❤ تزوجت طفلة ❤

💖3💖

هلا ياجماعة في الجزء الفات كتبت زهور عمرها38..😅كتبتو مستعجلة عمرها28..ان شاءالله عرفتوها
""""""""""""
وجد صحت الصباح وبتجهز في حالها للجامعة وبتفكر في موضوع امس بتطلع في ملابسها من الدولاب وهي شاردة..كانت الساعة6لانه محاضرتها 8تلفونها ضرب وكانت صحبتها فاطمة بس مابتقرا معاها في نفس الجامعة لكن بطلعوا مع بعض:-
وجد:صباح الخير فطومة كيفك
فطومة:الحمدلله وانتي
وجد:الحمدلله تمام...اها جهزتي حالك عشان 6ونص نكون برا البيت..
فطومة:اي جهزت حالي وبشرب في الشاي اخلص واقوم البس واشوفك في المحطة تمام
وجد:اي تمام نتلاقى هناك ...وقفلت دخلت اخدت حمام في الوقت داك امها جهزت ليها الشاي واختها زاتها صحت لانها حتطلع للمدرسة...
*لاقت فطومة في المحطة وخلاص ركبوا:-
فطومة:وجودة مالك من قبيل سرحانة كدا قولي لي الحاصل شنو؟؟
وجد:انتي عارفة يافطوم امس خالد جاء واتقدم لي قبل تتم كلامها....
فطومة:بالجد؟؟قولي والله
وجد:اصبري خليني اتم ليكي..ابوي رفض لانه انا اتقدمو لي قبله
فطومة مستغربة:والله..ودا منو سعيد الحظ دا؟؟
وجد:جسار ولد خالتي
فطومة بفرح:والله...ياسلاااام ربنا يتم على خير وحضنتها..
وجد:......
فطومة:ماتزعلي..وانتي شايفة اهلك موافقين دا زول تمام ياخ مابتلقي زيو
وجد:دا القالوه.
فطومة:اي تمام...ههه ونحن معاكي زاتو قبل تعزمينا حنجي
وجد:ههههه ااي انتو بتجو بدون عزيمة..
*نزلوا وكل واحدة حتركب عشان تصل جامعتها قبل مايفترقوا:
فطومة:وجد بعدين نتلاقى هنا تمام عشان نرجع سوا..
وجد:اي تمام بتصل عليك...
*نهاية اليوم الساعه3اتلاقو ووصلو محطتهم الساعه6وودعوا بعض وكل واحدة مشت تجاه بيتهم....
وجد بتتكلم مع نفسها وماشة((هسي انا اعمل شنو..ماعندي حل غير اوافق واتعرف عليه وزي ماقال ابوي انه واقف معاي في قراري..اذا كدا تمام حاقعد معاه وان شاءالله اتعود عليه..ختت يدها في راسها..يالله صداع شديد..حست بزول وراها عايزة تلتفت وقبل ماتلتفت عشان تعرف دا منو الزول خت يدو في فمها وسكتها عشان ماتصرخ عايزة تحرر نفسها منو بس مسك يديها وراها...))
**في البيت:-
احلام:وائل..
وائل:نعم ياامي
احلام:كدي تعال اتصل لوجد دي اتاخرت مامن عوايدها..
وائل اتصل وتلفونها بديهو مغلق..
وائل:قافل ياامي بكون قطع شحن
احلام:طيب ماتمشي ليها المحطة انتظرها الدنيا ليلت ياوائل
وائل مشى وبقى منتظرها فترة طويلة قرابة الساعتين رجع البيت فكر احتمال تكون مشت بالشارع التاني...لمن وصل البيت:-
احلام:وينها ماجات معاك..
وائل:يعني هي ماجات؟؟؟انا فكرتها جات جات بالشارع التاني
احلام:بسم الله تجي كيف ياوائل اختك دي بتكون وين يارب..
محمد ابوهم جاء داخل:-
محمد:السلام عليكم...مستغرب"مالكم واقفين في الحوش كدا؟؟
احلام وهي خايفة:وجد يامحمد لسه ماجات بعد دا انا مقلقة عليها
محمد:معقولة لسه..كدي اصبري احتمال مشت لخالتها بهناك ماهم قريبين للجامعة..
احلام:لو مشت كان حتكلمني من الصباح ...محمد اتصل للخالة اماني:-
محمد:الو اماني كيفك
اماني:اهلا محمد بخير كيف الحال..
محمد:الحمدلله تمام..كيف اولادك كلهم
اماني:والله باحسن حال كويسين..خير؟
محمد:وجد دي ماجاتكم بهناك؟؟
اماني:؟؟لا والله ماجات..مافي البيت هي؟
محمد:لالا مرقت من الجامعة بس لسه ماجات والزمن اتاخر..
اماني :ابدا والله ماجاتنا..
محمد:خلاص خير..بنشوف صحباتها..مع السلامة
محمد قال لاحلام انها ماجاتهم بهناك..
احلام:خلااااص الليلة بتي وين...وبدت تبكي..
وائل:امي اصبري شوية احتمال مع وحدة من صحباتها..لحظة اسال وجدان((وائل مشى ينادي وجدان كانت نايمة صحاها عشان تديهو رقم صحبات وجد:-
وجدان:يعني هي لسه ماجات؟؟
وائل:لالا لسه..كدي اتصلي على صحباتها
وجدان:عندي بس رقم رفيدة معاها في الجامعة وفاطمة الساكنة هنا.
وائل:اتصلي ليهم
وجدان اتصلت اول لرفيدة وقالت ليها مامعاها وانها ودعتها من العصر ومشت قفلت واتصلت لفاطمة:-
فاطمة:هلا وجدان كيفك
وجدان:حمدلله فطومة وجد مامعاك؟؟
فاطمة:يابت اختك دي خليتها من قبيل مشت على شارعكم..
وجدان:بالجد!!طيب ماجات لكن خلاص كويس تسلمي وقفلت:-
وجدان :وصلو من قبيل ياوائل..معناها بتكون هنا في الحلة
امهم قالت ليهم خلاص اطلعو شوفوها مع ميسم((ميسم اخت خالدصحبت وجد دايما بتمشي ليها وتقعد معاها))مشو وائل ووجدان بيت ناس خالد دقوا الباب فتحت ميسم:-
وجدان:السلام عليكم
ميسم:اهلين وعليكم السلام اتفضلو
وجدان:لا والله مستعجلين جينا نسال اذا وجد معاكي..
ميسم مستغربة:لا والله ابدا ماجاتني هنا خير في شنو..
وجدان:بس اتاخرت في الرجعة ماجات عشان كدا قلنا احتمال معاك...طيب تصبحو على خير
ميسم:وانتو بخير
*رجعو البيت وكلمو امهم انها مافي وخلاص امهم بدت تبكي ::انا بتي وين تكون حاتكون وين ياربي احفظها لي محل ماكانت..وجدان جنبها تبكي واخوها بصبر فيهم
ابوهم قال نمشي نفتح بلاغ اختفاء عشان نفتشها مسى هو ووائل خلو ديل قاعدين الباب دق كانت ميسم وامها جو يطمنو انه وجد جات بس لسه قعدوا معاهم ---
#في مكان تاني:-
......:حبيبتي وجد
وجد عيونها مغمضات بقماشة وقاعدة في غرفة مضلمة غير ضوء القمر داخل بفتحات الشبابيك مافي شي..
وجد:(كاني سامعه الصوت دا قبل كدا):انت منو لو سمحت ولشنو جايبني هنا انا وين بخوف
الصوت:معقولة ماعرفتيني ياوجد؟؟ليه تعملي فيني كدا انا سويت شنو عشان اتعذب..
وجد:خالد؟؟(عرفتو من صوته)
خالد:ههه اي انا ونزل القماشة من عيونها وهي بقت ترمش لانه عيونها مربوطة ليها فترة ..
بتبكي::حرام عليك لشنو جبتني هنا عايز مني شنو؟؟
خالد:كيف عايز شنو؟؟انا عايزك انتي انتي وبس فاهمة مستحيل تبقي لزول غيري..نزل مستواها اللهي قاعدة ..مستحيل فهمتي؟؟
وجد بكت زيادة:حرام عليك تعمل كدا هسي اهلي بكونو خايفين علي حرام عليك خليني امشي..
خالد:مستحيل اخليكي تمشي وكمان بعين قوية تطلبي اخليك؟؟(مسك يدها قوي لمن وجعتها)انا حاتزوج ماحاخليك لغيري انا بحبك فاهماني وماحازيك..
وجد بتبكي:دا حب هسي؟؟انت كدا خاطفني وغصبا عني حيقتلوك لمن يعرفوك..
خالد:ههه مافي زول حيعرف اصلا بعد اسبوع حنسافر من هنا انا جهزت كل حاجة...قاطعتو
وجد:انت واحد وسخ كيف بتفكر اني اجي معاك مستحيل امشي معاك
خالد:حتمشي(وضغط على يدها شديد بقت تبكي اكتر فكاها ومسح دموعها)ماتبكي ياحبي مابحب اشوف دموعك غالية علي..
وجد:(لزتو بعيد منها )
خالد:حاتقبل كل حاجة منك بس مصيرك معاي (مشى عليها وتاني ربط ليها فمها عشان ماتصرخ وربط يديها ورجليها وطلع خلاها قفل الباب من برا...
*في بيت ناس وجد:-
اصبح الصباح وخالتها بعد عرفت جات هي وبتها زهور وولدها احمد العسكري وجسار معاهم واحلام امها واختها وجدان بقو حالة تانية امها تبكي من امس واختها كمان خالتها بتصبر فيهم وهي كمان مقوية حالها عشان اختها..
احمد:وائل انتو مشيتو القسم
وائل:اي مشينا وقالوا الا بعد 24ساعة حتى يبدا التفتيش
احمد:تعال معاي الكلام دا ماممكن لو مشيت معاك حنسهل الامور ..وفعلا مشو ومعاهم جسار غضبان وقلبه محروق عليها ومقلق...
**ميسم بعد رجعت بيتهم عملت الشاي بالصباح ليها وامها (ابوها متوفي)خالد جاء داخل:عملتي الفطور؟
ميسم رفعتو هسي دا...ادخل اشرب الشاي ..دخل وشرب مستعجل ومامن عوايده وهي زاتها استغربت
ميسم:انت مالك ماتشرب براحة مستعجل ليه؟؟
خالد:قومي سرعة جهزي الفطور لاني حافطر مع صحبي
ميسم:وصحبك دا منو الماشي ليه من 7صباحا
خالد بزهج:انتي ما ليكي دخل قلت ليك جهزي الفطور وانتهى
الهام"امهم":خالد مالك ياولدي اختك بتتكلم معاك براحة زهجان عليها مالك من الصباح؟؟
خالد:هسي انا مالي..زهجتني هي لانها بتسال كتير..
ميسم:خلاص هسي بجهز وبناديك ليه..مشى خلاهم
ميسم:شايفة ياامي هايج براهو..هسي انا عملت شنو غلطانه انا سالته اصلا
الهام:خلاص ياميسم بكون زهجان من شي مامعروف بس جهزي ليه حاجاتو وخلاص
ميسم:حاضر..دخلت جهزت ليه عمود الاكل وودتو ليه :هاااك
خالد:ختيتي فيه اكل كافي؟
ميسم بتعاين ليه باستغراب:اي مالك بتسال زي دا؟؟
خالدمشى بدون مايجاوب وطلع سريع....وصل البيت الفيهو وجد دخل وقفل الباب((البيت حق خالد كان عايز يتزوج ويقعد فيه والبيت في نفس الحلة بس شوية بعيد من بيتهم))فتح باب الغرفة وجد جواها:-
خالد:وجد حبيبتي انا جيت...مايكون اتاخرت عليك.
وجد كانت نايمة جاء صحاها بعد مسافة صحت وشال القماشة من فمها وفك يديها ورجليها..من شافتو دموعها جرت..
خالد:لا حبيبي ماتبكي انا جبت الفطور لازم تاكلي عشان ماتمرضي..
وجد:(لزت الاكل ووقع في الارض)انا ماعايزة.
خالد:مافي مشكلة هنا تاني في تلاتة علب اكل (اشار ليها بيدو عليهم)ولازم تاكلي مفهوم وجد بكت وبدت تاكل وتبكي..
الحالة دي بقت عليها 5ايام وكل يوم خالد بجيب الاكل من البيت ويجيها...واهلها بفتشو في كل المنطقة معاهم احمد...
*يوم جاء خالد وقال لميسم تجهز الفطور طالع ودخل الديوان عشان يلبس...بقت واقفة وتفكر لشنو كل يوم كدا بمشي وين ودا ياتو صاحب دا ماجاب لي سيرتو لانه دايما بكلمني الليلة الا اعرف ماشي وين...
بعد ادتو عمود الاكل طلع طلعت وراهو خلت امها نايمة ولبست توبها وطلعت......
"""""""""""""""""""""""""
    😅😅يتبع...