مراهقتي

الجزء 01

.....:ي ماما اسرعي ياخ الليله اول يوم

......:استني دقيقه ي ميار خلاص خلصت

ميار:طيب اسرعي شويه سمسم الترحيل لو فاتني ماف زول حايوديني

سمسم (ساميه):متخافي لو فات ابوك بوصلك انت ونسمه سوا

............................

هاي هاي🌝♥انااسمي ميار وحابه احكي ليكم قصتي طيب انا ميار محمد😉✨(يلا نوصف ليكم نفسي ماطويله وماقصيره متوصته يعني♥وشعري طوويل لي نهايه ضهري واسود لكن بحب اللمو كعكه برضو وعندي شامه في خشمي🤤🖤ولوني اسمر فاااتح🖤)وعندي اخت وحده نسمه😪💜بحبها زي عيوني😻وعندي ماما (سمسم)🙈💜اتعرفتو عليها طبعا فوق وبابا (محمد)اجمل زول في حياتي😻💜بحبو شدييييد اكتر زول فاهمني وبحبني♥

طيب قصتي بتحكي عن تجربتي في الحياه وطبعا الليله اول يوم لي في الثانوي امتحنت شهاده اساس السنه الفاتت وجبت 250وطبعا سمسم زعلت مني شديد لانو كانت متوقعه اكتر لكن بابا حبيبي فرح شديد وكافئني بي ايفون 4 (طبعا الزمن داك شي رهيب😂🖤)يلا نسمه ممتحنه شهاده طبعا نسمه اختي وصحبتي واقرب زول لي وبير اسراري 💜يلا نوصف ليكم نسمه (اول شي اطول مني حبه♥وشعرها طووويل زي🙈💜ولونهااسمر مني حبه برضو وعندها شامه في خدها وعيونها سودا وشعرهااسود )برضو يلا هي سمحه بس الناس دايما بتقول انااسمح🙈♥بس دا حياتو مااسر بين علاقتنا كااخوات لانو معظم الاخوات عندهم مشكله في النقطه دي انو انت اسمح وانااسمح وبكون في حقد بينم!

يلا نرجع لي قصتنا

..........................

يلا الترحيل جا واناونسمه شلنا حاجاتنا وطلعنا كنت متحمسه شديد يلا نسمه عكسي تماما كانت ممتحنه شهاده واصلا قاعده في الثانوي طول يعني مافارق معاها

انا:نسوم نسوم اناطااايره من الفرح ياخ😭💜

نسمه:عايني حبيبتي اول شي حاتفرحي وتنبسطي بس تاني حايبقى ليك حار لكن لازم تهتمي بي دراستك ومستواك وماتصاحبي اولاد كتار(يلا طبعا مدرستنا مختلطه)وتحاسبي منهم لانهم اغلبهم بتاعين لعب وماتكوني علاقه حب اسي الا تكوني واثقه من الولد طيب حبيبتي💜والبحصل في المدرسه ماتحكي لي ماما وبابا للنو حايطلعونا من المدرسه😹💜وقبل تخلص كلامها قاطعتها

انا:كيف كيف يعني😢

نسمه:يعني في مشاكل وعلاقات وحاجات بتحصل مالازم تحكي بيها ليهم طيب

انا:اها لالااكيد😌

نسمه:عارفاك حاتحكي لي بابا بي اي شي🤦🏻‍♀💔

انا:لالا ياخ معقوله😅

نسمه:نشوف🐸

انا:واي دقيقه الليله حااشوف خالد يعني 😻(للمعلوم خالد حبيب نسمه)