فصليه الضابط 😊🤗

بارت11

صباح الخير حبايب
الكاتبه :ام فادي😊😉

عذراء:صدك اني ناسيه الشهريه صار شهر ماكول عزززه بس لا حامل ضليت اكل بروحي صار العصر دزيت ولد من جوارينه كتله لادكول لحد وهاك هاي فلوس صدك جابلي وخفت اسوي خايفه اطلع حامل وشلون راح تكون ردت فعل احمد اخر شي عفته ع الله كلت تصفى طبيت لحمام سويتهه لزم يبقى 3 دقايق احسهن صارن سنين مرن 3 دقايق وشفت خطين صدك فرحت بس بنفس الوقت حزنت لئن احمد ابوه كلش مقهوره منه وحتى اذا كلي اسف هم مراح اسامحه وقررت ما اكله الي
ان اجه يوم عمي صاحني والولد كلهم موجدين من ضمنهم احمد صار لي شهر ونص مشايفته وجه كلش جان تعبان وماما هم وبيبي كاعده جاني يكول عمي
عمي:شوفي بويه عذور  اريد اكلج شغله بما انو حسام صار الحمد الله زين وصحته زينه قررت انو يا ترجعين للهلج يا تروحين نخطبج رسمي منهم
عذراء:اني كلش تفاجئت معقوله ما اصدك
عمي:بكيفج بويه انتي ع راحتج شوكت متحبين جاوبيني جاوبي
عذراء:بعدني بصفنتي جان احمد يعيط
احمد:صار شهر ونص ولهسه مشايف عذورتي ابد احسن كلش مشتاق اشوف عيونه العسليه ارجع منو الدوام الكه الاكل جاهز والملابس والغرفه تلمع وهذا ماكو الي ان اجه يوم كاعدين كلنا يم ابوي هذا الحجي بليل ابوي دز ع عذراء مادري شيريد كلبي مامرتاح اجتي ويالتيها ما اجت العطر قبله يطب وصوت الحجل يرن بالذان رن شفته وحسيت دكات كلبي كله تسمعه حجيت بيني وبين نفسي كلت راح يفضحني ابن الوادم😁 جان ابوي يكلها ترحين لهلج لو نجي نخطبج من اهلج هيا ضلت صافنه واني عطتت كتله يابه هاي الي فصليتي شلون ترجعه
ابو احمد:ولك شنو تعيط بوجهي زغير اني لاعبالك كل شي ما ادري لعلمك حتى النمله من تمشي ادري بيها خوش ولك
احمد:اعذرني يابه انفعلت بس هيا الي فصليتي ماترجع
ابو احمد:احمد لا تدخل يلا بويه جاوبي بكيفج ما اجبرج
عذراء:كلش خفت من صاح احمد كلبي وكف انوب اعتذر من عمي كلت لزم ارجع لحياتي الطبيعيه واني اربي ابني بيدي ما اكل ل احمد وهوه بس يخزر بيه   كتله عمي قراري ارجع لهلي
ابو احمد:انشالله بتي باجر اخذج لهلج ماشي بويه واريد اشوف واحد يمنعني طبعن احمد فقد ضل يصيح عليه
احمد:بت الكلب تردين ترجعين مو والله مترجعين وضليت اسب بيها واغلط عليه اخرشي طلعني يسار
يسار:شبيك يخوي هدي مو هيج هسه طب تعتذر من ابوي ودكله فصل واني البس خوش لا تخلي عصبيتك تخرب علاقتك حتى ويا اهلك مو كافي خسرت عذراء
احمد:ولك شلون تروح ماكدر بدونها ما ارهم
يسار:ياخي عوفه يجوز بعدين تحن الك تراها يمكن تحبك لا تستعجل ع زرقك
احمد:يلا ماشي امري لله طبينه جوه واعتذرت من ابوي كتله اسف بويه وبكيفه ترجع لو تبقى
ابو احمد:هاهيه البنيه تريد ترجع لهله كفت ووفت
احمد:ماشي يابه ع راحتك اني طالع طلعت من   البيت والدنيه طالعه من عيني كلش رحت كعدتت ع النهر واحس هموم الدنيا كلها ع راسي رجعت للبيت ساعه12
عذراء:رجع احمد اعتذر من ابو وكله براحتك طلع واحسه كلش ضايج رحت للغرفه واجاني يسار دك الباب رحت فتحته وابتسمت بوجه كتله ها يسار. محتاج شي
يسار :كلش انقهرت ع احمد رحت احجي ويا عذراء بكلي تحن عليه خطيه بس ولو السواه موهين
رحت لكيته الباب شافتني ابتسمت رديت البتسامه الها كتله تكدرين تجين وياي للحديقه
عذراء:ماشي يسار جايه وراك نزل  نزلت وراه كتله كولي يسوري محتاج شي
يسار: تسلمين خيتي بس اكولج بموضوع اليوم مال ابوي انتي مناويه تغيرين رئيج تره احمد
عذراء:قاطعته كتله يسار عفيه لا تكلي غيري رئيج لئن ما اكدر احمد كرهته ونزل من عيني السوه بيه مو قليل
يسار:ماشي خيتي ع راحتج ماجبرج بس ردتت اشوف مبيج مجال تحنين عليه
عذراء:لا والله كلش قفلت ع احمد تعذرني يسوري
يسار:ماشي ع راحتج رايح اني تردين شي
عذراء:لا خويه سلامتك رحت لغرفتي سبحت ولبست دشاشه لون اسود مخصر ومشطتت شعري وخليت عطر ومرطب ومسكاره وكعدتت الم غراضي شويه وطبن عليه ملاك وملك يبجن كتلهن شكوشصاير وكفتن كلبي
ملاك:ياحقيره صدك راح تعوفينه وابجي واشهك
ملك:ابجي واحجي صدك عذراء والله تعودنه عليج شلون منو النه بعد
عذراء:ضحكت ع منضرهم بس انقهرت لئن راح اعوفهم حبيتهم وحسبتهم مثل خواتي ولجن وكفتن كلبي امداجن
ملاك:شوف الكلبه ولا مقهوره ماشي ملك خل تولي
عذراء:رحت حضنتهم اثنينهم كتلهم لا زعلون والله هم اجي يمكم وكمت ابجي كعدنه لم بغراضي مو كلهم اخذتهم لئن هم عندي هناك بيت اهلي عفت نصهم خصلنه ونزلنه جوه اني والبنات كعدنه نسوي عشه ونذكر اول مجيت يمهم وكملنه وصبينه ورحت اسوي الجاي وعمي صاح عليه
ابو احمد:بنيتي تعاي تعشي ويانه اليوم اخر يوم يمنه ومالج شغل باحمد تعاي كعدي يمي خل اشبع منج والله حسبتج وحده من بناتي
عذراء:رحت بست راسه وكتله تسلم شيخ ماتقصر والله وانته مثل ابوي واعز رحت كعدتت يمه واكل واحمد يباوع عليه مدري شبي صارله فتره يلا خل يولي راح تخلص منه بس بنفس الوقت مقهره حبيته كلش بس كرامتي متسمحلي ابقه يمه لئن ادري مراح يتغير خلصت واحمد بعده يباوع عليه كمت اول وحده رحت سويت جاي واني اغسل ع السنك حسيت واحد وراي يسحب نفس من مكان ركبتي عرفته احمد من عطره يسطر جان يهمس باذاني
احمد: من اعتذرت من ابوي طلعت من البيت طالعه روحي كعدتت يم النهر شويه ورجعت للبيت جانت سوي عشه هيا وخواتي جنه فراشه تتحرك بالمطبخ رحت كعدتت بالهول جابو العشه وابوي صاح عليه راح كعدت يمه والله حسدتت ابوي هنياله 😅ضليت اباوع عليه ردتت اشبع عيوني منه نتبهت عليه هيا خلت وكامت بحجه الجاي اني كنت وراه شفته تغسل رحت وراها كلش بيني وبينه شعره همست باذائه بعدج ناويه ترحين
عذراء:كلي هيج وحسيت كلبي وكف كلت بس كافي اني انسانه قويه مو ضعيفه بعد مااضعف كدامه درت وجهي عليه واباوع بعيونه الضيعني كتله اي بعدني ع قراري انته مودكل ماريد اشوف وجهج هايه لعد بعد متشوف وجهي حسيت صار نار عصبي
احمد: دارت وجها عليه واباوع ع العيون يموتن شبيه ضيعته من ايدي كالت هيج وحسيت بخطئي كلش ائذيتها كلش ضجت من نفسي خليت وطلعت من البيت وحت يم جماعتي شويه غيرت جو
عذراء:طلع ومبين ضايج خلي احسن السوه بيه مو قليل  خصلو وصلت الاماعين وغسلتهم وصعدتت بغرفتي رحت سبحت ولبست دشاشه قصيره لون احمر وخليت عطر ونمت بفراش بالكاع اليوم اخر يوم انام بهاي الغرفه اني دافكر وانفتح الباب شفت احمد ضل صافن عليه كلش خجلت منه مدرب ليش هيج يباوع جان يكول
احمد :رجعت للبيت صعدتت بغرفتي جان الشوف الضيم مالي لبسه الاحمر وهيا تضوي بت الاوادم كتله ها شو اليوم هنا
عذراء:ها ماشي اسفه راح اطلع ردتت اطلع جان يجرني من خصري
احمد:رادتت تتطلع وبهذا لبسه واحنه عدنه ولد بالبيت كتله وين طالعه هيج
عذراء:ها اسفه يلا هذه ابدل واطلع بس عوفني
احمد:واذا ماعوفج شسوين
عذراء:احمد عفيه عوفني اريد انام
احمد:اسمي بشفته يخبل كتله لا متطلعين تعالي نامي اشاقه وياج
عذراء:رحتت نمت بدون نقاش لئن صدك جنت تعبانه رئسن خفيت من النعاس
احمد:اشو هاي كتله روحي كبل راحت نامت يلا احسن علمود اخذ راحتي رحت بدلت ملابسي لبست بس. بجامه ونمت ع الجربايه اني تفكر بيها شلون راح تعوفني رحت حضنته ونمت شميت عطره وهذا ابد نايمه ولاتحركت طبعت بوسه ع شفته خفيفه علمود متكعد خفيت وهيا بحضني

مريم: كمت بين فتره وفتره اخابر ع عذراء واطمئن عليه مرات يطلع يسار واسلم عليه ويطيني عذراء لو مرات بالدوام اخابره ومن يرجع تخابرني عذراء بوكتها بليل ١١ساعه وخابرت عليه كتله باجر النتائج مالتنه
عذراء:يا عمري انشالله التخرج واحسن محاميه انشالله
مريم:يا كلبي  متئكده تعبي مراح يروح كله هذا علمودج والله قريت وتعبت علمود متروح تضحيتج اليه هيج
عذراء:ماشي حياتي تتهنين انشالله يلا باي هم اخابرج
مريم :ومرات يراسل يسار وسئل عليه بحجت عذراء واني احس بديت اتعلق بي اذا احجي ويا ارتاح اذا ماكو يختفي كلبي يضل يعلب ماكو اخبار منه كعدت اصبح نشيطه والنتائج طلعت وطلع معدلي 90 كلش فرحت ابجي و اضحك اتخبلت تعبي مراح ع الخالي بلاش خابرت ع يسار ردتت احجي ويا عذراء جاوب عليه وكتله
يسار : طبعن طول هاي الفتره اتراسل ويا مريم وكلش اتعلقت بيها وحبيته من كل كلبي اذا احجي وياه احسن تسمع دكات كلبي هلكد ماقويه جنت بالدوام الاصبح خابرت عليه وتبجي وتحجي وكفت كلبي عبالي صار شي صحت بيه كتله مرررريم فهميني شكو وكف كلبي والله
مريم:عاط بيه انخلست وجمعت دموعي بعيوني كتله اسفه ازعجتك باي
يسار:يمكن انقهرت من صحت بيها كتله اذا انسد الخط والله هسه اجيج
مريم:هذا مخبل يسويه كتله اريد عذراء
يسار:اني بالدوام من ارجع بس كولي ليش تبجين
مريم:ها ماشي لعد ردتت اكوله طلعت النتيجيه ورجعت ابجي
يسار:كلت طلعت راسبه وكتله شنو معدلج
مريم:هاا معدلي90 وكل لعذراء مريم سلم عليج دكول مراحت تضحيتج
يسار:هسه اذا انتي يمي واشبعج كتل احد يكلي ليش
مريم:ليش شبيه اني سويت😏
يسار:معدلج 90 وتبجين
مريم:هاي دموع الفرح استاذ يسار.
يسار:كلت بكلبي اروح فدوه الج اني وعشيرتي كتله الف مبروك انشالله اشوفج بالعلى المراتب بس شتحبين كليه شنو
مريم:تسلم يسار الله يبارك بيك اصير محاميه
يسار:كالت محاميه وعقلي طار شلون تفوت بين ولد وهوسه الماحكم كتله شعجب محاميه
مريم:اني من جنت اصغيره اريد تصير محاميه واساعد الناس
يسار:ها الف مبروك مره ثانيا ومن ارجع اكول لعذراء
مريم:تسلم متقصر واسفه اخذت من وقتك
يسار:لا عادي يلا باي سديته منه واني حاير بشغله من كالت مراحت تضحيتج هيج ضليت وكل بروحي كلت من ارجع اسئل عذراء صدك رجعت من الشغل اتغديت وسئلت عذراء كتله عذور تعالي احجي وياج بالحديقه
عذراء:صاحني يسار كلته اي جايه وراك رحت وراه جان يكلي
يسار:عذور خيتي اليوم اختج خابر وكالت سلملي ع عذراء طلع معدلي 90 وراح ادخل كليه محامه
عذراء:صدك والله وضليت ابجي واضحك صدك يسار
يسار : اي والله ما اشاقه يمعوده شبيج تبجين
عذراء:هاي دموع الفرح كمل يسار شكالت بعد
يسار :وكالت مراحت تضحيتج ع الخالي بلاش
عذراء:ضليت ابجي كتله مو هيا رادتت تجي فصليه اني ماخليته
يسار:كالت هيج انصدمت ماكو هيج اخت تضحي بمسقبلها كتله لا تبجين خيتي بست راسه بس مجرد تخيل هيا مرت احمد اتخبلت همزين عذراء مرته
عذراء:باس راسي يسار وكتله مشكور ماقصرت معروفك ابد ما انساه بس كول شتريد واني حاضره
يسار:صدك جذب عذور انتي وحده من خواتي بس مو هسه تردين معرفي من اكلج اني يلا وضليت اضحك عليه😁
عذراء: ضحكت ع كلامه وكتله اي انشاالله حسيت يقصد مريم رحت طبيت جوه. هوه طلع

عذراء:كعدتت اصبح وشفت احمد نايم...؟
😣💔

ايام ممله،😔
ومستقبل مجهول،😰
ونوم غير منتضم،😓
جسد مرهق،😷
وامنيات تترتب تحت الوسائد،😭
و الايام تمر ولا شيئ جديد😔💔