حب عبر الهاتف (الانترنت)

البدايه 😄

تنهدت في غرفتي قليلا وكأن الالام والاحزان بدأت تتساقط على قلبي كقطرات المطر فهل هيه خطيئه يصعب أن تغفر ام جنون العشق التي بدأت تحرك مشاعري من تلك الرساله القصيره التي جعلت قلبي يدق على طبول العشق واوتار قلبي بدأت تعزف احلا الالحان وكانها أول رساله اهتمام بدأت تجتاح قلبي لا أعلم من وكيف تأتي هذه المشاعر دون رؤيه الأشخاص دون ان أرى ردت فعل لاأعرف معاني وتفسير لحالتي حاليا كيف احب كيف اعشق
دون ان أرى واحب الحب خطيئه كبيره في مجتمعي وأنا فتاه في سن 18
عام وقبل أيام كانت صديقتي في المدرسة تتكلم عن العشق والاهتمام قاطعت تلك الكلام في يومها أن الحب محرم ولا احب شخص طوال حياتي

أنا سوزان عمري 18سنه أنا فتاه جميله جدا عيوني خضراء ك لون الاشجار طولي 150وزني 50 شعري گصير وعكش بس حلو انه كلش مو يم سوالف الحب والعشق اهم شي عندي دراستي امي متوفيه وعايشه أنه ومرت اخوي واخوي واختي وابوي بس احس مكان امي فارغ محد ينصحني يكلي هاذا غلط وانه بهاذا العمر لازم واحد يرشدني على طريق الصحيح بعد
مارجعت من المدرسه تغديت ورحت سبحت وكملت اقرايه فتحت الواتس اب رقم غريب داز رساله

_هلو
_ .منو انته وليش جاي على رقمي ؟
_هسه سلمي گولي هلا ؟
_وليش اگلك هله منوو انته حتى اگلك هلا ولاتدك على هاذا الرقم مره ثانيه !
_يمه فديت حچاياتچ فديت الثگل أنه
_احترم نفسك ترى راح اطيك حضر
_وليش تطيني حضر شعرفتي مني / أنه معجب !
_شنو معجب وين تعرفني اعرفك حتى معجب راح ادز الرقم لخوي وكله معجب ذيج الساعه باي
ومسحته ومسحت المحادثه  طبعا ما اوصف شلون شكلي صار مادري خوف أو شي گلبي گام يدگ بسرعه وطلعت بيه اعراض كورونا 😂

طبعا أول مره بحياتي احاچي ولد وأول مره يصير گدامي رقم واحفضه  طبعا ضليت ساعه صافنه وافكر بحچيه أول مره شخص يحچي وياي هيج

وأول مره واحد يحچيلي حچي مسلسلات الي بعدين ماحس اله طكه اجت براسي
ريماس:هاولج شبيج صافنه صار ساعه
ريماس اختي عمرها 20سنه دائما نتعارك وما متفاهمين أنه وياها دوم
هيه تاركه مدرسه طبعا من الجمال مواصفاتها (شعرها طويل گصيره جسمها مخصر عيونها خضر )بس ياحضي ماعدها حض تزوج الله كريم إنشاء الله يجيها ابن الحلال الي يزوجها

_مابيه شي هيج صافنه مايصير ؟
_لاحبيبتي يصير ليش لا بس گبل لا تصفنين گومي غسلي الحوش يالله (آيات راح تروح لهلها هيه وحمودي وسجاد طبعا حمودي اخوي وسجاد ابن اخوي عمره 3سنين فداوي شحلاته دبدوب
_يالله راح اروح اغسله تردين شي بعد ؟
_رحت طلعت الصونده ورحت غسلت الحوش والحمامات ووشفطت الحوش وخلصت رحت غسلت
اذن الاذان رحت صليت وقريت قرأن شويه وكمت سويت عشى لان شويه بعد راح يجي أبوي ميت من الجوع أبوي يشتغل بمحل لحيم الحمدلله على الله
ندگ الباب هاذا اكيد أبوي رحت فتحت الباب
هله بويه الله يساعدك
_هله سوزان هاج هاي العلاليك اخذيها اخذت العلاليك ودخلت للمطبخ عزلت المسواك
ومديت سفره بللاستقبال أنه وبوي ورموسه
تعشينه وشربت چاي وگمت احضر ملابسي حتى انام باچر دوامي صبحي
وريماس راحت تغسل اماعين كملت اماعين ورجعت
أنه طبعا غفيت مادري بروحي لان تعبانه كلش
گعدت ساعه 6صليت وگمت سويت ريوگ لبوي وگمت كشخت ولبست ملابسي مال مدرسه طبعا أنه نازكه وما اطلع اله على اخر حبايه
رحت دخلت للمدرسه لگيت المديره بلباب طبعا أنه ما اخالف وشاطره
أنه گلت للمديره السلام عليكم
المديره وعليكم السلام حبيبتي .
دخلت لگيت مدرسه الرياضيات اگبالي بگلبي اهوووو ولله تلعب نفسي منها ماحبها احسها غصه بمعدتي من اشوفها ماحبها گاضيتها غلط علينه وبنات شوارع ومادري شنو
وغصبا علينه لازم نسكت لان چبيره هيه
ست مديحه :ها بعد وكت صار 5دقايق ليش متاخره
_ست السايق تاخر واجيت ركض حتى المديره تدري
_ها المديره تدري
_اي ست بكلبي (اي مو خلاستج المديره 😂)

صديقتي يمي ماحاجيتها طلعت دفتر وكتاب صديقتي دائما تسولف (ودائما طايحه براسي 😂)
صديقتي ساره أعرفها من چنت بلمتوسطه ولهسه وياي حبابه كلش بس نوع ما عدها سويلفات موزينه دائما انصحها تبتعد عن هيج شغلات بس ماتقبل
خلص الدرس ورحنه اشترينه وگعدت على الدرج ناكل سولف الها
عن هاذا الولد وحچيه هيج
ساره :ولج هيج يسولف وماحاجيتي امداج مو مال حب
_ولج حب شنو جذاب هاذا منين عرفني حتى يحبني

انتهى للدوام وطلعنه باب المدرسه متانيه لسائق وهيه هم متانيه سائق مالها
واگفين سوه
گللها خابريني
گالتله ماشي.
_ولج صخام الصخمج كون شايفج واحد ماتخافين انتي لوشايفه واحد جان گال الي
_شبيج ماصارشي مره حاجيته وعفته وهسه رجع هوه
_وبعد تگول بكل برود حاجيته
دقائق واجه السايق رحت أنه
وصلت للبيت

اتمنى تتفاعلون بهاذا البارت حتى انزل بارت ثاني ولاتنسون تصويت حبايبي وتعليقاتكم حتى استمر حبايبي

يتبع