: نحى اللصقه من على فمها... وهكي فهمتي سبب اللي درته فيك !!
لارين: اطلقنييي 😭
سند: فك الحبل
لارين: طول نزلت خبيط في سند .... تاافه 😭
سند: يشد فيها من يديها ... تي اهدي انا شن دخلي
لارين: شافت لى نبيل نظره كلها كرررره 💔
نبيل: اممم🥺😞
سند: تبي تحكي معاه !!؟
لارين: لاااا بعدووو من على وجهييي
مراد: قصدك تبينا نقتلوه😍
لارين: لااا لكن بعدوو من عليا
نبيل: امممم 🥺
سند: ماتفهمش قتلك مانبيش نحكي معاك
نبيل: امممممممم امممم 😞😟
لارين: هه خليك ساكت احسن من التبرر التافهه اللي بتقوله .... وطلعت
مراد: شن مندير بيه !!
سند: لما خاطرك تضرب تعال فرغ شحنتك فيه 😉
مراد: تيي احسسن واحد انت 😍🙏🏻
سند: دير بالك بسس ... وطلع لحق لارين
______________________
اصيل: ها شن رايك في هدا
ارين: ووه كعبه اطول من خشم اختك اميرة
اصيل: ضحك على اسلوبها التافهه ... باهي هدا
ارين: تيي لالا ... شوف اهوا السبيدرو حلو
اصيل: 🤦🏻‍♂... سبيدرو!!!
ارين: ايه ايه ولا هي بلاش معادش نبي
اصيل: الله يطولك ياروح 😤... تمام خوديه
ارين: خت سلمك ... هي اني طالعه نستناك في السيارة
اصيل: استني استني
ارين: ها في حاجه تانيه!!
اصيل: ايه استني ناخدو حاجه تانيه تلبسيها
ارين: عندي حوايج .. شن قالولك قاعده في الشارع!!
اصيل: باهي باهي سكري فمك واطلعي استنيني
ارين: 😒 وطلعت..
_____________________
سند: هي اركبي
لارين: تسحاب روحك مداير حاجه واااو ؟؟؟
سند: شن قصدك !!؟
لارين: قصدي انك جايبلي ولد عمتي ورابطه وتوريلي في العار اللي شفته ... هدا مايبررش تصرفاتك
سند: اها اها ... غر نسكرو موضوع اختك واصيل وبعدين تو نتفاهمو
لارين: هه نتفاهمو !!!
سند: غر اركبي اليوم عندنا عرس ولا نسيتي ؟
لارين: ركبت وهيا ساكته
____________________
في القصر :
سالمه: تي خيرك عطلتي !؟
ماريا: كنت بسوق بجيب في الاغراض اللازمه
سالمه: باهي سرعي روحك اليوم عندنا دخول ولدي ياحسره عليه بيجيه بسكيتي😞
نوريه: ووين البنات ؟!
سالمه: في حوش اصيل يجهزو فيه
نوريه: وصيتو على البكلاوة ؟؟!
سالمه: ايه
عفاف: شن قصة الزواجه بهادي السرعه يما ؟ 😑
نوريه: اللهي في حالك انتي
منال: لكن الناس شن بتقول علينا في يوم وليله هكي قلنا منديرو عرس وعلى السكيتي معقوله ؟!
سالمه: يحبو بعض ويبو يتجوزو فيسع شن منديرولهم 😅
نوريه: ايه وعلاش تطويل الحبل
منال: تي هوا امتي شافها مش حبها
نوريه: هي اللهي في روحك
____________________
اميرة: وووه العزري بتاخد خوي 😪
ملاك: تي اسكتي ياعانز وديري بالك على المزهريه راه يحبها هلبا اصيل
اميره: تنشف في المزهريه... وووه والله مامصدقه
ملاك: واااااااك منك ومن اللي يتكلم معااااك ... وناضت من جنبها

مراد: اهلين بحبي 😍
ملاك: وينك اه وينك !؟
مراد: في الاستراحه ... شن تبي حاجه
ملاك: على اساس يتجي تخطبني 😒
مراد: تي خوك هدا طلعنا فجاءة ويبي يتجوز خن ننهو موضوعه وبعدين نفاتحهه بموضوعنا
ملاك: تماام تماام ... المهم
مراد: عيونه..
ملاك: بتجيي اليوم للدخله ؟!
مراد: تي معقولة مانجيش وهوا عرس صاحبي
ملاك: ياحليلي منك... تمام اختي تنادي عليا سلام 😘♥
-------------
ملاك: ها خيرك تصيحي
اميرة: هادو وين نحطهم !؟
ملاك: هادو شراهم اصيل
اميرة: ايه مش عارفه امتي طلع ولحق يشريهم وهوا امس الليل حددو الفاتحه والدخله 😑
ملاك: نحس ان فيه لغز في الموضوع !😑
اميرة: ماعلينا المهم هدو الملابس توا نرتبهم في الدولاب ومعادش دخلي بيهم

_____________وفاات الوقت بسسرعه !

الساعه7مساء..

ملاك: واااك منك يا ارين تو مابيتيش تمشي للمزين قلنا عاادي لكن حتي في الحوش ماتبينيش نمكيجك !!
ارين: تمشط في شعرها ... ايه ايه هكي عروسه خفيفه زريفه .. لييش كتر النفاق والمكياج حتي يشوفني عيل يهرب
ملاك: باهي اعطيني نديرلك لقطه في شعرك
ارين: تسحابيني قاتله روحي على خوك التافهه مش نساويله ونوتيله
ملاك: وووه منك ومنه
نورس: ارونه نرفع شنطتك لحوشك ؟
ارين: عجبتني كلمة حوشك 😂

في الجنان ... وطبعا جايبين شركة تنظيم وبيدروها حفلة بسيطه في الحوش ..

لارين: خيره هكي عراسكم زي عراس الاجانب !
اميرة: لالا احني نديرو فيهم في الصالات .. غر خوي ياروحي عليه حظه مزفت
لارين: علاش هكي جدكم عقليته !!!
اميرة: تي خليني ساكته وخلاص
لارين: مبرده
اميرة: تعرفي حتي الولد يعشم بنت بكلامه وماياخدهاش ياحليله
لارين: وووه باهي معادش يبيها شن بسيف !
اميرة: قال الشرع محلل 4 😏
لارين: اها .. اكيده تو رتاج بياخدها سند
اميرة: اكيده
____________________
وبدو يخشو الظيوف وتكتر الزحمه !!

طق طق
ملاك: لحظه بس
ارين: استني نخش للحمام نلبس 
ملاك: تمام ....
وفتحت الباب..
اصيل: وينها !؟
ملاك: شن جابك
اصيل: نبي نشوف مرتي شن حرام ؟؟!
ملاك: تي يقولو فال مش كويس لما العريس يشوف العروس قبل الدخله
اصيل: تسمعيلي في الخراف حتي انتي مفضاك .... تي غرر وينها !
ارين: من الحمام.. ملاااااك تعالي ساعديني
اصيل: خلاص اطلعي انتي
ملاك: تمام 🤭🤭♥
طلعت وسكرت وراها الباب
----------
اصيل: خش عليها وبدا يربط في خيوط البلوزة ♥
ارين: ووه مش عارفه كيف منتحمله خوك ... اني ماطقتاش وكل واحد في حوش منطيقه واحني في نفس الحوش 🤦🏻‍♀
اصيل: كمل ربط الخيوط وهوا يبتسم 😏
ارين: شن كملتي ؟!
اصيل: ايه كملت 😉
ارين: تلفتتتله ... انت شن دخلك 😟
اصيل: 🤤🤤🤤... طالعه حلوة
ارين: ءءء تلبكت ... اطلع لوسمحت
اصيل: علاش مرتي العنيده تبيني نطلع !
ارين: اصيل اطلع
اصيل: مع انك كاسره الزي العرايسي لكن طالعه حلوة ماتشكي من شي 😉
ارين: اصيييل 😠
اصيل: تي باهي سكري فمك راك تصدقي روحك ... المهم
ارين: شن تبي ؟
اصيل: عندك شروط قبل ما يقرو الفاتحه ؟!
ارين: ايه ... نطلق بعد شهرين و طبعا بهالشهرين ماتلمسنيش وماتقربنيش وماتتدخلش في حياتي ولا طلعاتي وخشاتي وانت في دار واني في دار و.....
اصيل: اللي قلتيه توا كله والله ماهو صاير
ارين: شششششن !!!! 🤨
اصيل: تي اصلا الحق فيا جايك ونشوف في شروطك زي الاهبل 🤦🏻‍♂
ارين: من حقي نتشرط 😠
اصيل: هي نتلاقو بعدين 😉 ... وطلع وخلاها
ارين: مستفز مستفززز للمليون 😠🔥
بعد ماطلع اصيل بشويه خشت ملاك ...
ملاك: هههه شافك !؟
ارين: حقيرر خوك على فكره
ملاك: هههه شن قال على مكياجك ؟!
ارين: ايه حق مكياجي ترا خن نشوفه 😅
ارين: 😱😱😱😨😨... يتبع