فى أحد عمارات الأسكندرية تصدح موسيقى فيروز
بعدك على بالي يا قمر الحلوين
يا زهرة بتشرين يا ذهبي الغالي
بعدك على بالي يا حلو يا مغرور
يا حبق و منتور على سطح العالي
- ايوه بقى على الروقان فيروز بتسمع فيروز
قامت فيروز بقفل مشغل الموسيقى ونظرت لسها أختها
- عاوزه ايه يا رخمة هانم انا ما صدقت ارتاح شوية فى يوم الإجازة انتى جاية تصدعينى
- انا غلطانة ده انا جاية اقولك ماما رجعت وجيبالك المدلعة اللى بتحبيها
- بتكلمى جد
وقامت فيروز سريعا إلى صالة المنزل ووجدت والدتها تضع الأشياء التى جلبتها من السوق
- ها ي ماما فين المدلعة
- طيب تعالى ساعدينى بدل ما انتى واقفة زى العيال كده
- حاضر هيا فين بقى
- خودى أهى عمك محمد الحلوانى جبهالك مخصوص من طنطا
- اصلا عمو محمد ده قمر
وأخذت فيروز حقيبة الحلوى وذهبت إلى المطبخ حتى تتناول حلوتها المفضلة
ـــــــــــــــــــــــــــــــــــــــــــــــــــــــــــــــ
فى مكان آخر فى أحد مناطق الإسكندرية الراقية عند عائلة الجندى أشهر عائلات الإسكندرية يملكون أكبر شركة إستيراد وتصدير فى مصر جلس إبراهيم الجندى وعائلته على طاولة الطعام يتناولون الافطار
إبراهيم: فين أدهم يا رقيه
رقية(زوجة إبراهيم): لسه نايم فوق مش راضى يصحى
إبراهيم: وبعدين بقى فى الولد ده دلعك فيه ده اللى مبوظه ده اخوه اللى فى الشرطة احسن منه ولا اخته اللى ف طب كلهم اصغر منه وهوا مش فالح
رقية: خلاص بقى انت كل يوم الكلمتين دول اعمله ايه يعنى مش انت اللى اجبرته يدخل تخصص مش عاوزه مالها فنون يعنى
إبراهيم: هوا الكبير وهوا اللى لازم يشيل من بعدى مالها إدراة أعمال على الاقل احسن من الكلية المايعة اللى كان عاوز يدخلها
رقية: بس خلاص هوا كل يوم الحال ده انا هسيبهولك تعمل فيه اللى انت عاوزه ومش هتكلم ورينى بقى هتقنعه ازاى ينزل الشغل معاك
إبراهيم: متدخليش انتى بينا بس
وتنزل فتاة من على درج الفيلا تحمل الروب الابيض على يديها وتصل إلى غرفة الطعام
رحمة: صباح الخير على احلى اتنين فى المجرة كلها
إبراهيم: اهى البكاشة جت صباح الخير يا حبيبتى هترجعى من الكلية امتى النهاردة
رحمة: هرجع على الساعة 6 كده إن شاء الله
إبراهيم: صحيتى الفالح اللى فوق ده عشان يوصلك الجامعة
رحمة: اه يا بابا وهوا نازل دلوقتى ورايا
أدهم: صباح الخير عليكوا
رقية: صباح الخير يا حبيبى تعالى الحق افطر
إبراهيم: يا أهلا اخيرا شرفت اقعد يلا خلص اكلك عشان تروح توصل اختك وتجيلى على الشركة
أدهم: يووووه هوا موال كل يوم قولتلك مش حابب البيزنس عاوز افتح المعرض اللى نفسى فيه والشركة مش من طموحاتى
إبراهيم: وانا قولتلك مليون مرة انك مهما تعمل برضو هتنزل معايا ويلا اخلص عشان متتأخرش
أدهم: مش طافح يلا يا رحمة
وذهب أدهم إلى السيارة ولحقته رحمة
رحمة: براحة على بابا شوية يا أدهم هوا عاوز مصلحتك برضو وغصب عنه انت الوحيد اللى تفهم موضوع البيزنس ده زيه
أدهم: بس انا بكره المجال ده
رحمة: يا سلام بتكرهه انا لحد دلوقتى مش مقتنعه ازاى مرتب على دفعتك وبتكره المجال بتاعك
أدهم: ده عشان انا لما ادخل حاجه لازم اتفوق فيها مش ضرورى بحبها واقفلى السيرة دى بقى عشان بتخنق
رحمة: حاضر متزوقش بس
ـــــــــــــــــــــــــــــــــــــــــــــــــــــــــــ
فيلا الجندى
رقية: انت مش هتبطل تضغط على الواد كده ده الكبير واللى هيشيل من بعدك
إبراهيم: منا عارف اومال بقسى عليه دلوقتى ليه عشان بعد كده يبقى ليا ضهر اتسند عليه
رقية: بس براحه عليه مش كده هتكرهه فى الشركة
إبراهيم: هوا اللى دماغه ناشفة مش عارف طالع لمين
رقية: هيكون جابه منين من بره يعنى ما ابوه اهو
إبراهيم: طيب قومى عشان منكدش عليكى دلوقتى
ذهبت رقية سريعة الخطوات بعد ما رأت تحول زوجها
ـــــــــــــــــــــــــــــــــــــــــــــــــــــــــــــــ
فى شقة فيروز
- ماما انا نازلة عاوزه حاجه
- لا يا حبيبتى بالسلامة وسلميلى على اصحابك
- يوصل ي حنون
واعطت قبلة لأمها وذهبت لملاقاة أصدقائها
ـــــــــــــــــــــــــــــــــــــــــــــــــــــــــــــ
فى كافية على البحر تجلس مجموعة من الفتيات فى ركن هادئ
- هي فيروز هتفضل على عادتها دى لازم تتأخر
- هي كده علطول يا تقى مش هتتغير ابدا
- ازيكووووو يا اهل الكافية لقد وصلت محبوبتكم
-اهى جت اهيه يا سمر بالدوشة بتاعتها 😂
فيروز: اراكم تتحدثون عنى
وقرصت كل من صديقاتها على سبيل المزاح
إيمان: تعالى يا غلبوية أقعدى يلا مستنينك عشان نطلب سوا
تقى: مين بقى اللى هيقوم يطلب انا رحت المره اللى فاتت شوفوا حد غيرى
سمر: وانا رحت اللى قبلها
إيمان: خلاص ياختى انتى وهيا هروح انا ايه الغلب ده ياربى
وذهبت إيمان لكى تطلب لهم
ـــــــــــــــــــــــــــــــــــــــــــــــــــــــــــــــ
اوصل أدهم أخته رحمة إلى جامعتها وذهب إلى الشركة وقابل فى طريقه صديقه مصطفى يعمل هو ايضا فى شركة الجندى
أدهم: ها يا درش اخبارك ايه
مصطفى: زى الفل يا كبير وانت
أدهم: موال كل يوم
ـ هانت يا صاحبى راضيه بس وهوا هيعملك اللى انت عاوزه
ويصلوا إلى مكتب إبراهيم الجندى حتى يتكلموا عن الصفقة الجديدة
ــــــــــــــــــــــــــــــــــــــــــــــــــــــــــ
وبكده انتهى الفصل
ارائكم ❤
أنت تقرأ
عشق الفيروز
Romanceشاق شوقى واشتياقى لمبسمك، فشق شوقا، وأنشقت له شقائقى، وأنشق لأجلك قلبى. ـــــــــــــــــــــــــــــــــــــــــــــــــــــــــــــــ !***** لا احبذ السرقه !*** Votes + Comments plz ❤❤❤❤❤❤🌸🌸 Cover by: Yomna Ali❤❤
