عشق الفيروز

الفصل الثانى

فى شركة الجندى للإستيراد والتصدير
- انا مش موافق على الصفقة دى
قالها أدهم فالتفت له ابيه ومصطفى
- ليه يا أدهم انا شايفها ممتازه وهتعود علينا بربح مش قليل برضو
- لا انا مش مطمن يا بابا للى اسمه الصوفى ده سألت عليه و اسمه عليه شبهات
- تمام اللى انت عاوزه قابله بكره انت ومصطفى وبلغوه ان الصفقة ملغية اتفضلوا انتو دلوقتى
ذهب كل من أدهم ومصطفى إلى الخارج
- مش عاوز تيجى معانا احنا والشباب النهارده هنتجمع سوا ع البحر نسهر
- لا اعفينى يا درش انا النهارده تعبان خالص وعاوز ارتاح
- تمام يا صاحبى بس اخرج كده وفكها شوية
- إن شاءالله يلا بقى روح على شغلك وانت خارج تعالا عاوزك فى حاجه
- تمام يا كبير يلا سلام
ـــــــــــــــــــــــــــــــــــــــــــــــــــــــــــــ
فى كافية على البحر
- ها يا ست تقى احكلنا عن ابن عمك بقى
- مفيش من ساعة ما رجع من السفر وهو قارفنى فى الرايحه والجايه كده وخنيق
سمر: خنيق هييييح هو حد لاقى
فنظرت لها تقى بعينان تشتعلان
فيروز: هيا بس عامله نفسها تقيله نسيت نفسها
واصبحت تقلدها يا بنات إلحقونى عمر مسافر وهيسبنى اعترف بحبى ولا لاء
وضحكوا جميعا عليها
تقى: واضح ان انا مسلية القعدة بتاعتكوا اوى
إيمان: اوى اوى
تقى: انتو رخمين اوى علفكرا 😏
فيروز: خلاص يا بنات احكيلنا بقى بيعمل معاكى ايه 😉
تقى: متبصوش بس كده هو بس وانا نازلة بيسلم عليا ويقولى رايحه فين وهترجعى امتى وهتقابلى مين وكده يعنى مش حاجه
سمر: ده كله ومش حاجه
تقى: اه صح وبيقولى هتوحشينى يا توتا
إيمان: هييييح توتا مره واحدة
تقى: ما هو علطول بيقولى كده انا شكلى هفضل فى حب طرف واحد ده كتير
فيروز: لا متقوليش كده هو اكيد حس بيكى انتى مش ملاحظة الاهتمام بتاعه ناحيتك من وقت اما رجع
سمر: فعلا ده واضح ان مشاعره اتحركت ناحيتك
تقى: يارب يكون كده فعلا عشان انا موجوعة اوى وانتى يا إيمان اخبارك ايه مع باباكى
إيمان: لسه مصمم على العريس وانا مش طيقاه ومش عايز يصدق مفكرنى رافضة فكرة الجواز عامة وانا اصلا مش طايقه العريس مش عارفه شايفينه عدل على ايه
فيروز: هما الاهل كده دايما شايفين حاجه من منظورهم واحنا بنشوف من حتة تانيه خالص فكك وهما هيملوا من الموضوع
- فعلا على رأيك
- تيجوا نتمشى شوية على البحر وبعدين نروح
- تمام يلا
ــــــــــــــــــــــــــــــــــــــــــــــــــــــــــــ
فى شركة الجندى
أنهى أدهم عمله وأخد اشيائه وخرج من مكتبه وجد مصطفى كان سيأتى له
- كويس انك جيت يلا تعالا معايا
- هتودينا فين يا أدهم
- مشوار كده اتأكد من حاجه عشان مبحبش اظلم حد
- مش فاهم عاوز ايه
- يلا بس عشان منتأخرش وهتفهم كل حاجه
وبعد ساعتين
- ايه يا أدهم هنفضل واقفين كده كتير
- استنى شوية
- بقالك ساعة بتقولى استنى شوية
- هوا انا جايب ابن اختى معايا ما تس
- مالك وقفت ليه
- هوووس بص قدامك
- مين دول
كانت هناك عربتين ونزل من كل منهما عدد من الرجال
- ايه ده مش ده الصوفى
- ايوه هو
- يانهار اسود ده بيتاجر فى الممنوعات انت كنت صح
- اكيد انا تحرياتى مبتكدبش ابدا
- طيب انت بتصورهم ليه دلوقتى احنا مالنا بيهم
- يا بنى ادم افهم ده كارت كده عشان لو حب يلعب بديله معايا بكره
- اااااه اما انت طلعت دماغ الماااظ
- طيب ياخويا يلا اتحرك خلينا نروح عشان عاوز انام
- يلا
ـــــــــــــــــــــــــــــــــــــــــــــــــــــــــ
فى شقة المهدى
- يا أهل الدار هلو هلو فيروز جت هلو هلو
- يا بنتى انتى مش هتعقلى ابدا
- يا ماما وهوا فيه احلى من الجنان يا حنون عامله اكل ايه النهارده بقى
- عامله صينية بطاطس بالفراخ
- الله عليك يا فنان يلا عشان انا هفتانة اوى
- طيب غيرى هدومك ويلا عشان ابوكى على وصول ونتغدى سوا
- هوا يا قمر
وذهبت فيروز ركضا إلى غرفتها
- والله مخلفة مجانين
ـــــــــــــــــــــــــــــــــــــــــــــــــــــــــــــ
فى فيلا الجندى
كان أدهم يجلس على كرسيه المفضل وفى يده النسكافيه وبيده الاخرى فرشاته ويرسم على اللوحه بعض عناقيد العنب تتقاطفها فتاة جميلة فى سلتها واثناء اندماجه قاطعه رنة هاتفه المحمول وذهب حتى يرد ووجده رقم غريب
- ألو مين معايا
- خليك عارف أنك بتاعى
ـــــــــــــــــــــــــــــــــــــــــــــــــــــــ
رأيكم😍
وياترى مين اللى اتصل بأدهم 🤔
ياريت تعملوا لايك عشان اكمل ♥