ضاقتهـ الأرض بيهـ شوقاً

البارت الثاني والعشرون

الكاتبه:-zainab

ضاقتهـ الأرض بيهـ شوقاً

ري العمر مشوار تكضي أيامه وتعدي 😭
ولو أدري الوكت دولاب ياخذبينه ويودي 💃🏻
جا ما شمت الشمات بيه ولا خنت ودي 👍🏻
ولاخليت دمعي يسيل تيزاب وحرك خدي 🤕
مو انته الكلت أعوفك واخلف بوعدي 🎩
أشو نص الدرب يفلان وتبريت من عندي ❤️
لحيمي ودج عليه الريش وجناحك كوه بجبدي 🙏🏻
كل هذه التعب والطيب ضيعته وصرت ضدي🔥

#ضاقتهـ الأرض -بيهـ شوقاً ❤️🎩

••••••••
ديانه صار الظهر تعبته والكل منتهي
همسته يم أذن مريم..كومي خلي نروح للغرفه
لان تعبته

مريم ...يله وهم اشوفه ونحجي
كومتني كوه خطواتي صح ثكيله بس لازم أعود نفسي
دخلته للغرفه كعدتني على جربايه نزعته عبايته
وجته كعدته
يمي ...اي ولج وشوكته تروحين لدكتوره
-والله ماعرف بس نهله كالته اصبري بس هاي الاربعين يوم
-تنهدته...الله كريم
رجعته راسي على جربايه وحجيته...ليش هجي مريم
-ماأعرف
-شنو الي متعرفي شكلج الباقي بس جلد وعظم

-يعني شتردينه شلون شكلي..اوف منين ابدي

من الخطابه الي يخطبوني اشكال والوان ومأكدر
اوفق
لو من عمي لعتده عليه ويكسر كلبي شكله
واني القايمه بوجباته حتى
مراته اسبحه وابدله ومن ايون من الم رجله
اكعد يمي وابجي وافرك رجليه
لو من عمه هيام الكاسره ظهره على مكينه والخياطه
لوأمي بعد ذاك العز وجمال ايصحوله الخبازه

-تحجي وتبجي ومامنتبه النفسه ...:-وراتب بابا ميوصلكم
-لا بلي يوصلنه بس ميكفي ربع علاج بابا

-عوفي هاي الشغله عليه الراتب من يوم ورايحه يوصلكم كامل
-ليش وانتي وأسراء والزغار خطيه

-لا معليج اني كاعده اشتغل

-صاحت..انتي شكاعده تحجين شنو تشتغلين

-ولج يخبله اهدي شويه اشتغل بالصالون
ويا باجي سحر
مو شغل ايتعب يعني شسوار شيره اظافر
وتنطيني ١٠٠الف كل يوم
-ديانه احنا بنات كسرتنه الدنيا ماكو غير شهادتنه
يعني ديري بالج يغرج شغل صالون لو محمد
تعرفين اني رجعته الدوم وكل حلمي اشتغل واتواظف علمود اشيل الحمل عن عمتي وامي

ديانه محد أيدوم لحد يعني شهادتج وبس

-ارتاح كلش من احجي المريم لان اكبر مني ودائما تنصحني..هزيت براسي بمعنى (الله كريم)

-اي صدوك شلون صار الحادث

-الحجي بيناتنه

-اي والله بيناتنه

-مو حادث خطفوني

-شهكته وضربته على صدره

حطيت ايدي على حلكه...اشششش ديري بالج احد يعرف
والله عمو محمد يذبحني..هزت براسه اي