ليبي طايش بالهبال عايش😂😂

بوبريييييص😂😂

قصه من مغامرات حوده و الشله😂
.
.
.
ههههه هدا حيواني الاليف يلي نكرهه😂 في الدم
لما نشوفه نموووووت من الخوف 😂😂 قصدي كان بتخوفوني قولو بوبرييص بس😂
.
.
.
ولاااااااااااااااااااكن💥💥

البوبريص يلي عندي بوبريص مسلم😂  ديما يطلعلي لما نبدا نتفرج ع الجيران والا مقعمزه ع حيط ونقرم المهم لما اندير اي حاجه مغضوبه يطلعلي 😂😂ولااااااا مش اني بس متسلط عليا اني بسسس اني وجداي وبنت عمتي 😂😂👵👵👵😂😂

استنو شوييييييه✋✋✋
رح نعطيكم نبده عندي اني وجداي وبنت عمتي وعمي الصغير وولد عمي ديماااا مع بعض وديما فلايط😂😂بنت عمتي.. يلي ملقبينها بقيس السبب انها في وفاه جدي الله يرحمه فيه عزوز عندها الزهايمر 😂اتسلطت ع بنت عمتي وسمتها قيس من غير سبب وكل ماتقوللها اسمي .....(من غير ذكر اسماء) ...اتقوللها لاااا انت قيس😂😂 ف مشي فيها الاسم .....واني الملقب ب تلاته اسماء
عند الاولاد وعمامي الصغار ..عليوه😂وعند بوي وعمامي الكبار ..عيسى 😂وعند البنات ..حوده😂
فخلينا نكملو القصه باسم حوده
وعمي الصغير ملقب ب...خبشه😂
وولد عمي يلي ملقب ب...طابونه لان راسه زي الطابونه😂😂😂لما انجوع قريب انوض ناكل راسه

.........المهم نكملو قصه حيواني الاليف😭😭

بعد اول ايام العيد مشينا زرده العيله الكريمه كلهاااااا ع اتم وجه للمزرعه {خليكم حرش ..الحوازه😂} المووووهيم مشت الامور تمام والعيله كلها بايتين فات الوقت للعصر هكي واحني هدرزه وجو ومحسوبتكم شيخ القعده😂😂 بره بره لييين جي المغرب جداي متفقين معاها بالرموز
حناي:رجليااا مش واخده ع التقعميز ووووه😂😂
حوده:فهمت اللغز نضت وخبطت قيس ع كتفها
قيس:هيا حناااي نوضي نمشيك اني وقيس
جداي:اتديري فيا معروف يابنت ولدي
وشديت حناي من يد وقيس شدت حناي من يد ومشينا بيها لنهايه الصور متع المزرعه والخطه كانت
حناي اتقول هكي باش نمشو نتفرجو ع الناس يلي المزرعه يلي بحدانا  😂😂😂 الموووووهيييم
وقفنا وقعدنا نتفرجوا عليهم كيف متزردين حتى هما وجداي تلعق ونضحكو😂😂 لييييين نسمعو صوت ورانا يقووووووول🌟💥🌟

خبشه:دبي دبي يافكرونه😂😂🐢🐢

ويرد عليه طابونه🐶🐶

طابونه:جاك حنش احمر بقروونه😂😂🐍🐍

      تفكرتوها شط الحريه😹😹

اني تلفتلهم :اششششششش يابقر يسمعونا😬
طابونه:وووووووووه هههههههههههه شوفي شن ع الحيط يلي قدامكم😂
خبشه:اعععغععغغغ شوفو ههههه😂
شبحنا للحيط احني التلاته وإذ به نجرووووو😱😱😱 طبقققق مافيش كان الغبره  😂😂
 
     يلي كان ع الحيط اكيد عرفتوه حيواني الاليف
كان بوبريص حجمه قريب تمساااح لونه احمر😂

وخلينا خبشه وطابونه بيموتو من الضحك بس المشكله كاااانت هو ان البوبريص كان لعبههههه🙅
لعبههههه🙅 هالاندال عارفينا وعارفين قصتنا مع البوبريص المسلم يلي يطلعلنا😂

المهم في الليل نشبحلهم كللللهم راقدين عيانيبن الا انا وقيس وجداي جتى هي خاينه رقدت وقعدنا مفنصين عيوونااا من الخوف ونتفرجو عليهم الدنيا تتقلب اتقول بطاطا في طاوه القلي😂😂منظرهم
اشويه وهووووووب يطيح علينا البوبريص من الروشن نضنا نتعايطو اني وقيس وناضوو كلهم شن فيه شن.. فيه ..قلنالهم بوبريص ..وين.. اهو في ع الفراش مشو شافوه لقوه لعبه 😂😂حصلنا هزايب ورجعو كلهم رقدو الا اني وقيس مشينا لخبشه وطابونه خربسنا وجوههم بالفحم ورقدنا وناضو الصبح عيطو وقلبو الدنيا وكلهم يضحكو ع منظرهم😂😂😂😂 وبعدها حصلنا منهم طريحه وكملت الحكايه😂😂😂
ولعند وقتنا هدا نمووووووت من البوبريص

ايه حقا نسيت الجميعه البودريه😂 يلي ماتعرفش البوبريص هو حاجه مش ضروري تعرفوها لاكن تشبه الحربه 😂😂 واني من كتر المغامرات لين تعرفت عليه وبدت قصه حبي ليه💞😂