ضاقتهـ الأرض بيهـ شوقاً
Zainab-:الكاتبه
بغداد ساعه 10مساءاً
اسراء ...شوكت تاخذينه نشتري ملابس
ديانه....ان شالله بأجر اترخص من ام رائد وأرجع من وكت علمود ننزل للسوك اشتريلج ملابس مدرسه وبيت انتي ولارا
اسراء....وأنتي مترجعين للمدرسه
ديانه:-شوفت عينج وين ارجع للمدرسه هو اني يادوب الحك بين الشغل والبيت مو هدور مدرسه
اسراء....لافدوه ديانه رجعي والله اني اساعدج بلبيت وماأخليج تحسين اصلاً
ديانه ....لا حبي والله ماأكدر لتنسين وسام اول ابتدائي يحتاج الي يدرسه ويهتم بيه
لارا:-هاي شوكت تبطلن حجي والله نعسته اريد انام 😠
ديانه :-اسراء روحي فرشي لارا وسام ونيميهم
اسراء...يله أمشي لج انيمج ام لسان
لارا ....ما ...ما..اريد انام بحضنه ديانه وتحجيلي قصه الملك والأميرة
ديانه...بربج تحجين صدوك امشي روحي ويه اسراء تنيمج مشوفين مشغوله
وسام ...اني ماأنام انتظر ديانه تنيمني
اسراء....اي مو اني بيه وصخ حتى متردوني
ديانه ...لخاطر ربكم كافي تتعاركون دوختوني يله روحو نامو لا أركع راس براس
لارا وسام ..اي 🥺😥
اسراء....وانتي ديانه شوكت تنامين
ديانه...اخلص ملابس وسام كوي وترتيب وروح انام
اسراء..تصبحين ع خير
وانتي من اهلي ست اسراء
خلصته كوي وحضرت ملابسي علمود باجر اطلع من وكت ع كولن قفلت البيبان وتمددت ماحسيته ع روحي فزيت مخروعه ساعه بتسعه شهكت هاي اني شكد متأخره كمت ع سريع غسلته وبدلته وسويت ريوك لاخوتي وكعدت اسراء علمود تريكهم خطيه وطلعت مستعجله
هم شفته شكد اكره واكف كدام الباب ويباوع بنظرات حقيره ودي اتفل بوجهه قفلت البيبان حتى أمن ع خواتي من ذياب الشرارع
وصلت البيت ام رائد دكيته الجرس طلعلي
رائد...هلو يابه ديانه
ديانه ...صباح الخير عمو
رائد صباح الورد
ديانه......عفته ودخلته الكيت الحجيه كاعده ومبدلله استغربته وسجى ولده هو بدلين
صبحت عليهم كالعاده بس الحجيه ردت عليه وسجى تباوع صفح ماعجبه العجب عشتو
ديانه....شلونج حجيه
ام رائد...هلا وميته هلا بديونه
ديانه...شنو حجيه وين ع الله
ام رائد...باوعتلي ببتسامه :-ولج ديون اليوم ستراحه الج
ديانه بفرح:-صدوك حجيه
سجى :-سمعي لج اليوم بابا عازمنه فلهذا راح نطيج اليوم ستراحه قابل ناخذج ويانه هم ناقصنه نعزم خدم
ديانه:-عفته تحجي وحجيت:-حجيه لعد اني رايحه
الحجيه:-حافظج الرحمان يمه
رائد ...انتظري يأبه وين رايحه اني اوصلج
ديانه ...لافدوه عمو خاف أخرك وهم زحمه
رائد...ديانه بلاحجي زايده يله صعدي
صعدته وياه وهو مشغل اغنيته حسام الرسام الي أحسه تشرح كل معاناتي وتهيج جروحي وتنزل دموعي بدون وعي
ابقي يم اهلج عزيزه😔✋🏻
وشبعي من امج دلال 😭
صح كثيرين الشوارب بس قليلين الرجال 🤦🏼♀️🤦🏼♀️
ولاتكولين النصيب لا
ولاسوء ختيار💔💔💔
ابقي وحدج بالمحطه حتى لو عده القطار....
بعد ماتحملته وشهكته بخنكه واني مرجعه راسي ع كرسي وذكر كلام سجى الجارح
قاطع افكاري رائد
رائد...أخذي يأبه هذا كلنس والله دنيا ابد متسوه تنزلين دموعج وتمردين هذني العيون الذهب
ديانه..شكراً ...وبديت استغفر
ماأعرف ليش ع ساعه كلبي لزمني وكأنو احد لازمه بيده ويعصر بيه بكل قوته وختنكته حيل كوه اجر النفس ماأعرف ليش ع ساعه هجي كلبي رايد مامرتاح دخيلك ياعلي شكاعد يصير
وصلنه للفرع مآلتنه شفته الباب مال بيتنه مفتوحه بسرعه ضربته ع صدري.....ديانه:-عزاااا
رائد:-شبيج ديانه
ديانه:-عمو عفيه نزلني بسرعه
رائد:-ولج غير اعرف شبيج
عمو عمو الباب مفتوحه
رائد:-اي عادي خاف وحده من خواتج احتاجته شي وطلعته
ديانه..هزيتله براسي ونزلته ماأعرف ليش مامقتنعه بكلامه وأيدي ع كلبي خطوه تاخذني وخطوه ترجعني ودموعي مثل الشلال دفعته الباب واجه بأذاني صوت وحده تصيح وكأنه كاعد يأخذون كلبه
اسراء.....دياااااااااااااانه
فتحته الباب وانصدمته......مأساته مستمره 🖤💔
**************
ياترا شافته ديانه حتى فقدته نص عقله اريد توقعاتكم فدوه
وعد مني إذا شفته تفاعل راح انزل البارت وراح تعرفون ديانه شافته
ملاحظه :-فدوه بدون تجاوز لان البطله راح تابع وياكم
والبنسبه الي يسئلون عن القصه ترا القصه حقيقيه
وهذا مجرد مشهد قصيره من القصه
أتمنى الكم متابعه ممتعه❤️🌺حبايب
نصيحته ديانه الكم اسمعو الغنيه وانتبه الكلماته👇🏻👇🏻👇🏻🌺🌺🌺
أنت تقرأ
ضاقتهـ الأرض بيهـ شوقاً
ChickLitقصه عراقيه حقيقه تفقد والأب وسند تذهب مهجره الى محافظة اخرى تسكن فيه فتعشق من أكبر منه سنن وتتهم بشيء لن تفعله هل ياترا سيدوم زواجهم ام يفرقهم القدر ؟؟؟
