كانت عيون بركان تتامل المكان بعجب وبالاثاث وشكله الغريب والمميز شاف الصالون بس اكبر من بيتهم عشر مرات حك راسه باستنكار معقوله انا ولد عز وعايش عيشه عيال الفقر
ام سعود:وين اختك مرجانه واخوك طلال
بركان :مرجانه في بيت جدي وطلال مع ربعه
ام سعود وتمسح دموعها:اااه ياقليبي ماني مصدقه ياوليدي انتم حيين واحنا الي نحسبكم متم والله ماخلينا مكان الاودورناكم فيه وسكتت فجأه وقالت وراك نحيف ياوليدي ماتاكل
بركان حس باحراج من جدته من اول ماجاء وهي تعيد نفس الاسطوانه طفش منها ابتسم لها:وشلونكم وشخباركم
@@@@@
//
//
فهد وحس نفسه شخصيه هامه كل شوي يبخرونه ويقهونه ويتهاشون يبون يعزمونه
رجال الاول:والله حلفت عليك ان غداءك بكرى عندي قل تم
الثاني:لاوالله ياعبسي والكل شاهد انا عزمته قبلك
عبسي:انا عزمته قبلك وانا اكبر منك ياصداح
وشوي يقومون يتضاربون ع فهد
فهد:لاوالله الله يسلمكم بس انا ماش اليله
براري بغضب:لاعلي الطلاق ماتمشي تبات هني اليله
فهدحس بقله حيله وسكت
دخل طفل صغير عمره سنتين قام يتعبث بالاغراض
واقترب عند شاب صغير وشاله براري هذا سميك يافهد اسمه فهد وهذا ابوه مصلح
فهد باستنكار :ابوه صغير,كم عمره؟
براري:وش صغير اسكت لاتصير علوم رجال من ظهر رجال عمره خمس طعش
فهد بتعجب:ماشاءالله عمره خمس طعش
براري:اي بلله وعنده زوجتين
فهد بنفسه يعقب يالبزر زوجتين بعد هذا عندنا الي كبره يتفرج في mbc3
ابوبراري:اقول ياولدي انت متزووج
فهد بنفسه يمكن يزوجوني وناسه:لاماتزوجت
ابوبراري:وراء؟؟
فهد:والله اكمل دراستي
كل الي بلمجلس التفت ع فهد بتعجب
واحد بسخريه قال:ههه يكمل دراسته قال
واحد شايب:وشتبي بدراسه ورق مهوب نافعك ارعي غنمك وطلب رزقك خلك رجال
واحد:مهوب من ثوبنا ذولي عيالي المدينه خكاريا
فهد:؟؟؟
برآري:عيب عليكم ياربع ذا ضيفنا وعادتهم غير عادتنا
ابوبراري:ماعليك منهم ياوليدي
@@@@@
//
//
رسمت حواجبها وعدلت شعر ها المموج وحطت روج خفيف
عضت شفاتها سفليه اكيد وليد ع وصول
نزلت رهف مسرعه
ام سعود:تعالي يارهف شوفي من عندنا
رهف بتعجب:من عندنا؟؟
ام سعود:هذا بركان ولد سعود
رهف:همممم؟؟
ام سعود:اي يابنتي سعود لقى عياله فلذه كبده
رهف تجلس وتحط المخده بحضنها :وشلوووووون لقاهم؟؟
دخل وليد البيت وهو يدندن
ام سعود:وليد حياك ياولدي
اقترب وليد وهو مبتسم وعيونه ماشالها عن رهف
ردت له رهف الابتسامه مع خجل مصطنع
حب راس جدته:وشلوووونك يمه
ام سعود:شوف من لقينا
التفت وليد وبصدمه:بركان
بركان:وليد؟؟
ام سعود :وليد انت تعرف بركان من قبل؟
وليد حس بتوتر :هاه لا ماعرفه بس كان مريض عندي
سكت بركان وبنفسه الحقير
وليدبنفسه قطيعه وش طلعهم ذولي
وليد:انا بطلع فوق ارتاح
ام سعود:وشفيه هذا
رهف:اكيد جاي من دوام وتعبان مسكين طول يومه بدوام
بركان بنفسه بلاكم ماتدرون طول يومه في حارتنا مقابل مسك
ام سعود وتطالع في بركان:وشلونك شخبارك قول ياولدي تبي شي لاتستحي
بركان:لاابي سلامتكم
ام سعود :ياحليلك صرت رجال يابركان من زمان اخر مره شفتك كنت طول يدي
بركان:ههههه
ام سعود:هات رقم طلال يجي يتعشى معنا
بركان ان شاءالله رقمه 05********
@@@@
//
//
محمد:طلال والله كان سوء تفاهم
طلال بدون نفس :خلآص حصل خير
محمد:انا كنت جاي اتفاهم بس فهد الله يهديه تعرفه زين ناري مايتفاهم
طلال:اوووف قلت خلاص صدعت راس ابوي الي جابني ترا
محمد:لاتنفخ انا قاعد افهمك سالفه
طلال:اقول حل عن وجهي حسلك واخوك رحمته ماذبحته بس ياويله لوصار لخوي شي
محمد:واخوي وينه الحين
طلال:بلابشكله في جهنم
محمد:وشبلاك انت وين وديت اخوووووي
رن جوال طلال
طلال:اوووف
محمد:رد يمكن وحده من معجباتك
طلال عطا محمد نظره يعني مالي خلق لك ورد بدون نفس:هلا
جاه صوت مراءه كبيره بسن:طلال؟
طلال:سم
ام سعود وتبكي:اااه ياوليدي وشلونك وشلون صحتك وكيف امورك
طلال باستغراب:الحمدلله ,انتي مين
ام سعود:انا امك
طلال حس نغزه بقلبه :امي؟؟
ام سعود:جدتك ام ابوك
@@@@@
//
//
صحت ريتال حست جسمها مكسر لقت نفسها داخل مقبره قامت وهي مرعوبه طلعت من المكان وشكلها كان مرعب كلها غبار دارت عينها حول المكان مافيه غير القبور ركضت زي المجنونه وهي ترتجف فتحت باب بيتها وحست بالم فظيع بمعدتها وبدت تبكي انتبهت ان ملابسها كلها دم ريتال خافت عرفت ان فيها نزيف مسكت بطنها حست بمغص شديد ودها تبكي من الالم بس خايفه يجي فواز كانت تبكي بصامت
حاولت تزحف ماعندها حل غير انها تتصل ع امها تبي تساعدها دخلت الغرفه تبحث عن تلفون جوال اي شي فتحت درج انصدمت لقت مسدس حست بقشعريره بجسمها :مسدس؟؟خافت ع نفسها واخذت المسدس وخبأته وانبسطت يوم لقت جوالها بدون تردد اتصلت ع امها
@@@@@
//
//
مسك كانت جالسه ومعها العجوز جارتهم
العجوز:الحين ليه محمد مايحطلكم بيت زين وليه ماياخذ زوجته
مسك:ياخاله مانبي منه شي
العجوز:وشذى الحتسي ذا حقها شرعي النفقه يعني رجال بالاسم
مسك وتنهدت:عندنا الله وهو مو مقصر يشتري حليب وحفاض لبنته
العجوز وتكش ع مسك:انتي تربين بنته وهو ولادرى عن داركم عايش حياته طول وعرض
مسك ضحكت ع عفويه العجوز :ههههه وباست مسك الصغيره اروح فدوه لعيونها زرق انا
العجوز:والله الكلام معتس انتي ضايع
مسك:ههههههه
أنت تقرأ
ضحكتني وبكيتني شربتني من كأس سمومك وعيشتني بدنيا ثانيه
Romantizmرواية سعودية منقووووله . . للكاتبه مارلين مون
