*مرت سنتين واخوهم وائل جاء زمن تخريجه من الجامعة ووجدان حتكون في الثانوي ووجد امتحنت الشهادة وداخلة للجامعة..
الام احلام:اها ياوجد اتصلتي على خالتك عشان التخريج..
وجد:اي ياامي واثناءماهي بتتكلم تلفونها ضرب وكانت خالتها واسمها اماني عندها 5بنات وولدين..كلهم خريجين ماعدا اتنين في الثانوي..
وجد:اهلين خالتي اماني كيفك
اماني:بخير الحمدلله كيف انتي واخوانك
وجد:والله تمام الحمدلله..اها ماجايين انتو؟؟
اماني:ان شاءالله بكرة حنكون عندكم اتصلت ليك عشان الكلام دا..
وجد بفرح:بالجد..خلاص تمام ياخالتي نحن في انتظاركم كلكم..
اماني:تمام يابتي وسلمي على امك واخوانك..
وجد:يوصل ان شاءالله..وقفلت
وجد كلمت امها وقالت ليها انهم حيجو بكرة ان شاءالله..اصبحو الصباح الساعه10كدا باب ناس وجد دق وجدان مشت تفتح لقت خالتها واولادها:-
وجدان بفرح:خااالتي...(وحضنتها)سلمت عليها وعلى بناتها واولادها..((احمد اكبر واحد عمره 32 عسكري..زهور التانية عمرها 38 متزوجة عندها ولدها عمره 4سنه اسمه محمد..جسار التالت عمره 24خريج علوم طيران..ولاء الرابعة 21خريجة علوم اتصال..اية 20خريجة ادارة..يمن ومنى تؤام 18في الثانوي))...
دخلوا جوا وفضلوهم وقعدوا يتونسوا كلهم مع بعض :-
ولاء:اها ياوجد جهزتو حاجاتكم ..
وجد:ااي جاهزين "وهي بتتبسم"منتظرين اليوم دا بفارق الصبر وضحكت ضحكة رقيقة كدا خلت جسار يعاين ليها..
"جسار شخصية باردة وماعندو شغلة بزول زي باقي اخوانو ومافي حاجة بتحرك احساسه لانه اصلا مابهتم بزول"..
وجدان بتتكلم مع يمن ومنى:تعالوا معاي غرفتنا اصلا دي ونسة كبار ههههه..
ولاء ووجد: يعني نحن كبااار؟؟
وجدان:هههه اااي..ومشت هي والتومات ..بقت ولاء ووجد قاعدين مع البقية يتونسوا ام وجد قالت ليها: يابت العصير وين..
وجد:"ضربت جبهتها بكفها "هي!نسيتو مع الونسة ههه ومشت جابتو وختتو قدامهم..كل واحد شال كبايته ويتونس الا جسار شال كبايته وطالع كدا قال لوائل:نمشي الديوان؟
وائل:جدا تعال معاي ...مشو ومعاهم احمد اخو جسار الكبير..
احمدطبعه هادي بحب اللمة والونسة مازي جسار ..بالعصر كدا البنات طلعوا وقالوا ماشين السوق يشتروا ليهم كم غرض كدا وجايين واخدو الاذن من احمد قاليهم تمام ماتتاخروا حاولوا ترجعو بدري قالوا تمام..
جسار من بعيد شافهم وهم طالعين..سال احمد لمن جاء عليه
جسار:ديل ماشات وين؟؟
احمد:قالوا طالعات السوق وجايات..
جسار:وتخليهم يمشو براهم؟؟
احمد:جسار دي حاجة بتخصهم حيطلعو ويجو اصلا لو اتاخروا نحن عارفين هم وين ..
جسار:طيب تمام..وائل جاء :تعالوا ياشباب الغداء..ومشو معاه
المغرب جوا البنات فرحانات وجاهزين لبعد بكرة عشان التخريج وطلعو الحاجات عشان يشوفوها امهاتهم😅..
ولاء:اها رايكم شنو بكرة نجيب الرسامة"قالت بفرح"
قبل ماتتكم كلامها قاطعوها صوت وجد واية:اااي لازم تجي ونرسم..عاينو لبعض وضحكوا
ولاء:هههه خلاص تمام كلنا حنرسم حتى ناس امي وزهور..
الصبح طلعت ولاء ومعاها اختها ايه ووجد عشان يجيبو الرسامة للبيت ..بعد جو راجعين
وجد:امي وائل وين؟؟
احلام:مشى مع جسار عشان يشول اللبس حقو وجايين
وجد:ااهااا تمام..طيب تعالي انتي وخالتي وزهور عشان الرسامة جات
احلام:طيب اسبقينا نحن جايين..مشت وكل البنلت رسمو وبالليل شغلو السماعات في البيت والجبنة شغالة ويرقصو اخر رقيص وهم مبسوطات..
ناس وائل جو داخلين وخالتو اماني شافتو جات عليه وزغردت وتبارك ليه وهو يضحك
وائل:ههههه ياخالتي دا ماعرس عشان تزغردي..
اماني:ههه في كل افراحك حازغرد خلي العرس بس..جسار واقف جنبو ومبتسم التفت ولمح وجد هي بتضحك وترقص مع اخواته استاذن وطلع لانه جاءه اتصال..
أنت تقرأ
❤ تزوجت طفلة ❤
عاطفيةوهي بتبكي: لكن انا مابحبه ياوجدان ولا حتى بعرف عنه حاجة ولا اي شيء...
