فصليه زماني

البارت 🌹5🌹

تّعٌأّلَ وِمَر عٌلَئ أّلَحٌبِوِګ .... مَرهِ
وِحٌيِّأّتّيِّ بِعٌدِ فِّرګأّګ ..... مَرهِ
تّذّګر مَنِ وِأّعٌدِتّنِيِّ وِګلَتّ .... مَرهِ
مَأّ عٌوِفِّګ لَيِّوِمَ أّلَمَنِيِّهِ
🌿🌿🌿🌿🌿🌿🌿🌿
ليان: رحت طلعت فراش واخذت مخده ونمت ما كعدت غير للصبح علئ عياط علي
علي:  كومي لللج حضريلي ملابسي مال الشغل وسويلي شي اكلها
ليان: كمت طلعته الزي مالته انطيتهيا لبسها وضليت صافنه عليه علئ جماله وشخصيته فزيت من  صفنتي وهو يكول
علي: ما تنزلين سوين اكل مضيعه شي بوجهي
ليان بتوتر:  هاا لا ما مضيعه وهسه راح انزل اسوي نزليت رحت للمطبخ سويت جاي و كمت احضرله فطور جان يدخل من باب المطبخ هو وهيبته وعطره الي مله البيت ملي بين نفسي (انجبي ليان شنو هذا الحجي😂)كعد علئ مائده الي بالمطبخ وحطيت كدامه بيض وجبن ومربئ وخيار وزيتون واحس عيونه عليه توترت من نضراته
علي:  كعدت الصبح وعندي دوام لمده اسبوع صحت علئ ليان اطلعلي الملابس طلعتها واني اراقب بيها مر علئ جيت ليان شهر وبديت اتعود عليها. ماعرف ليش اتريكت وطلعت للدوام مرات ساعات بين الشغل والتحقيق والمجرمين تعبت رجعت للمكتب مالي كعدت علئ كرسي واجتي بالي ليان ياربي ليش صاير افكر بيها هواي معقوله بديت احبها هزيت راسي علمود انفي هاي الافكار من راسي
ليان:  طلع علي لدوامه واني غسلت الاماعين مال الريوك وضليت انضف بالبيت لحد ما صارت الساعه ب8 كعدوا الحجي والحجيه وقمر صبحت عليهم ورحنا اني وقمر نسوي ريوك
مر ثلاث ايام يوميه نفس الروتين بس اليوم اجتي شمس وامها وكل ساعه يسمعني حجي عفتهن ورحت كعدت بالمطبخ لان مالي خلك الهن اجتني قمر
قمر:  لا تهتمين الحجيهن حبي وتعالي وياي للغرفه مالتي نسولف
ليان:  رحت ويه قمر للغرفه جاي نسولف جان تدخل علينه شمس كالبه الوجه
شمس: جاي سون هنا
ليان:  نسولف عندج اعتراض
شمس:  والله وطلعلج اللسان يل فصليه
قمر:  شمس فضيها عاد شنو تردين اذا جاي سوين مشاكل امشي طلعي بره ما عايزتج اني
شمس:  اووي عيني شبيج انكرص احنا ما تعجبج الكعده ويانه بس ويه الفصليات الي مثل امثالج
قمر بصياح:  دمشي لج اطلعي من غرفتي لا اموتج
ليان:  طلعت شمس وره شويه كلت لقمر هسه اجيج اشرب مي واجي
قمر:  ما شي كلبي
ليان: نزلت اشرب مي من المطبخ واجتني شمس
شمس بحقد : باعي لج لا عبالج اجيتي فصليه واخذتي مني علي مالتي اني وبس لا تتقربين منه ترئ احركج
ليان: والله يالله علئ اساس اني ميته شو وخري عن طريقي دفعتها وصعدت ومر هذا الاسبوع وعلي بعده ما جاي واحس نفسي كلش تعلقت بي
العصر كاعدين اني وقمر بالحديقه علئ مرجوحه ما نسمع غير صوت ورانا
علي: خلص هذا الاسبوع واني بس اريد اروح للبيت احس روحي هناك ليان ما جاي تروح من بالي ابد سلمت علئ اصدقائي وطلعت كبل للبيت وره تقريبن ساعه ونص وصلت واسمع صوت ضحكه ليان كاعده علئ مرجوحه والشعر واصل للكاع بنت الأوادم شنو طالعه ......

بِأّرتّ ګلَشٍ قِصٌيِّر 🙁