قالو. بكرة نتائج القبول للجامعات.وانا من وقتها متوتر .ووصلنا البيت ولا اتكلمت مع زول ونومته للصباح.وصحيت صليت وانتظرت الساعه8تجي وبقيت ادخل المواقع لحدي ما رسلو لي رساله انو. قبلوني في جامعة السودان هندسة معمار😍كلمته امي وقلت لي أمنية جيبي لي تلاتة أكياس حلاوة 🌚جرت جابتم لي ونزلته تحت عشان اوزع الحلاوة لقيت امل واقفه في السلم وقاعده ماسكه تلفونه.قلته ليها اتفضلي 😊.شالت واحدة قالت لي تسلم،،بي مناسبة شنو كمان؟؟ بي مناسبة قبلوني في جامعة السودان وكدا💞قالت لالا ألف مبروك والله قبولك ياتو مجال.الله يبارك فيكي.قبلوني هندسة معمار💞لالا كويس يا زول ربنا يوفقك 😊 اللهم أمين ..نزلت تحت خشيت غرفة سليمان قلته ليهو قولي لي مبرووك يا ود😁على شنو؟قبلوني في السودان هندسة معماراووووو.ألف مبروك ياااخ 😊الله يبارك فيك ..شلته الحلاوة ووزعتها لي ناس خالتو سهام وناس امي..بي المسا انتظرته لطيف جا من الشغل مشيت غرفتو قلته ليهو لطيف.قال لي اي😑قبلوني في الجامعة 😁مبرووك ياااخ والله واخيرا طلعت من تالتة😂قام دخل يدو في جيبو اداني عشرين جنيه وانا مبتسم ومبسوط..قال لي الليلة ما صرفو لي لكن بعد ما اصرف بجيب ليك تلفون وبديك قروش تمشي تشتري ملابس الجامعة .قلته ليهو خلاص كويس ومشيت غرفتي😍شلته تلفوني وخشيت الفيس لقيت رسالة من امل كاتبه لي هاي..قلته ليها هاي والرحمة والبركة💔ممكن نتعرف؟؟بس شفتي حركات البنات المعفنه دي ما بتنفع معاي😑قلته ليها إسمي واضح..انت ما اسمك تامر حسنى لكن 😂اسمي على اممم تشرفنا يا على من وين انت؟ اناا من ام روابة😑لالا تشرفنا ممكن رقم الواتس بتاعك لانو انا ما قاعده اخش الفيس ف بيكون احسن اذا اتواصلنا في الواتس..ودايره بي الواتس شنو مالو الفيس هنا ما مكفيك..قالت لي عشان انت إنسان عنيد وانا بحب النوع دا من الناس ف حبيت أتواصل معاك واتعرف عليك اكتر..قلته كدي ارسل ليها الرقم اصلا امل دي مفتريه وشايفة نفسها كدي اجرجرة شوية وادردقه لمن اشوف نهايته شنو😑قلته ليها خلاص تمام برسلو ليكي..قفلته الشبكة ونمته ما صحيت إلا المغرب امي نادتني للغداء تحت عند ناس سليمان .خالتو سهام قالت لي بالله عليك يا مازن بما انك جمب السلم امشي نادي امل دي ماسكه تلفونه من الصباح 😑مشيت لقيته مااسكه تلفونه وفاتحه الفيس قلته ليها امل بنادوك ارح للاكل..
بعد ما اتغدينا وطلعنا الشقة فوق جاتني مكالمة من رقم غريب قلته يا ربي دا منو الداقي لي دا😑رديت صوت بنت قالت لي علي كيفك تمام.قلته ليها علي؟؟بعد مسااافة اتذكرته انو الاسم دا انا قلتو لي امل..قلته ليها اهلين كيفك😑انا تمام..الواتس بتاعك مالو ما شغال ليك زمن ما دخلت إن شاء الله خير؟؟لالا خير مافي شي يا زوله اها البخليك تتصلي لي شنو..يا ولد استهدا بالله حبيت اتأكد من الرقم ماسورة ولا ما ماسورة. طيب و لقيتو كيف😑لالا ما ماسورة.عموما انا حابي اشوف الولد اللميض ده في الواقع ممكن؟؟ياا بنت إنتي مجنونه انا في ام روابة وانتي في الخرطوم نتلاقى كيف يعني؟ قالت لي الحب يصنع المعجزات..قلتي شنو😑 قصدي الصداقة تصنع المعجزات ?خلاص تعالي ام روابة وانا بلاقيك هناك..قلته ليها خلاص اقفلي انا عايز انوم يلا تصبحي على خير👋خير يا زول وإنت من أهل الخير ..قفلته منها ومشيت على الشباك بعاين تحت شايف امل قاعده بتضحكوشايله تلفونه..بعد شويهه الباب دق مشيت فتحتو لقيت سليمان في وشي 🌚قال لي قاعد تسوي شنو؟؟قلته ليهو قاعد ساي إن شاء الله خير ؟؟خش اقعد..جيت قعدته جنبو قال لي يا زفت ليه ما وريتني إنو إنت كنت خاطب ايثار..وإنت عرفت من وين😲قال لي هي بقت تتكلم وتتنوس معاي وحكت لي عنك طيب يا مازن ليه خليته؟؟والله البنت دي لسه متعلق بيك ..قلته ليهو حصلت شوية مشاكل بس وسبنا بعض.طيب احكي لي السبب ؟؟ حكيت ليهو الحصل بيني وبين ايثار واهلها 😤قال لي لكن اهلها ما عملو خير والله..يااا زول ما قسمة بس ربنا يسعده وين ما مشت..قلته ليهو ..امل داخله الفيس بي شنو ؟ داخله بي اسم امل السر لقيت حسابه يعني؟؟لالا بس كنت بقلب في الفيس وصدفه لقيت ليها منشور حايم
قال لي اصلا امل دي ما عندها موضوع.. يا مازن انا امي قالت لي تتقدم واخطب بنت عمي ومحتار اعمل شنو أوافق وامشي اتقدم وله أرفض الفكرة ولا الحاصل شنو؟؟قلته ليهو إنت علاقتك معاها كيف مستلطفه وله كيف؟قال لي انا بعرفه معرفة سطحية يعني ما على كدا..طيب وإنت شايف شنو😲 اخلاقه وتعامله كيف..والله هي من ناحية الأخلاق زوله كويسه ما شاء الله ومهذبة وطموحه وناجحه في حياته..يا زول ما تستعجل على العرس اتعرف عليها اكتر وبعد داك شوف لو مناسبه ليك وله لا والفيهو خير ببقا😍...امي قالت نعمل خطوبة صغيرة لحدي ما تعرفو بعض شديد قلت ليها تمام وسئلتني حنمشي ليهم متين.قلت ليها...
