السلااامو عليكم هلبا سوريات وعراقيات ومصريات ع التاخير😂😂😂
انبصرررر والله التاخير مش مني من النت والضي الحقير قليل الادب هدا بلااا ضي الوايفاي مايخدمش والوايفاي اللي من غير ضي التغطيه زي وجهي الجميل حتى رساله ماتتمحلش حسبي الله فيهم🐹
المممموهم جبتاكم مجموعه من عباطاتي وعباطات الشلفه الفاسده الخاصه بيا🐰🐰🐰
هادي فيها تلاته مواقف هما الحق اكتر لاكن التللته الابرز😂😂😂😂
يلااا مره كان عندي عرس في منطقتي مشيت ضربتها غياب من المدرسه اسبوع كامل هو عرس بنت عمي والعرس في حوشنا يعني محد قاعد وكلهم بيمشو من الاحد المهم في العرس واني طبعا يلي قائمه بالواجب 😂😂يوم مشت العروس للمزين مشت بروحها وكانت صدمتي لما لقيت الحوش فاااااااااااااضي ولاواحد خديت الفون يلي نتصل بيها نلاقيها في مزين حتى البنااات وخواتي وعماتي وكلللللهم في المزين دورت الحوش مالقيت حد نزلت الدور التاني مالقيت حد الا خوتي اربعه وولاد عمامي عشره وعمامي خمسه 😂 وكلهم كلهم رااااقدين علي بعض في دار كبرها زي حكه السردينه
ضحكت ع منظرهم ونسمع في واحد يطرب في الحمام يغني دورت مني مهناش لقيت ولد عمي موسى مهناش معناها هوو المهم بنحكي بالتفصيل
😂😂نزلت للدور الاول الصاله لقيت خمسه عزايز مقعمزات ومعاهم جداي تاخد وتشلبخ بيديها شكلها تحكي في حرب الطليان😂😂المهم سلمت عليهم وصبحت عكشو فيا كبهم وبالسيف سحبت روحي منهم 😂 سالتهم قالو كلهم طلعو وقالو خلو جود هي تهني ع الحوش الحوش حوش بوها(طبعا حوش جدي بس يقولو حوش بوي وبرضو حوش بوي يقولوه حوش بوي لاني مربيني جدي المهم خليطه زي صونيه السلاطه😂😂😂)قريب انجلطت رقالي الزيت ومشيت ركبت في الدروج نسمع في جداي ابصر شن توصي واني ماسمعتهاش او ماخطريش نسمع حد وصلت الدور التالت ضميت الدنيا وخديت البكلاوه قعدت نحط فيها في بوكساتها وكدلك العبمبر جت عيني ع حافضات الحلويات التانيات مشيت فتشت لقيتهم حاطين حلاوات مشكله في حافضه بروحهم اني قلت خليني ننتقم منهم وناكلهم مدامهم باعوني وهربو لاكن قلت خليهم بعدين قربت الحافضه طلعتها من المطبخ وجيت بنحطها في الدار نويت الخبت ونزلتها معاي للدور التاني حطيتها في اول دار بحدا الباب المهم مشيت خشيت ع الاولاد بسبعين الللف حكمه وتلتميه الف سبه نوضتهم من الدار وخليتهم يمشو يكملو النوم في المربوعه المهم ضميت الدار يلي هما كانو فيها وباقي الحوش ومشيت للحمامات اكرمكم الله اتدكرت الحلاوات
مشيت جري للدار يلي فيها الحلاوات كليت ممكن طرفين ونوعي مانحبش الحلو درت هكي غير انتقام المهم كليت طرفين بماني منحباش الحو حسيت مش عارف كيف مشيت نجرررري زي الصاروخ للبار يلي في دار المعيشه لقيت طاسه اشرب ولوح اميه شربته في مره وحده بعدما كملت حسيت حاجه اخي بنتها مش عازفه شني😂😂😂😂👊👊💁💁
مشيت جري للحمام نغسل في فمي نمصمص فيه يطلع حاجه لونها وردي 😂😂😂لين سمعت صوت خبشه مييييييت من الضحك ومعاه موسى وجبر
واني نشبحلهم بصدمه شويه وكملت الفضيحه وجو الشباب كلهم ويشبحولي وبيموتو من الضححححك
اني شبحتلهم بمعنى خيركم
موسى:ياحماااااااااره شن شربتي
اني: اععععععععع شن البلي هدا
موسى:حي عليك من من جداي بتقتلك
اني:علااااااش امي بتقتلني
موسى:بري اساليها قوليلها شن هو يلي ع بار المعيشه انب انخلعت ومشيت جرييي لجداي سالتها
جداي:ماااااتقوليش بزعتيه
اني:لا اااءه لالا خيره ......
جداي:هدا صابون بنغسل بيه رداي باش مايديرش طبقه بيضه عليه
اني:كيف مافهمتش
جداي:تي الردي لونه موفي وكان غسلته بصابون مش سايل بيقعد داير طبقه بيضه عليه لقيت شيشه الصابون فيها القعر بس صبيته في طاسه وخليته بنغسل بيه رداي باش نحضر بيه تالت بنت عمك
اني:اااااه
جداي:شن ااااه انت مش عارفه شن دايره فيه نهارك اسود راهو بعتت احمد للدكان قال تم ماهمش جايبين للاحد
اني:اتدكرت جداي شن وصتني لما اني في الدروج طلعت اتقولي راك تمسي طاسه الصابون
😱😱😱😱😱😱😱😱معاش عرفت ركبت للولاد وهما يضحكو عليها ترجيت في محمد يرفعني ندورو صابون سكر راسه لين هددته ب مناهل الحب وافق مشيت اني ومحمد شرينا صابون من مسلااااته
😂😂😂مسلاته قريبه يعني نسكن في منطقه لاصقه في مسلاته لدرجه مسلاته اقربلها من مناطق المنطقه بداتها😂 روحت لقيت الحوش ع نفس الوضع عزايز بسسسسس لقيتهم جيعانات يبو غدي فرفشت لين عييت معاش عرفت درتلهم مكرونه بالبركه😂😂😂كلوها وباهي ماصارلهمش تسمم
فضيت لروحي درت شعري وبديت في وجهي جت الساعه 4بدو الخونه يرجعو للحوش بشوي درت روحي مطنشتهم كملت ولبست وقعمزت مع العزايز لانهم هما القدر😂😂😂المممممممهم جت الساعه 8
بيجيبو بنت عمي من المزين وقاالو ضروري وحده تمشي تجيبها ناضو الدنيا تتخاير اني انت ومش عارف شني واني مقعمزه نتفرج زعميتني مطنشتهم ليين جي موسى قال نبي جود تمشي اني نطربق في مستكه شقلبت عيوني ع الفرخات وشلشتهم عليهم برجليا وخليتهم ميتييييييين بالضحك😂😂😂😂
عليااا عارفتهم متشمتيييين المهم مشينا للمزين ركبت بنت عمي من وراء وواني من قدام وصلنا راس الشارع طلعو الاولااااد كلللهم في سياراتهم ورانا
الحوش بعيد شوي ع الطريق الرئيسيه المهم دارولي حشششششمه كل واحد شاد لعبه الفقعات هادي مش عارفه شن اسمها هديك يلي اميه وصابون اني بلا راده قريييب متت من الضحك ممظرهم يضحك كيف كاعم ينفخو موسى عطاني وحده وقالي ديري بيها واتطلعي راسك من الروشن نقتلك طبعا بمان اني عبييييييطه وحاصله في روحي نفتح في شيشه اللعبه مش عارفه كيف انطلست مني تتفجر في وجهي ويتلبزززززز وعيوني يريحو حممممممممممر
زي الجنيه المجنونه قريببب هبلت ع حظي 😂😂😂😂😂😂😂😂وموسى قريب يغمى عليييه بالضحك يخبط ويعطي فيها وووه لين يغيب عليه النفس والباقيين قاعدين يتفخو في الفقعات ع اساس دايرينلي مفاجاءه ميندروش بالكارته يلي صارتلي😂😂😂😂😂
اني:المنحوس منحوس لو حطو ع دين راسه فلاااااش والا سراب يقعد منحوووووس
موسى:وووووووهههههههههههههههه😂😂😂😂😂😂😂😂😂😂😂😂😂😂😂😂😂😂😂😂
وصلنا بالهانم بنت عمي وخشت وموسى ماقصرش فضحني بين الاولاد وكل شوي واحد متصل بيا متشمممت فيا واني نعاود في زووواق وجهيي المنحوس😂😂😂وكملت لما روحت للمدرسه خداني النوم في الحصه غفيت الابله صفقت في وجهيي مانعلمش بروحي مشيت فتحت الباب وطلعت واخدني النوم لين الابله لحقتني😂😂😂😂
#حوووووووووووووده😒
شن رايكم فيها هادي احد ابرز فلايطي اني ورفيق دربي #النحس💔 يلي عندها وصفه تعطيني صدقه لوجههه الله وفيه وحدات اقوى من هكي تفاعلو باش نكتبهم
أنت تقرأ
ليبي طايش بالهبال عايش😂😂
Humorياعنبووو روما 😂😂 . ع الاقل نسبو كفار باش الذنوب تدير رجيم لانها حتما وزنها زي جارتنا خيريه لما نشوفها كاني نتفرج ع الفضاء ويجي كوكب زحل {خيريه😂}يتكركب 😂😂 شوفو اهه لااستطيع كلما نستغفر انزيد ذنب النميمه في العرووووق😂😂
