ضحكتني وبكيتني شربتني من كأس سمومك وعيشتني بدنيا ثانيه

البارت 15

مسك كانت جالسه بكل هدؤ وتراقب خواتها الي يلعبون مع الاطفال
وكانت جنبها وحده عجوز
العجوز:انتي جايه لحالك
مسك:لاجايه مع خوآتي
العجوز:لاحول ولاقوه الابلله هذولا خواتك المريضات
حزت بخاطر مسك:وسكتت
العجوز:وين امك
مسك:آمي متوفيه الله يرحمها
العجوز:ياويل قلبي الله يرحمها,وابوك
مسك:الله يرحمه
العجوز:انتم مع مين ساكنين
مسك الي توهقت مع هالعجوز الملقوفه:في بيتنا
العجوز:ومن يصرف عليكم
مسك:راتب الضمآن ومكافأتي
العجوز:ماعندك اخوان
مسك:لا
العجوز:وخوات صاحيات
مسك انقهرت:ليش ياخاله شايفتنا مجانين
العجوز:لايابنيتي ماقلت شي قصدي خوات اكبر منتس موب مريضات
مسك:لا
العجوز:يعني انتي الي قايمه في البيت
مسك:اي
العجوز:كم عمرتس يابنتي
مسك:عشرين
العجوز:شايله كل هالهم وانتي صغيره انا بنتي الصغيره عمرها خمس وعشرين وماتعرف تدبر نفسها
العجوز:انتي متزوجه
مسك:لا
العجوز وتشرب قهوتها:طيب ماعندكم قرآيب
مسك:لا مقطوعين من شجره
العجوز وبدت تمسح دموعها :والله ان حالتك صعبه,اقول يابنتي حنا جدد تونا ساكنين بالحاره انتم وين بيتكم
مسك:بيتنا قريب ولونه ابيض وجنب البقاله
العجوز:اي انتم الي بيتكم صغير هذا جنب بيتنا يعني انتم جيرانا
مسك بداخلها قالت (عزالله اكملت)
العجوز:المفروض ماتطلعين من البيت انتي توك صغيره وخواتك تراهن حريم بس مالهن عقل ريجيل بيطمعون فيكم
انتن لاوالي ولااحد عندكم
مسك:غلطانه ياخالتي ربي موجود ولانسيتي
العجوز:ونعم بلله ,بس يابنتي هالزمن يخوف واحنى قبل لانجي هنا سمعنا انهم اغتصبو وحده في الحاره وبعدين ترى هالحاره سمعتها ميب زينه وتخوف انا مارتحت لها
انقبض قلب مسك وحاولت ماتبين شي للعجوز
العجوز وتأشر :شوفي هذا ولدي فارس ماشاءالله عليه ممرض كان لابس قميص ازرق وقبعه وابيض البشره وحاد سكسوكه ويلاعب الاطفال
مسك:ماشاءالله
العجوز:عمره ثمان وعشرين ,ومطلق وهذولا ثنتين بناته
مسك:الله يخليهم له
العجوز:والله انها ماتستاهله ولدي طيب وقلبه ذهب ووووو,,,,,,الخ
‏****************************
طلال الي طفش من سكوت محمد الي بس ساكت ويسوق
طلال :محمد نزلني البيت انا طفشت
محمد:اوكي
‏***********************
رودين:قلتلك لا وخلصنا مابدي اتجوز يعني مابدي
ام رودين:شوبيكي ليش منفعله هيك ابوكي اتصل وقالي انو شاب وغني وهم عائله معروفه
رودين:مابيهمني مابدياه
ام رودين:لايكون لساتك بتحبيه لطلال
رودين:ماما بليز خلاص سكري الموضوع
مسكت الام يد رودين:طلال بتشيليه من مخك فهمتي
سحبت رودين يدها بقوه من امها:اوووووه اتركيني بحالي
الام بغضب:الله ياخذه طلال وياخذك معه
‏********************
طلال الي كان منسدح بسرير ويفكر بكلام مسك(عالاقل اعترف بولدك)
حك شعره وهو محتار شاف ساعه كانت12اليل وجت في باله فكره عشان يخلص نفسه من الحيره
‏*************************
كانت مولعه شمعه وجالسه تذاكر
شافت جوالها كان عندها فوق الميه مس كوول من عند وليد
وراسل حوالي ميتين رساله
وقرت احدها(مسك ممكن نتفاهم)
‏ (عالاقل ردي عالجوال)
‏ (طيب طمنيني عليك انتي بخير)
‏(انا أبيك في موضوع)
‏(انا في الطريق الحين وبجيك)
شافت اخر رساله كان مرسلها له خمس دقايق
مسك:هذا من جده يبي يجي لهنا,انا ناقصه فضايح
ركزت في جوالها وكانت تشوف ظل منعكس بالشاشه ,لفت راسها بصدمه
وكانت تبي تصرخ بس حط يده في فمها