وجت بتطلع طفت الضي وخدت الفراره وهي طالعه . معتز جبدها من ايدها ولصقها عليه وقرب منها حط ايده على خصرها ودفها عالباب وقاللها : انتي منو؟ شهيان تلبكت ومعش عرفت تحكي من قربه ليها : ا اناا ب ب بنت عمكك صالح ش ش شهيان🙁 معتز بينه وبين نفسه : نتذكرها لما كانت صغيره ونتذكر شن صار في خواتها والعار يلي داروه بس دقيقه دقيقه مش تزوجت هي ..تزوجت؟؟يعني الضرب يلي فيها.؟؟ يعني حتى هي كيف خواتها؟..! معتز 😡:حتى انتي زي خواتك ولا.!!!!! شهيان دفاته بكل قوتها وعطاته كف : سكر فمك فاهم لا انت ولا غيرك له الحق يتكلم عليا ولا على خواتي 😭وقعدت تبكي وطلعت تجري وهي خاطرها مكسور ... . . . ..وفي تاني يوم... .
شهيان ناضت بكسل وتعب وعيونها مرهقات من السهر والدموع نزلت للمطبخ ودارت قهوه لروحها وهي مقمعزه تذكرت جرح معتز غسلت كبايتها ومشت غسلت وجها وسنونها ورفعت شعرها القصير لافوق وخدت الشنطه والمعقمات وكل شي تحتاجه ومشتله ... . . . معتز : مقدرتش نرقد من موقف امس عيونها وهي تهزب فيا هزوني حسيت وراها لغز مقدرتش نفهمه بسسسس كيف تتجرأ تضربني قليله الادب ... اي انا قاعد نفكر فيها ونبيها تجي تنضفلي جرحي عناد فيها شلت اللصقه ومشيت للتمرين وخلي ينزف .. انا عليش ندير هكي معقول عشان هي تقعد قريبه مني وتعتني فيا؟ قاطع افكاره صوت الباب . . طق طق طق طق🚪 شهيان فتحت البا وخشت بدون ولا حرف وبدون ماتقيم عيونها فيه جت حداه وحولت الغطا وقمعزت وحطت السماعات وشافت نبضات قلبه لقتهم مش تمام رفعت التيشيرت متاعه ولقت الجرح ينزف عطول رفعت عيونها فيه وبصدمه🙁😳: مش قت.. معتز مسكها وقلبها وجا هو فوقها ومسك يديها ورفعهم فوق وقربلها وهو ملامح وجه هك😒 معتز : امشي عند راجلك عليش قاعده عندنا؟! شهيان بصوت هادي وبقله حيل : حول من عليا ملكش دخل معتز : عليش هامك الجرح متاعي شهيان : هضا شغلي حول بنضف الجرح معتز حول من عليها وقمعز عالسرير جت عالارض قدامه وقمعزت وقعدت تطلع في كلشي تحتاجه وبدت تنضفله في الجرح وعيونها دموع كان واضح عليها تعبانه بببكلل😔🥺 كملت شغلها وخدت الحاجات وهي طالعه لفت على معتز وهو دار روحه ميبحتش فيها ... شهيان : انا مش متزوجه ومنيش كيف خواتي .. سادكم ظلم ودمعتها نزلت وطلعت تجري من الدار وسكرت الباب🥺 مر اليوم يلي بعده عااادي وجا يوم العرس😂🔥🔥 . . . . **يوم العرس**
اماني : كانت لابسه قفطان بودري مفتوح من عند الفخذ لتحت كان واسع من تحت ومن فوق نوعيه يلي يجي عالصدر وكانت لابسه عليه سلسال فضي بسيط وخراصات فضيه بسيطه برضو وخلخال في كراعها يلي طالعه برا القفطان وكعب شفاف ورفعت شعرها بتسريحه بسيطه فيها ورد بودري مع مكياج بودري بالفضي ..طالعه الشي والضي طبعا🤤🤤🤤♥️♥️🔥🔥🔥🔥🔥🔥🔥🔥 . . شهيان :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
...... مقدرتش نطول البارت عندي اشغال توا نحاول نكتب ونكمل البارت ونزله في اقرب وقت اعذروني
