السلاااااااااام عليكم
شلونكم بنات اخباركم مفتقدكم حيل ما اعرف اذا انتو كذلك
بإذن الله هذا اول بارت
من "والليل إذا عشق"
الي اطلبه منكم تفاعل قوي لان الروايه قويه جدا
ورح تعجبكم وتختلف عن
" شفق في سماء القلوب" اختلاف جذري صح مثل ما تعودنا ع الضحك والهبال والفرفشه
لكن هنا بطريقه مختلفه طابع مختلف
رح تشوفون الوجه الثاني للدنيا
الجيد رح يكون قليل والسيئ رح يكون بنسبه غير متوقعه
رح تشوفون كيد حواء وذكاء ادم
رح تشوفون ضعف حواء وقوه ادم المتغطرسه
رح تشوفون حب ادم لحواء وغرور حواء تجاه حبه الها
روايه قويه امضيت وقت طويل واني ارتب احداثها
نبلش
صلو ع النبي وسمو
ولتنسون هاي☆موجوده تحت 👇🏻
نيار: شموخ جهزتي الجوازات
شموخ: نيار هاي ثالث مره اعيدها جوازاتنا العشره خليتها والهوايه وشهاده الجناسي والبطايق وحتى كرتات اللقاح حطيتهن ههههه
سبع: شموخ عاد كلشي الا كارت اللقاح الله يخليج لقاحي مال الولاده لازم اسوي هههههه
البنات يضحكن على سبع الي حتى بالمواقف الصعبه يمزح
نيار: سبع جهز جنطتك وجيب جنطه جدي وامي وجنط البنات شبل تأكد من كلشي ولتخلي البوب مفتوحه ماري فرشتي المفارش القديمه برى
ازل: فرشتهن اني كلشي تمام السايق ايمت يجي
معتصم: السياره بالسبعه ونص عالباب من هسه الي اسمع صوتها اخليها هنا واروح ماكو لاهمس ولا اسمع نفس غزل حضري علاج السفر وكيس الادويه مالت جدي ومالت يوم لتنسيهن وحضرن كياس لان اعرفجن فضايح بالسياره
غزل: كلشي جاهز بجنطتي مالت اليد
شبل: لتكثرون جنط وهوسه اخذن ثنين والبقيه خلوهن بالكبار مالت السفر
شموخ: لالا بس غزل اخذت الجنطه لان هي جنطها مناسبه خلينا الجوازات والاوراق والعلاج والكياس
طلعت جده
: يمه نيار وليدي جدك يكول لاتنسى المي
نيار: لا امي مو ناسي
شاف الساعه
طلع للباب
صلينا المغرب وكفنا بالصاله الي فرغناها تماماً قبل يومين البيت جان مليان اثاث بس
الولد اخذو الاثاث وطلعو للبر او بالاحرى للصحراء عدنا هناك مشتل وبيت خلو الاغراض وماري وغزل راحن وياهم عزلوهن وقفلو البوب وطلعو
الدنيا ضلمت شفت الساعه ثمانيه ونص
طلعنا للطرمه شفتهم مدخلين السياره للبيت سفطو الغراض او بالاحرى الجنط وخلو عليهن جادر لحتى مايبينن
طبعا الجنط هي جنط كتف حتى ماتكون ثكيله علينا
كل واحد اخذ وحده بس اني جنطتي اخذتها اكبر وحده حطيت بيها ملابسي وملابس سبع وملابس وماري لحتى هم يشيلون جنط جدو وامي
أنت تقرأ
والليل اذا عشق
De Todoالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
