سأصمت حتى ينتهي حزني او انتهي انا

البارت الثاني

#بقلم_تبارك_باسم

˚₊· ͟͟͞͞➳❥❬ تــب߬ــ୨وشۨـــهٞ ❭•°༼🇮🇶⃤ 𖤍 ┋:

غدير /اؤؤف ملاك بس انتي كاسرة ضهري  كومتني ملاك وصعدت للغرفه علكيفي لان جسمي كله يوجعني موجوعه حيييل 😭😞😓 لو بابا موجود مصار كل هاذة حسبي الله ونعم الوكيل عليكم حقراء من اليوم صدت شبه اكره امي لان فضلت زوجها عليه حيل انقهرت يعني هاااي امي وهيج تسوي بيه لعد الغريب شلووون اؤؤؤف ياربي ماتحمل الى متى ابقه هيج موجوعه محتاجه حنان الاب محتاجه حنان الام ليش هيج ياربي اني شنوو مسويه حته اتعذب هيج اخاف كمال الحقير يسوي شي بيه يااارب كون ويايه ...

اؤؤؤؤف اجه اليل مكدرت انام طلعت اغنيه اجاني اليل وضليت ابجي وراهة طلعت اغنيه سند عمري بحياتي عن الاب وضليت ابجي تمنيت بابا موجود بابا جان يحبني كوووولش حته مرات نسهر اني وياا يجيب حب ونكعد بنص اليل ناكل ونباوع افلام جنت من اصفط الملابس اخلي ملابس بابا يم ملابس جان بابا من يجي من الدوام احضرلة الحمام والملابس يجي انتضرة من يجي اضل ابوس بي وشكد افرح احس شي يكتمل بيه من احضنه صدك احس بحنان حته ويه امي من احضنهة ماحس هيج لان بابا يحبني من كل كلبه حته جان يكول ل ماما لتسويلي جاي غدير اسويلي وجنت اني اسويله هوة يشاقه وياي من استشهد بيوم عيد ميلادي ويوم استلام النتائج واني طلعت اولى وانطاني ٢٥ الف ولحد هاذة عمري محتفضه بيهم ابد مصرفتهم جان الذكرة الوحيدة الي بابا انطانيها بيوم استشهادة بيومهة جان هوة بلدوام اجه الصبح شافنه ورتاح وانطاني افلوس بعدها اتصل عليه الامر مالته كله هسه تجي والله اني شكد بجيت لان جان يوم عيد ميلادي واريدة يبقه بس كال اروح اشوفه واذا قبل اجي اسويلج عيد ميلاد اني قبلت لان كلي هيج وراح العصر تقريبا الساعه ب ٦ بعدها الساعه ب ٧ ونص اتصل عمي عله امي كللهها  تعالو بيت جدو المهم احنه رحنه اني عبالي اجه بابا وديسولي عيد ميلاد فرحت كلش طلعنه واني اركض واكمز فرحانه بابا اجه وراح يسويلي عيد ميلاد وصلنه بيت جظوة لكيت ابن عمي كاعد يم الباب البرة وديبجي وابن عمتي هم وعمامي واكفين يم الباب يباوعون عليه سئالت ابن عمي كتله شنوو الموضوع ليش دتبجون اخذني وحضني المهم اجتي امي دخلت البيت ولكت بيبي ونسوان عمي يبجون وعمامي والعشيرة كلها ملتمه واني دايجه محد مديقبل يكلي شنو الموضوع جانت بنت عمتي اخذتني وحضنتني وتبجي بابا جا اكثر واحد عندة شخصيه من عمامي همه كلهم تمام بس فقراء ومعليهم باحد بس بابا جان اذا احد اتعارك ويا ياخذ حقه وكلامه حلو وبابا احله واحد بين عمامي المهم اخذتني بنت عماي وحضنتني وبعدين صاااار عياااط واني بوقتها فزيت من الرعبه خاايفه خاايفه كوولش اسمع بيبي تنعي وتبجي هاي بيبي ثاني مرة تفقد ابنها اخذتني بنت  عمي انوب ضليت بحضنها وابجي وبوب اخذتني مرت عمي حضنتني وكلتلي ابوج استشهد هنااا من كلتلي هيج ادموعي ينزلن عشرة عشرة يعني صدك اليوم بابا مؤاح يسويلي عيد ميلادي يعني اني بعد ماعندي ااب يعني اني صرت يتيمه ملاك جانت صغير عمرة اشهر متعرف اؤؤؤف تأذيت بنت عمي اخذتني لغرفه وكاتلي حبيبتي كولي انشألله بابا يطلع جريح ولا مستشهد واني حسيت احساس ماعرف شنووو  ياربي معقوله صرت يتيمه بعد منو ياخذني بلسيارة ويوديني للمدرسه بعد ويامن اسهر بليل واضحك بعد المن اسوي جاي والمن احضر الحمام وملابس منو اخليهن بصف ملابسي كل الوقت واني ابجي نايمه بحضن بنت عمي وهيه تقرة ايات عله راسي واني نمت واردد انشألله بابا جريح ولا مستشهد نمت كعدت عله صوت العياط رج البيت رج البيت انترس نااس كرايبنا كلهم موجودين وناس ماعرفهم ناس غريبين وناس جوارينا جابو تابوت بابا اؤؤؤف يابه ليش عفتني يااابه اعيط واصيح من جابو التابوت اريد اروح اشوفه مخلوني قفلو عليه الباب وطفت الكهرباء واني اعيط واصيح وابجي واكمز واضرب عله رجلي واجهي لحد ماكا ابن عمي فتحلي الباب واني انطلقتت للطرمه شفت التابوت مفتوف بيبي دشوف ابنها الصغير اؤؤؤف ابويه راح مني كعدت يم التابوت وخليت راسي عله راس ابويه وابجي وماعرف منو يجر بيه يريد يوفرني اسمع ناس تكله شيلوها راح تتخبل واسمع ناس تكول خليها تشيع منه ولكم ششبع ششبع بابا كصته ماكو مضروب طلعه بكصته وصدرة ٤ طلقات شميت ريحته وكتله احبك بابا ومحد راح ياخذ مكانك وابوس بي من كل مكان بوس سريع وبي شمات سحبوني بقوة وسدو التابوت وكامو يشيلون بي وبعدين ينزلون بيبي تعيط من طلع تابوت بابا من الباب حسيت بخيبه امل وخنكه ماعرف شنو كسرة قهر طلعو واني اركض وراهم وهمه يمشون وشايلين التابوت اخذوني ورجعوني للبيت ضليت ابجي وابجي واجر حسرات يعني معقوله بابا الضهر جان يمي شلون هيج يااربي شلوون هيج صار الفجر وصليتله صلات الوحشه وقريتله قران ضليت اقراله واصليله اول يوم الفاتحه ماخوني ادخل للفاتحه وثاني يوم هم مخلاوني وثالث يوم هم بس اني رحت كعدت وبجيت بجي واعيط ومخنوكه احس كلبي انكسر كلبي مات كلبي يووووجعني وجع موو طبيعي الى اخذ يوم الفاتحه ....مو شي طبيعي انو تخسرين شخص جان هوة كلشي بلنسبه الج يعني بابا جان كلشي بلنسبه الي احبه احبه حيييييييييييل ............................

تقبلت بابا مات وراح وبعد مموجود شي صعب مو ايي حيييل صعب ... وهسه هاي اني كبرت وكبرت همومي وياي ها صح من مات بابا صارت عندي فتحه بلقلب 😞💔

كعدت يوم ثاني
غدير / كعدت من الصبح رحت غسلت وبدلت صديقه وقميص وحجاب كعدت ملاك هم بدلتله ومشطت شعرها وخلتلها عطر وسوتلها ريوك اني ماتريكت مالي نفس اخذت ملاك ورحنه هيه راحت لمدرستها واني هم  رحت لمدرستي وصلت الندرسه شفت هالة
هالة/ صباح الخير حبيبتي
غدير /صباح النور
هالة / ولج غدير ليش هيج عيونج مورمه
غدير / والله اليل مانايمته تعبانه حيل
هالة /كلتي لامج
غدير / لا
هالة / اؤؤؤف يا غدير كتلج كليلها
غدير / هالة لو مو حرام و لو مو ملاك جان انتحرت اني
هالة / انجبي
غدير / شكرن
هالة / غدير ااحبج ياغله صديقه والله ماكدر اعوفج هيج مقهورة
غدير /عادي حبيبتي متعودة
هالة / لتتعودين حبيبتي
غدير /لو مو متعودة جان هسه اني ميته من قهري
هالة / كافي حبيبتي انسي يله كولي للصف
غدير / يله

كمنه صف جان عدنه درس يارضيات المدرسه تشرح واني بغير عالم صافنه عله حضي

المدرسه / غدير ماما وين صافنه
.....
المدرسه / غدير مو داحجي وياج
غدير / نعم نعم ست
المدرسه / داشرح وانتي مو ويانه
غدير / اسفه
المدرسه / انتبهي
غدير / نعم
خلصنه الدرس ورحت داشتري مي هالة اشترتلي من عدها هالة صدك صديقه وفيه معافتني ابد دائمن ويايه بس بناتنه فرق كلش جبير .....
هالة / هاج حبي اشربي
غدير / شكرا
هالة / وهاج عصير وكيكه اكلي راح تموتين
غدير /ماريد شكرا
هالة /اول شي لتكولين شكرا ثاني شي غصبن عليج تاكلين
غدير /والله ماشتهي
هالة /اكلي الخاطري
غدير /اكلت الحمدالله جنت صدك جوعاانه حيل بس مالي نفس بكلشي
هالة /شوكت مقررة تحجين ويه امج
غدير / ماكدر ماعندي جرائه
هالة / كوليلها حبيبتي
غدير /اانشألله

خلص الدوام ودامشي بلشارع وافكر اكول لامي او لا
وصلت البيت وقرررت اكللها

هند / اهلا
غدير /ماما عندي موضوع وياج
هند / احجي اسمعج
غدير / كمال موجود
هند /بلشغل
غدير / ماما كمال ديتقرب مني
هند / شنو شنو يتقرب منج
غدير/ ماما ديتحاش بيه جنسيا وهوة مستمر ماما اني داموت والله ماما طلكي وخلينه نخلص
هند /ولج شنوو يتحرش بيج شنوو اطلكة ولج تتعرفين نفسج شتحجين لو لا
غدير /ماما مصدكتني
هند/اكيد لا لان انتي مو بوعيج ارجع الوعيج
غدير /ووك ماما اني كلت هسه تصدكين بيه كلت هسه تخلصين من نار كلبي والخوف البيه
هند / اكيد ماصدكج لان انتي موبوعيج
غدير /ووك

طلعت ورحت للغرفه غطيت نفسي وابجي

حبايبي طبعا القصه حقيقيه والباجر انزل البات الثالث احبكم لتنسون التصويت والكومنتات الحلوة مثلكم قلبوشاتي 😘🥰