*****نردو للواقع*****
.
.
شويه وسمعت صوت الباب تسكر نضت دوشت وانا نبكي من الالم ومن قهرتي على روحي وعلى حياتي وعلى يلي صار فيا🥺💔
.
.
طلعت من الدوش مشيت لبست وجبت طعام وميه وحطيتهم في الدار وسكرت الباب بالمفتاح ورقدت..
.
نرد نختصرلكم مره تانيه **
مرو 3 شهور على شهيان وهي كليوم تنضرب وجاب عياله وقعدت تنظف وتجري وتوتي وتحل في الواجبات بس معش قربها ..
.
لحد ماجا اليوم هضا وتقريبا تغيرو فيه هلبا حاجات.
صالح روح للحوش وكانت هي منظفه ومرقده العيال وموتيه الطعام وكالعاده كلا ومشا شرب كحول لين طلع من عيونه وجا بيرقد رقدو على اساس التنين ..
بس شهيان كان عندها راي تاني وهو ان تخلي صالح يرقد للابد ...
خنقاته بالمخده ولانه سكران محسش لييييين نقطع نفسه ومات ..
شهيان : حي عليا شن درت انا حي عليااااااااا انااا قتلته شن بنقول توا شن بندير اووففففف حماره انا حماررررههه😭😭😭😭
.
.
وهي تبكي قاطعو افكارها فكره جهنميه😈
خذت تلفون صالح واتصلت بخوه لان لقاته اخر رقم متصل بيه وقعدت تبكي وتندب وتقوله الحقني وجا الاخ وقالتله منعرفش روح للحوش مشا للدار وجا بيرقد شويه طاح عالارض ومعش فاق ""طبعا نزلاته من السرير عشان يبان كلامها مقنع😈😂😂
.
.
التمو العيله وخدو صالح للمستشفى وسجلو ان سبب الوفاة جرعه كحول زايده 😈
.
ولان شهيان مراته نص املاكه تمشي لها ونص الثاني لعياله ف اهل صالح موافقوش ف شرط عليهم قالتلهم سجلو الحوش ب اسمي ونتخلى عن كل باقي حقوقي وهما وافقو طبعا ...
.
.
لما علي عرف بالقصه قعد يبي يخليها تروح ودورو عليها واجد بس ملقوهاش فص ملحها وذاب
.
طبعا شهيان باعت الحوش وخذت الفلوس واجرت استوديو في مكان بعيد عليهم وقعدت تدور في شغل عشان تأسس روحها وفي نفس الوقت دارت عمليه وردت غشاء البكارة وكانها ردت بنت ..😈
.
.
لمده شهرين وهي مرتاحه بس بعدين علي لقاها🤦🏻♀️
.
روح بيها للحوش وردت للعذاب اكترررر واكترررررر.
.
**نمشو لمكان تاني وشخص تاني وعيله تانيه واحداث تانيه **
.
معتز :ياراجل نفختني الوالده تبيني نروح مخاطريش الزح مخاطريش
مصطفى : ياراجل تخرجت خلاص سادك لك سنين متغرب اكيده تبيك تروح وتفرح بيك
معتز : مانببيشششش الزح منبيش منبيش النم!!
مصطفى : فكر في امك باه لاقدر الله كان صارلها شي وانت بعيد شن بيكون شعورك تي روح يارا كم شهر وقول ان كلموني من المانيا يبوني نمشي في شي مهم وخلاص المهم تشوفك وترتاح عليك ..
معتز : شبه اقتنع بس مباش يوري انه اقتنع قلب عيونه وطلع دخان ومردش على مصطفى ..
*
احح ااحم ا انا معتز تخرجت قبل شهرين اختصاص قلب وعمري 26.😒
....: لا يراجل بالله عليك؟ تي عرف كيف الناس واحكي على شكلك وشخصيتك وطبعك🤨🤨
معتز :تي سكري فمك راه نجيك 🤤😂
به ياسيدي انا عصبي ودراه كبد اعصابي في شيشه منحبش حد يعاندني ولا يرد كلمتي ولا حد يرد عليا في الكلام ومنبحش البنات ودلعهم ونكدهم والفتنه متاعهم والجو المنيك هضا كله معنديش فيه قرف زايد وخلاص ..😒🤦🏻♂️
مواصفاتي طويل طولي 190 اي زي الممثل الإيطالي ماسيمو او ميشايل 😎
اسمر وعيوني كبيره نظرتي حاده ولون عيوني عسلي على اخضر شعري بني غامق شبه اسود وفيه خصلات بني فاتح وملامحي كلها حاااده ومنضحكش منحبش نضحك مش لان سنوني مش حلوات بس جو الفقفقه والفم المفتوح مش جوي كبرت برا بروحي ومكانش عندي اصحاب وياما شفت لين قلبي قعد اسود ومصطفى صديقي المقرب او شبه خوي طلعنا من ليبيا مع بعضنا وكلشي كنا مع بعض.
*
امممم اكيد بتعرفو من معتز وشن دوره في الروايه ولا😂🌚
خلوها لحلقه بكر عالساعه 10 كون كلكم موجودين واهو زي ماوعدتكم نزلتها على الساعه عشره🌚♥️♥️
حطولي نجمه وتعليق ولو كان قلب ودزو الروايه لصحباتكم يلي يحبو الروايات حاولو تنشروها قدها نعرفكم🙁🤍🤍🔥🔥🔥🔥
