فصليه الضابط 😊🤗

بارت 2

هلاو حبايب شلونكم انشالله بخير
الكاتبه ام فادي☺

عذراء :كعدتت ثاني يوم اجت ماما كعدتني علمود اروح للدوام
امي:عذراء مريم يلا كافي نوم كعدو ساعه 7 ونص
راح تتئخرون
عذراء:ها ماما صباح الخير هسه اكعد مريم وانزل
امي:صباح النور يلا حبيبتي كعدي اختج وراح اروح اسوي ريوك
عذراء:راحت ماما ورحت ع مريم كعدته وكتله ولج مريم كافي نوم عليج الله شلعتي كلبي
مريم:شبيج عذراء ماتخلين الواحد ينام ما اروح اليوم مابيه حيل روحي انتي
عذراء:ولج مريم كومي والله كلبي مقبوض اليوم ما اريد اروح وحدي
مريم:عذراء والله مابين حيل تعبانه من البارحه لو ترجعين تنامين لو ترحين
عذراء:طاح حضج يعني روح اروح وحدي بدلت ونزلت صبحت على ابوي وبست راسه واكلت ع السريع اموري وصلني
امير :عذراء شبيج مو على بعضج اكوشي صاير شي كوليلي اني صديقج قبل ما اكون اخوج
عذراء : حبيبي ماكو شي بس مامرتاحه اليوم ما ادري ليش
امير:صدك جذب غير دكولين هسه اطلع ساجده عبيد والمزاج يصير فول 😂😂
عذراء: خرب حضك اموري حياتك بس اغاني وركص 😂😂
امير:حياتي شعندي لعد ضارب الدنيا بعرض الحايط يلا حبيبتي نزلي باي سلملي ع صديقاتج كوليلهن اموري يسلم عليكم
عذراء:خير يومك اموري دروح عيب بابا
امير:باي حياتو

احمد :اليوم كعدتت على صوت المنبه رحت سبحت وبدلت ونزلت لكيت امي تسوي ريوك وابوي كاعد صبحت عليهم وبوست راسهم
امي:هلا حبيبي تعال تريك اليوم اخوك حسام راح لبغداد يكول عندي شغل هناك
احمد:هاا صدك شوكت راح اشو مكال
امي :راح ساعه4 الفجر كال كولي ل احمد
احمد:اي يمه اني اخابره واشوفه وصل لولا لا يضل بالج يلا طالع باي
امي:روح حبيبي الله وياك
احمد:رحت للدوام التهيت وهوسه تلفوني يدك اطيتت رفض هذا حسام 3 مرات دك واخر شي فتحتت خط صحت بي شبيك حسام خبصتني
اجاني صوت ولد غريب
الولد :حبيبي صاحب للرقم سوه حادث وهسه بالمستشفى
احمد:كالي سوه حادث واني اتخبلت صحت بي كتله يا مستشفى بسرعه كول
الولد:بمستشفى ....بغداد لا تتئخر تره حالته حرجه
احمد:سديته منه واني افور واتحلف للضاربه رحت بسرعه للسياره شغلته وخابرت ياسر ويسار هم اتخبلو كالو روح واحنه جاين وراك ماشي سريع صرت مثل المخبل على اخوي سويت الطريق 2ساعتين وصلت للمستشفى شفت الدكتور كال حالته كلش حرجه منا 24 ساعه اذا ماصحه راح يدخل غيبوبه بقيت اكل بروحي رحتت للمركز شفت الولد الدعمه شوفتهم الباج مالي وطبيت تعاركت ويا ضربته ورجع ضربني اجو الشرطه طلعوني منه كتله اله اخذ حقي منكم مربع بصيطه
امير :وصلت عذراء ورحت للكليه خلص الدوام وطلعت بسياره اجه وضربته ماادري بي رحت شفته سابح بدمه اخذته للمستشفى وخابرت على اخوه اتخبل اجو الشرطه اخذوني خابرت على ابوي اتخبل ضل يغلط عليه وكال جايك
ابوي :خابر امير تخبلت كلي ضارب واحد رحت للمركز وشفت اخو مبين عصبي الشر يطاير من اعيونه رحت عليه حجيت ويا وانطاني رقمه وعنوانهم
احمد:اجه ابوه وحجه واني روحي طافره كتله عمي جيبو عمامكم وتعالو اطيته رقمي ودزيتله العنوان مالنه وعفته ورحت رجعت للمستشفى وشفت ياسر ويسار وابوي شفت ابوي مكسور كلش رحت ليسار كتله ها شكو ماكو مكال شي الدكتور
يسار:كال الدكتور دخل غيبوبه😔
احمد: ضليت اغلط على الولد الدعمه واسب بي هم واحد منكم كال لمي
يسار :على كيفك يخوي احنه بالمستشفى اي خابرت ملاك وكتله ع كيفج كولي لمي لا توكفين كلبه اشو هاي كامت صرخ كتله ولج ع كيفج ديري بالج عليه راح ادزلكم ياسر يجيب امي وسديته منها
احمد :ماشي هسه راح اخابر على ملك واشوف رحت خابرت على ملك كتله الوو ملك اسمع بس بجي مردت كلبي
ملك:من كالت ملاك حسام مسوي حادث اني وكعت وضليت ابجي على امي وعلى حسام رحت جبت مي على السريع وكعدتت وصلت صرخ وتبجي وجت ملاك كومتها وياي واخذته بغرفتها وبس تبجي ودك نح دخل غيبوبه منعرف شوكت يكعد
ملك:سوده عليه حبيبي بيه ولابي
احمد : اسم الله عليك حبيبتي روحي يلا دري بالج على امي وراح ادزلكم ياسر يجيب امي باي رحت على ابوي اتخربط واخذته للغرفه وشافه الدكتور صاعد ضغطه علكوله مغذي واجه يسار كعد يمه وطلعنه اني وياسر كتله روح جيب امي وتعال بس تبجي ملك دكول متقبل تاخذ علاجه
ياسر:اي راح اروح واجيبه وياي واجي يلا باي دير بالك على ابوي
احمد:الله ووياك ع كيفك من الطريق

عذراء:رجعت من الدوام شفت هوسه بابنه ضليت ارجف شكو وكف كلبي على ما وصلت للبيت طبيت شفت امي ومريم وهاله يبجن شكو احجو وكفتو كلبي
مريم:ولج الحكي راح الغالي وسكتت
عذراء:طبعن مريم تحجي وتبجي كولشي مفهمت منها صحت عليه ولج شكو منو الراح
مريم: ولج اموري داعم ولد وهسه بالسجن
عذراء:ولك لا تشاقين ما احب هيج شفت مريم
مريم:والله مداشاقه
عذراء:عززه بعيني وكعدتت ابجي وياهن ورحت لمي اواسيها كتله انشالله يطلع يمه لا تخافين عليه
امي:ولج شيطلع ابوج يكول اخو مبين شراني ويريد ياخذ حقه راح يسونها كعده عشاير يمه وليدي راح مني
عذراء: يمه على كيفج وياه نفسج مريم جيبي مي لل ماما جابت مي وشربته اخذنها لغرفته كتله ارتاحي يمه من يجي بابا اكولج اني يلا ارتاحي شويه
طلعت من امي ومريم والله بس يبجن رحت عليهن كتلهن كافي سكتن لا تبجن كدام ماما خطيه باعن حاله
مريم:ولج ليش مانبجي هذا اموري وضليت ابجي
عذراء: ولج كافي امي لا سمعج كوه سكتت روحي غسلي وتعاي صبي غده لماما راح اروح اسبح وابدل
مريم :ماشي كايمه
عذراء:رحت سبحت وشبعت بجي بالحمام خلصت طلعت بدلت ونزلت يم ماما شفت مريم تقنع بيها علمود تاكل
مريم:يمه فدوه اروحلج اكلي شويه لاتوكعين علينه
عذراء:يلا ماما لخاطر اموري اكلي شويه صدك اكلت شويه وراحت تصلي و تدعي يلطلع رحت غسلت الاماعين وكعدنه يم ماما 4 احنا البنات وهيا تقره قرأن وصوته يخبل وتبجي واحنه نبجي يمها اجه ابوي سلمنه عليه وكولش تعبان مبين كتله بابا راح اصبلك غده كال لا ما ااريد عفته على راحته ماما سئلته ع اموري
امي: ها ابو امير بشر شكالو وليدي شلونه عمت عيني عليه
ابوي:ماكوشي زين ابنج بس راح يبقه بالسجن وباجر راح انروح عليهم ناخذ شيخ العشيره ونروح نشوف شيطلبون
امي:كلشي اطيهم المهم اشوف ابني والولد شلون صار الدعمه
ابوي :دخل غيبوبه ماندري شوكت يكعد
امي:الله يشافي انشالله ويرجع سالم ويرجع وليدي انشالله
عذراء :سمعت ابوي هيج يحجي ورحت صليت ودعيت الولد يكوم بسلامه واخوي يطلع انشالله رحنه نمنه اني والبنات وكعدنه ثاني يوم ابوي اتريك وطلع للبصره واحنه على نار كاعدين