فاضل:ابن شيوخ واكبر اخوتي مهندس بلسنة الي اتخرجت بيها ابوي مات واني لزمت الشيخة ما اتوظفت بعد صرت شيخ عمري 30 سنة مزوج واني عمري 20 سنة وزوجتي عمرها 27 سنة اي اكبر مني
والزواج صار مصلحة بت الشيخ ل ابن الشيخ بحياتي الزوجية حيل تعيس احس نفسي انظلمت وياها اكبر مني مو من اختياري وامية ودوم مشاكل بينة مايوم صفينة ع راي اطفال ماعدنة ماقسم الله راجعنة بداية زواجنة اثنينة مابينه شي بس هاي حكمة ربي ومارزقنة
نويت ازوج عن حب زميلتي جانت بلكلية دخلت مزاجي وقررت ازوجها وازوجتها بس شهر وكتلوها اخوتها خانتني اي خانتني وي الكهوجي الي يشتغل عندي واخوتها كتلوها كرهت الحب وصارت "نورية مرتي" تعيرني والناس حجت علية. و صارت حياتي اتعس اختفت ضحتكي بلمظيف صرت انام واكعد. واشرب وكلشي بلمظيف وملتهي بحياة الشيوخ كاضيها مشاكل نحلها واجبات شايل هم عشيرتي
ومرتي نورية صار بيها قلب واحوالها الصحية ادهورت يوم عن يوم اخواتي كلهم ازوجو وعدهم جهال ومرتاحين بحياتهم الا اني متحسر ويرف كلبي ع الجاهل بس اوووف منين اخلف مرتي نورية المريضة مابيها حيل حبالة يو ازوجلي وحدة وهم تخوني
نمت واني دموعي ع خدي قدري ونصيبي ما اكدر اغيرة حياتي انتهت بليلتها ذممت ابوي لنو كلشي بسببه لو مامزوجني نورية واني صغير جا هسة حالي حال اخوتي مزوجين ومرتاحين بحياتهم
نمت وحلمت ب ابوي حلم "يكولي بوية اني النار دخلتها بسببك فكرت بلمصلحة الشيخة مافكرت بسعاتك اذا انطيك هاي التفاحة تسامحني "فزيت من نومي ونعلت الشيطان شلون ذممت ابوي
وبهل الليل ماكدت انتظر لصبح حسيت بوالدي زعلان علية بنص الليل رحت لنجف ازورة رحت لقبرة شكيت وبجيت وحياتي شون مدمرة واني بلمقبرة اسمع صوت صراخ التفت وراي شفت شي اسود يركض وراي واني اركض هو لاحكني عبالي جن ع. شكل انثى
جيهان:عمري 29 من الشمال كردية دكتورة نسائية. مزوجة عن حب مواصفاتي بيضة عندي خديدات عيون زرق تارسة وشعري ع طول اصبغة اصفر لنو يلوكلي يعني كردية اكيد 😜 حلوة
والحمد سعيدة بحياتي صار عندي جاهل بس ماكمل الحمل خمس اشهر وصار اسقاط
وحيدة ابوي لنو اثناء الولادة ماتت والدتي ما ازوج لنو جان يحب امي اهواي ما ازوج بعدها
ابوي صايغ عايشين وياه اني وزوجي بلبيت ما كدرت اعوفة لنو وحيد
يوم فكرت نغير جو وهماتين افتح معرض للصور الي اخذها ع طول اخذ صور
رحت اني وباباتي ل تركيا زوجي مقبل يجي ويانه هو هم دكتور وعندة التزامات رحت اني وباباتي قضينة ايام حلوة وجو تركيا يجنن
اذكرت بعد يومين عيد زواجنة الثاني كلت خل اسوي مفاجئة لزوجي
اشتريت هدية واتصلت بزوجي اريد اسولية مفاجئة وكتلة بعد اسبوع ونرجع كال براحتكم
حجزنة ع اول طيارة ورجعنة ب 8 بليل دخلت للبيت لكيت زوجي يخوني وي منو
وي صديقتي طلع مزوجها من سنة واني ما اعرف صدموني اقرب ناسي
طلكني لنو هي حامل شنو قصرت وياه حتى يخوني
تركت دوامي دخلت بحالة نفسية حتى الطلعة من البيت ما اكدر اطلع البيت والاماكن كلها تذكرني بي
باباتي قرر يبيع البيت وقرر نروح لنجف هناك نتسقر لنو هناك معلم ديني وسياح والشغل وهماتين يطلعني من الحالة الي اني بيها ماشي رحنة واستقرينة هناك
