.
.
.
🎬🎬🎬🎬🎬🎬🎬🎬🎬🎬🎬🎬🎬🎬🎬
دازت ساعات وهدى محساتش بهم بسبب تفكير ديالها فالخطوة القادمة حتى فيقها صوت المضيفة باش يديرو حزام السلامة محيت طيارة غتهبط
قات الأب ديالها دارو وحتى هي دارتو هبطات الطيارة ناظت هدى بغات تشد باها ولاكين لفجؤها هو الوثوف ديالو بوحدو وناظ كيتمشى بوحدو وخى خطوات تقال الا انو هدشي خلاو دموع هدى ينزلو
هبطو وكالعادة الصحافة مخلاوش ليهم طريق وجاو لكارد باغين يدفعهم ولاكين هدى حبساتهم بيدها
الصحافي: بغينا نسولك واش نتي على علاقة بمالك أشهر شركات السيارات فالعالم واش هدشي لخلاه يرجع أستاذ فالتانوية ويقريك؟
هدى: اه هو زوج ديالي وانا عرفتو على انه أستاذ مشي مول شركات وهو رجع أستاذ كحب تجربة وتم كان اللقاء ديالنا
صحافي أخر: واش هذا هو سي اشرف الإدريسي الأب ديالك؟
هدى : اه هذا هو الأب ديالي أشرف الإدريسي
صحافي أخر: حنا كنا سمعنا بلي راه مات وكفاش حتى رجع حي
هدى: هدشي بسباب الزوج ديالي هو لحماه من شركات الأعداء ومن ذاك الإنفجار
صحافي أخر: واش نتي تزوجتي بسي فريد كمقابل محيت نقد حياة باباك
هدى هنا تزنكات ولاكين حافظت على الملامح دوجهها مبغاتش تبين بلي هذ السآل خربقلها المشاعر دسالها وأتر فيها: لا انا وفريد كنبغيو بعدياتنا منذ الطفولة محيت كفما مكتعرفوش انهو ولد خالتي وانني عشت الطفولة ديالي كاملة معاه ولاكين بسباب بعد الضروف تفرقنا ولحمد لله رجعنا تجمعنا
وسمحولي ولاكين راه عينا حتى المرة أخرى
هنا ذخل الكارد ومنعهم وهدى وباها رجعو مشاو دخلو لوطو هدى: دينا لدار ليجبتيني منها قبيلا
كسيرا بهم الشفور وتابعنهم لعرارم دالطنوبيلات دالبوليس ديركت لذاك الدار
نمشيو للذاك الدار تم غلقاو فريد معصب محيت هدى مخداتش الإذن ديالو عاد مشات وفكل الأوضاع هو راه كيبقى راجلها وكان خاصها تاخد رائيو قبل متمشي ولا عل الأقل غير تعلمو هو كان صاعر محيت عقلو فيه فكرة وحدة "" انا مجرد شخص عادي بالنسبة ليها حتى زواجنا راه غير على لوراق وكون مكانش الظروف كون كاع متزوجاتني""قاطع التفكير ديالو صوت طنبيل وقفات عند الباب مشا حل الباب لقا أشرف كيتمشى بوحدو مشا عندو تعنقو عناق رجولي
فريد: فرحت ليك بزاف أعمي متصورش شحال والله
أشرف : راني عارف أولدي
فريد مشافش كاع جيهت هدى
هدى: الوليد كتسناك واحد المفاجئة لداخل
أشرف: ياله ندخلو
ذخلو ومشات هدى لبيت فين كين اب خالد
اشرف تصدم وكفاش لا و هو عرف بلي الصاحبو روح بروح هو لحاول يقتلو عطاتو هدى الكابوس وترالو فوسط جبهتو
خرجو من دار ورشها واحد لكارد بمادة مشعلة للعافسة وؤمات هدى واحد لوقيد شافو فدار كتحرق
موراها رجعو لدار غير دخلو إستقبلاتهم فاطمة بزغارت وخديجة بلحليب وتمر
دخلو شربو وكلاو من شهوات أشرف دار راسو عيان وقبل ميطلع غمز لفاطمة زعما تبعيني
فاطمة حشمات وقالتلهم: انا نمشي نوجدلو الدوش يدوش طلعات عندو
أشرف: توحشتك أحياتي
فاطمة: حشم كتجي هدى تشوفنا
أشرف: من شحال هدي مديت لحلاوه
نمشيو لتحت
خديجة :أنا عرضلي راجلي غنمشيو نتسارو بسلامة
خرجات وبقاو فريد وهدى راس على راس
هدى: فريد سمحلي
فريد ناض طلع لبيت وبتاسم منين داز من حدى لبيت د أشرف وفاطمة
🎬🎬🎬🎬🎬🎬🎬🎬🎬🎬🎬🎬🎬🎬🎬
لبنات سمحولي على التأخر راه غير كنت مخربقة فراسي شوية وصاف
ومتخليونيش ندم محيت طولت فالكتابة وفتالي مكين بو تشجيع
