أمنية قالت أخير الخليتة المفترية دي انا مش قلته ليك البنت دي ما بتنفع معاك وإنت بتمشي فيني وبتقول لي طيب وبتاع✋.. هسي يعني انتي يدوكي كف ولا كيف😒انا؟؟! لي شنو زااتو؟؟!!😤خلاص اصلا الموضوع انتهى..ما كلمتيك بي الحصل شنو!!.لالا. اها؟؟؟ بي العصر كدا إيثار جات جابت الحاجات كلهم دخلتهم الصاله قلته ليها دا شنو😲زي ما إنت شايف رجعت الحاجات وحفل الخطوبة بكرا خليك عارف...قلت البنت دي أكيد جنت وله عقلها ما تمام 😒دا شنو البتعمل فيهو دا؟؟امي جات طالعة شافت الحاجات في الصاله إيثار واقفه و يتتكلم معاي قالت ليها جبتي الحاجات دي راجعة ليه؟؟وقالت لي انت الموقفك معاها شنو قالت ليها يا خالتو حنان اديني فرصة تانية أوضح الحصل وانا بقنع امي😢قالت ليها للاسف سعاد. ما قدرت العشرة القديمة ولا إحترمتنا وسمعتنا كلام ما جميل✋ونحن خلاص ما دايرين حاجة تربطنا بيكم نهائي وولدي دا ما حيعرسيك لو بقيتي آخر بنت✋لطيف كان جاي من الشغل جا قال السلام عليكم كلنا ردينا بي صوت واحد قال لينا يا جماعة الحاصل شنو؟؟امي حكت ليهو الحاصل عصام قال ليها وقسما بالله ما حتعرسي مازن دا طالما انا عايش ولو سمحتي لملمي حاجاتيك وامشي يا بنت الناس😡إيثار قالت ليهو ادوني فرصة واحدة بس واتلفت عاينت لي نظام اتصرف قول كلمة وصلح الموقف دا لكن ما عبرتها اصلا في النهاية شالت حاجاته ومشت😢هنا قطعت علاقتي مع إيثار وخلاص حياتي ماشة لي الأسوأ اموري بقت متدهورة وحالتي بي البلا النوم بقى مقطع والاكل حاجه بسيطه 😭طبعا حسيت إنو اولاد الحلة كلهم فرحو بي الحصل ده لي درجة انا بقيت سيرة الونسة للكبار والصغار😢إيثار بتحاول معاي كل فترة والثانية بس انا ما راضي اتفاهم معاها.علشان كلام امها الاهانتنا بيهو😢وبالنسبه لي إيثار ما كان ساهل علي انساها بي العكس بقيت متعلق بيها اكتر من زمان😭كانت هي يومي بتقعد في البلكونه الصباح منتظراني اطلع من البيت عشان تشوفني😢وعن نفسي اشتقت ليها ولي كل حاجة فيها.. عيونه وكلامه ضحكته وكل شي...ما بنكر إني براقب فيها من بعيد لي بعيد 😑ومرات كتيرة اتشاكل مع لطيف اخوي بي سببها😧حاجات كتيرة اتغيرت في حياتنا إيحنا الاتنين عايزين بعض بي شدة بس كرامتنا واقفة بيناتنا😢 ما كان ساهل انساها لانو حياتي بدت معاها من الطفولة لحدي ما وعيت على الحياة دي😧هي زاتة اتعلقت بي شديد لكن أحسن حاجة نفترق و كل زول فينا يشوف البشبهو.علشان...
.
.
.
.
جيت قلت لي لطيف الليلة عندي درس 😗قال لي الليلة الجمعة درس شنو ليك ما تمشي اي درس .لكن يا لطيف!! .الموضوع انتهى خلاص.امشي اعمل لي كباية شاي.منو انا؟؟!..شايفو دخل يدو في جيبو طلع قروش قال لي اها بتعملو ولا أديههم لي أمنيه😑جيت خطفته منو القروش قلته ليهو أمنيه شنو وانا قاعد اعمل شنو هنا.. ابتسم لي كدااا ومشى خلاني..وانا عملتة ليهو كباية شاي بي مزاج..?وجيت قلت ليهو الليلة ناس الشارع القصاد الميدان عندهم عرس وعايزين نحضرو👋كلمته امي قالت لي كلمو لطيف أكان خلاكم تمشو انا ما عندي مانع قلته ليها امي انا كلمتو قبيل وهو ما لينا ما تمشو...المهم لبسنا واتظبطنا ومشينا..وحضرنا الحفلة من البداية لحدي ما خليناهم بدو يفكو في الصيوان😂 أمنيه قالت لي الليلة كان لقينا لطيف بقتلنا...قلت ليها ما تخافي لطيف بكون نايم لكن للضمان خلينا نمشي بي الباب الورا...بابنا التاني فاتح على الميدان طوالي ونحن قافلنو بيهو والحيطة بتاعتة قصيرة وبنقدر ننط بيها😂مشينا بي ورا واول ما داير انط ألقى ليك لطيف منجدع بي جاي...لكن ما انتبه لي وأنا لمن دققته فيهو شايفو . بيتكلم بي التلفون بالله دي منو المنتحرة البتحب لطيف دا؟؟ لكن شايفو راقد ويضحك للضرس الاخير_نطيت ولااا حس بي ولا بي أمنيه زاتا ...نطت وجينا خاشين...قلته لي أمنيه اقفلي الباب دا وما تمرقي😒لكن يا مازن انا ماشة الحمام اغير ملابسي دي••ياا بت إنتي دايرة تجيبي لينا الكفوة😡ارقدي ونومي أخير ليكي والله لطيف كان شافنا ولا حس بينا خلاص حتكون نهايتنا أليمة ..
استحمليهم الليلة بس ونومي..سمعت كلامي ورقدت نامت وانا بعد الكلام ده ما جاني نوم ما عارف ليه🤷♂️؟؟ ده زهج وله أرق وله شوق وله شنو بالضبط .صحينا الصباح لقينا ابوي.🙄..
