فاضل: حامل جيهان حامل زينب صدك هل الحجي زينب كالت اي صدك
اني ميت قهر عليها لنو طلكتها وهسة حامل ب ابني يالله شنو هل العذاب
اشهر واني ادور بلمستشفيات ورحت ل عمامها ول طليقها وماخليت احد اذا ما سئلتة
جيهان : بعد ما اولد راح ازوج حسام ردت افتح حساباتي كلت لا ما افتح ما اريد ارجع للماضي المر سويت حساب جديد بس مو ب اسمي دخلت ع حساب الفيس بوك مال فاضل دزيت طلب وافق بقينة نحجي راد اتصال انطيتة لبنت خالتي حجت وياه بس ماكتلها طليقي كتلها صديق قديمما اريدة يعرف اني جيهان وبس يسمع صوتي يعرفني اتصلت علية وهي حجت وياه
وبعدين ايام نحجي وكتله اني اسمي نور و عايشة ب استراليها بس هو مايهتملي اني دائما احاجية واراسلة بلكوة يرد علية
سئلتة خيرك وليش هيج تتعامل وياي
كلي ع قصته كلها وكال مهموم ويدور ع طليقتة جيهان ماخلة مكان اذا ما دور عليها تالي ائيس وكال يمكن راجعة للنجف وهذولي الارهابية اخذوها وكتلوها ايام واشهر نحجي وكتله اني حامل
كال جيهان لو عايشة جان انتي وياها بنفس الشهر ومن يتصل علية اخلي بنت خالي تحجي وياه وعرفت هو طليقي وكاعدة انتقم منة گالت ماتكدرين تنتقمين لنو تحبينة
مرة من المرات طلب مني طلب غريب وكال صوري بطنج خل اشوف واتحسر خليني اموت قهر زوجتي وابني اني كتلتهم ب ايدي وبعدين صورت ودزيتها اتصل وخليت بت خالي تحجي وياه هو يبجي ومقهور حيل
حسيت ب الم الولادة وجان اولد واجيب توم بنية ولد
بقيت يومين مامتواصلة وياه لكيت كومة رسائل منة
كال لاتعوفيني انتي الصديقة الوحيدة الي اشكيلها وافرغ همومي عدها اذكر المستخدم
كتلة ولدت ودزيت الصور اله سئلني شسميتيهم
كتلة ماسميتهم انت سميهم
البنية سماها جيهان والولد سماة حسين
كتلها ما اريد اسم جيهان سمي غير اسم
اتوسل بيه يبقة جيهان اني ماقبلت
كال راح اسميها كهرمانة لنو اني وزوجتي جيهان الله يرحمها قررنة اذا صارت عدنة بنية نسميها كهرمانة وكل يوم يطلب مني ادز صول للجهال
وادزلة
فاضل:بعد ما اشهر ادور عليها ماخليت مكان اذا ما بحثت عنها ائيست اعتقدت انو هي ماتت بعد مارجعت للنجف قتولها الارهابية
اتعرفت ع صديقة جديدة بلفيس بوك لولاها جان اني منتحر هي صبرتني ع مشكلتي وعرفت بيها حامل ونفس الشهر هي وجيهان لو عايشة جان اثنينهن ولدن سوة احن واشتاق لل اطفال كل يوم اطلب منها دزلي صور جهالها وهي طلبت مني اسميهم لنو اتعاطفت وياي من اشوف صور الجهال ارتاح وبيوم من الايام دزتلي فيديو وجان انصدم
حسام : ولدت جيهان وقررت افاتحها بلموضوع انو نزوج ما قبلت كالت خل يصير عمرهم 3 اشهر تعبتني جيهان كاضيتها وياي بلمواعيد ليش اعرف هي ماتحبني واني اتقرب منها لخاطر تحبني كلشي سويت لخاطرها غير تحس بيه ماتحس ابد يلا انتظر بعد شسوي المهم تصير الي
جيهان: صار الوقت الي انتقم منك ليش عفتني وطلكتني بلا سبب
اروح للصالون وارتب نفسي بعد الولادة ولبست اجمل بدلة وجهالي لبستهم
واصور فيديو اني وجهالي كولو لبابا هلوووو بابا شونك ماما قررت تنتقم منك. لنو طلكتها بلا سبب شوف احنة وين ب استراليا ودزيت الفيديو وانتظرت ع طول النهار لمتة يفتح نت ويشوف الفيديو والغي الصفحة فتحت النت وانعرض الفيديو
يتبع.....
