بارت 1

5.2K 61 18

بواسطة wdkhlft679

بقلم wdkhlft679

القصة سودانية بتحكي عن اسرة بتتكون من خمسة افراد:-
محمد: الاب عمره 40 صحته كويسة جدا بيشتغل في مطعم مع اخوه بدر الدين حقو هو واخوه ..محمد شخص طيب بحب التعامل مع الناس.
احلام: الام عمرها 38شخصية طيبة وحنونة مع كل الناس دكتورة.
وائل:هو الابن الاكبر عمره 20بدرس في الجامعه وكمان بيشتغل عشان يساعد ويقيف مع ابوه بيشتغل في المساء بعد يرجع من الجامعة عصبي لكن حنون ..طويل واسمر شعره اسود عيونه بنيه.
وجد:البنت التانية عمرها 15 بتدرس في الثانوي،بنت بريئة في شخصيتها هادئة جدا متوسطة الطول سمراء شعرها بين البني والاحمر عيونها بنيه.
وجدان:البنت التالته عمرها 13بتدرس في الاساس بنت مرحة بتحب اخوانها وكلامها كتير 😊 شعرها اسود وعيونها سوداء..قصيرة لونها اخدر لون امها،بتحب هي ووجد يتشاركوا كل شيء مع بعض.

   الساعه6صباحا وجد قامت بتجهز حالها هي واختها عشان يمشوا المدرسة وامهم جهزت الشاي ونادتهم:
يابنات تعالوا الشاي..
وجد ووجدان:حاضر جايين.
وجد: الليلة اتأخرنا وامي ماحتخلينا نطلع الا نشرب الشاي.
وجدان:اي والله خلينا نمشي سرعه.
   مشو لأمهم وشربو شايهم وودعوا امهم وطلعو،،وجد مدرستها شوية بعيدة اما وجدان ممكن تصلها برجليها عادي،وجدان وصلت وقالت لوجد:يلا مع السلامة نتلاقى بعدين وجد رفعت يدها لاختها تودعها..
   وصلت وجد المحطة ولقت صحباتها منتظرنها:-
أتاخرتي ياوجد معقولة ياخ(دي واحدة من صديقاتها اسمها فاطمة بنت سمراء اطول من وجد بشوية واكبر منها بسنة)
وجد:معليش والله انتي عارفة المسافة بعيدة من البيت لحدي هنا.
يابنات خلونا نمشي عشان الزمن(صديقتهم التانية توسل بنت هادية وناجحة في دروسها بتحب صديقاتها..خدرا وطولها زي وجد)
قالوا خلاص مادام مافي مواصلات نمشي برجلينا واتفقوا على كدا..بعد حصلو المدرسة كان الطالبات وقفوا طابور الصباح الاستاذة قالت ليهم اليوم مافي عقاب بس من بكرة بعاقبكم.
فطومة"اختصار لفاطمة":حمدلله نجونا بأعجوبة 😅
وجد:اي والله كنا حننجلد
توسل وهي بتضحك😀:معناه بكرة نطلع بدري عشان ماننجلد.
وبعد دوام المدرسة انتهى وراجعين البيت توسل قالت ليهم وهي فرحانة:يلا للبوفي نشتري لبان☺
فطومة:يابت انتي جنك لبان كدا مالك خشمك دا اصلو مابقيف من الصباخ شغالة اكل.
وجد وهي بتضحك:😃ومالو اللبان حاجة سمحة يلا نمشي ياتوسل بس فطومة ماتجي معانا(طلعت ليها لسانها بتغيظ فيها😝)
فطومة بتمثل حزينة :يعني ماشين بدوني😔؟؟
وجد وتوسل رجعو ليها وهما مبتسمات:معقولة نخلي صحبتنا العزيزة براها😍😉ساقوها معاهم وهي في وسطهم...
------------------------------
في البيت بعد وجد رجعت لقت وجدان جات سلمت عليها وعلى امها وسالت امها:
وائل جاء؟؟
الام:قال جاي قرب يصل،عايزة منو شيء؟
وجد بطريقة حماسية وطفوليه:اااي امس قالي وانا جاي حأجيب ليكم مفاجأة معاي،،ياامي انا متحمسة اعرف هي شنو..
وجدان جات جارية بعد سمعت وجد:بالجد😍..ياسلااام ماكنت عارفة.
الام:هههه خلاص خلوه لمن يجي بتعرفو جايب شنو..في اللحظة دي امشي ارتاحوا واكلوا ليكم حاجة اصلكم من وصلتو مااكلتو شي وانا هسي تعبانن ماشة انوم فاهمات..
قالوا حاضر..وجد واختها دخلو المطبخ ولقو امهم عاملة ليهم اكلتهم المفضلة بطاطا شيبس ولحمة محمرة 😍😍
هم الاتنين بصوت واحد:وااااااي اكلتنا المفضلة...جروا لامهم بالاحضان وهي راقدة في سريرها امي ياسلام كان تكلمينا عاملة لينا الاكلة السمحه دي (قالت وجد)
الام:بسم الله يابنات مالكم؟؟
وجدان :كان تقولي لينا هسي مافي محل فاضي في بطني اكل كيف..؟
وجد:خلاص انا حأكل بدلك"بإبتسامة خبيثة".
وجدان:ههههه لالا اوعك انا حاكل يعني حاكل..يمكن ناكلها كلها ومانخلي لوائل؟؟
الام:انا طلعت حق اخوكم براهو عارفاكم هجامات هههه وضحكو كلهم..مشو واكلو وفي المساء وائل جاء زي الساعه 9ونص وكدا واستقبلوه اخواته:
وجد:اها وين المفاجأة؟؟
وائل:كدي اصبري خليني ادخل واتنفس .
وجد: انت جاي من الشارع مافي هواء برا عشان تتنفس..وضحكت هي ووجدان.
وائل قال:جبت ليكم بطيخة😆
وجد ووجدان:شنووو؟؟؟نحن لو كنا عارفين انها بطيخة ماكان فكرنا فيها اصلا من الصباح.
وائل:يعني ماعايزنها؟؟
وجدووجدان:اي ماعايزنها اديها لامي ..(وهما زعلانات😔)
وائل:خلاص انا حأكل الشكولاتة دي براي☺
وجدان وجد بحماس:شكولاته😍...ياسلاام(جروا عليه بالاحضان)
وائل:براحة براحة خنقتوني ماقادر اتنفس.
وجدان وهي بتضحك:هههه معليش يااخونا واخدو منو الشكولاتة ومشو غرفتهم..
*مر اسبوع وابوهم جاء من الشغل اصلو هو بيشتغل وبجي نهاية الاسبوع يعني يوم الخميس ووائل كمان ماشغال بعد جاء من الجامعة وهما قاعدين بيتونسوا ابوهم سالهم:
اها المدرسة كيف معاكم يابنات؟؟
وجدان:تمام ياابوي☺
وجد:انا برضو تمام..اول يوم يوم كنا حنتاخر ىس حمدلله وصلنا شوية بدري والاستاذة ادتنا انذار انا وصحباتي..
الاب(محمد):اتعودوا اطلعو بدري عشان ماتتاخروا اصلا وجدان مدرستها قريبة لكن انتي ياوجد اطلعي بدري تمام؟
وجد:حاضر☺
   """"""""""""""""""""""""
دا اول جزء من القصة وان شاءالله تكونو فهمتو..انا مبتدئة وبحب تأليف القصص ياريت تدوني رايكم 😊وانتظروني في الجزء الجاي..
إلى اللقاء🙋🙋
💖يتبع..