بما ان المره يلي فاتت حصلت 24تعليق وهدا نعتبر فيه رقم عملااااق😂😂😂😂لاني الله يبارك ع حظي في المتابعين زي حظ قطوسه شارعنا يلي يشبحها يعطيها طريحه الجيران كلهممم😂😂😂
واني ولاااااا واحد يحرك صوابعه ويكتب عدا اشخاص ينعدو المهم هما خمسه مره وحده😂😂😂يلي يعلقولي .....المووهيييم زي ماقلت اليوم رح نكتب بارت طوييييييييييل ع الميك اب واساسياته وكلللل شي يخصه وياريت تستفيدو منه💕
المهم توا رح نعطيكم شويه نصائح ماليهمش علاقه بالمكياج لاكن عندهم اهميه لما تركزي😉
يابنتي لما تطلعي وتحطي باكو الوان ع وجهك راهو مش من الجمال واي شخص حيشوفك حيقول طايحه ع الاولااد ومش عارف شني حتى لو مش قصدك هكي لاكن الله غالب لسانات الناس ماترحمش ومش مخليين وليه في حالها ماقلتش ماتحطيش حطي لاكن بحدود يعني كنظافه يعني مش روج احمر اي شادو دهبي عدسات خضر وووووووو ومش عارف شني اصلا يلي اتدير هكي تحولت نظره الناس ليها ك مزيته وخضره😂😂 انت يا اختي لما تلبسي لبسه مستوره مافيهاش شي غلط لما تطلعي نظيفه وريحتك حلوه هههااااااا ماقلتش اغسلي روحك بالريحه قصدي نظافتك الشخصيه ومع هدا حطي ريحه ناعمه مش وووووه اتقول عبد الصمد القرشي المكان يلي تمشيله تصبغ فيه ريحتك 😕😕😕😕وماتطلعيش وسنونك مخليتيهم لونهم زي الكاكاويه😂😂سنونك دوامي ع نظافتهم ديمااااا لما تنوضي وقبل لاترقدي وبعد الغدي ولما تاكلي اي حاجه وبدات حاجه حلوه مصمصييييي حتى بالميه💦💦💦💦وهادا اهممم الحاجات يلي لازم اتديريهم قبل ماتطلعي:
🌠اغسلي اطرافك وديري مزيل داخلي حلو💕
🌠امشطي شعرك وقيميه كله باش مايطلعش من الوشاح واحسن تسريحه كوده نازله مش مطنشه في السمي😂😂😂هدا لو طالعه لمكان عام او السوق ولو طالعه ظيفه ديري التسريحه يلي تبيها❤
🌠اغسلي سنونك ولو عندك كولي مستكه بالنعناع
لاكن مش تطلعي بيها وتبدي تمضغيي😳😳😳في الشارع او حتى عند حد ماشتيله امضغيها مابين جهزتي روحك✨✨
🌠غيري ملابسك الداخليه 😳💜
🌠ديري لمساتك من الميك اب يلي توا رح نكتبهم لوطه باش ماتتلخبطوش 💗
🌠وبعدين اكيد تلبسي لبستك يلي بتطلعي فيها واكن الطلعه في مكان عام ياريت تكون لبسه مستوره لان والله لو تسالي اكيد عندك خوال وعمام وخوت متربيه معاهم من صغرك وجربي اسالي رايهم ع البنت يلي لبسها مش مزبوط رااااهو عند الاولاد يلي تلبس في اللبس الضيق والمحزق يلعبو عليييهم بس واللي تلبس مستور راهو يتحشمو حتى يعاكسوها والا يديرو تصرف غلط معاها ومع ربي حرام اللبس هدا اصلا البسي سروال توا اني قضيره مانلبسش في عبايه لاكن نلبس في سروال وبلوزه للركبه او فوق شوووووييييه اقل حاجه وماتكونش مرسوووومه رسم🔥 وهادي نصيحه نسمع فيها كل يوم من خوتي صح كنت حتى اني مش مقتنعه وشن فيها كان لبست هكي ومش عارف شني لاكن بعدما سمعت راي الاولاااد تحديدا وعرفت الصح والغلط عرفت روحي شن كنت نخرط وفهمت الصح❤
وراك تنسي راهو احني في مجتمع ذكوري البنت مهما تصرفت رح يكون غلط وفي النهايه مهما دارت حتكون مرايه ع بوها وعيلتها ورح يحكو ع رابايتهم
يااما لعنه الله ع اللي رباك يااما الله يرحم ولديك ولو تعرفو الكلمه هادي قداش تريح وشن ميزانها لما تندكر علي والديك💕💕💕
وانت ورايك مانفرض ع حد شييي😇💜💜 ايه واللي ماشيه ضيفه البسي لبستك المناسبه عندك😍
🌠وبعدين بري اركبي السياره عن يهرب عليك خوك والا بوك ويسيبك😂😂😂😂
المهم هادو النصائح تبع الطلعه واني عن نفسي هكي روتيني ونشوف فيه الاكتر مناسب للبنات والمتجوزات مانعرفش شن يديرو لان والله لا اني متجوزه ولا مرتبطه سنقوله مسنقله ولله الحمد😂😂😂
نجو للروتين اليومي اكيد اتدوشي يوم بعد يوم واليوم يلي ماتدوشيش فيه اغسلي اطرافك 😝
وكل يوم تتغير الملابس الداخليه💛 والاسنان حكيت عليهم قبل💙ولبستك تتغير كل يوم وبدات في الصيف 💥💥💥ديري الماسك يلب ماشي معاك وتتريحي بيه😉واكيد النوم لبسه خاصه 😇وديري اي تونر او كريم تعتمدي عليه قبل النوم🐣🐣
وبعدين احلاااام سعيده 😂😂😂هيييي كملت
أنت تقرأ
ليبي طايش بالهبال عايش😂😂
Humorياعنبووو روما 😂😂 . ع الاقل نسبو كفار باش الذنوب تدير رجيم لانها حتما وزنها زي جارتنا خيريه لما نشوفها كاني نتفرج ع الفضاء ويجي كوكب زحل {خيريه😂}يتكركب 😂😂 شوفو اهه لااستطيع كلما نستغفر انزيد ذنب النميمه في العرووووق😂😂
