عشقت مجنونة (الجزء الأخير )

الحلقة السادسة عشرة ⁦♥️⁩

الحلقه السادسه عشرة ..⁦⁦♥️⁩

عمري اللي فات وانا جنب عينيك خلاني صعب اكون غير ليك ...⁦♥️⁩

دلف ادهم الي المنزل بعد عناء يوم طويل في العمل ...

ندي بمرح وهي تستقبله ...: حبيبي الدكتور اللي جايب معاه الكورونا ... ها جبتلي الشوكولاته ...!

ادهم بغضب وهو يرمي في وجهها الشوكولاته التي طلبتها منه بإستمرار وهو يعمل ... : مسمعش صوتك تاني وانا بشتغل مترنيش عليا ...

ندي بضحك ...: يا عم اقعد قال يعني انت بترد عليا دا كل فين وفين عقبال ما تخرج من اوضه العمليات وتعبرني ...

ادهم بضحك ...: مشغول يا جموسه دكتور قلب هكون فين يعني ....

ثواني وجاءت صفاء لتردف بخبث ...: جهز نفسك يا دكتور ... الاسبوع الجاي هنسافر القاهرة عشان هنخطبلك زي ما اتفقنا ...

ادهم بصدمه ...: ايييييييية ...!!

الام بخبث وبعض الغضب ...: ايه مالك مستغرب ليه ...!! مش دا اللي اتفقنا عليه ...!

ادهم وهو يومئ بغضب شديد مرات متتالية ...: ماااشيييي اللي تشوفيييه ...

قال ادهم جملته واتجه بعيداً الي غرفته ...

الام بخبث وابتسامه ...: مش عاوز تعرف دي مين طيب ...!!
ادهم وهو يكمل سيره بعدم اهتمام ...: مش مهم ... اهم حاجه اخللللص من أم السيره دي ...

قال ادهم جملته ودلف الي غرفته بغضب شديد وتوعد بأن يجعل تلك العروس التي اختارتها والدته تكرهه وتبتعد هي عنه ...

وعلي الناحيه الأخري في الصالون ...

ندي بمرح ...: برافو يا ماما طلعتي ميه من تحت تبن يا حجه سوسو ...
الام بغضب ...: اتلمي يا بنت الجزمه ... وبعدين يا بت تعالي هنا ... انتي كمان غصب عن عين اهلك هتوافقي علي الدكتور اللي متقدملك  ...

ندي بمرح ....: بس انا يا ماما حلم حياتي مش دكتور ... انا نفسي ارتبط بسرسجي يقول لصاحبه انت صاحبي وهي شرفي ... نفسي ارتبط بحسن شاكوش عشان  يقولي نوتيلا ملكه جمال اسم الله ... لكن دكتور .... يععع دكتور ايه علي رأي عادل شكل ... انت دكتور طب تعالي اكشف عليا هههههههه

الام بغضب شديد ...: بتتتت بتتتت متشلينيييش ... هتوافقي عليه ورجلك فوق رقبتك ...

ندي بغضب اكبر ...: ماما دا واحد عصبي ومبيضحكش انا عاوزة واحد فرفوش وبعدين انا هتجوزه هو ولا هتجوز وظيفته ومركزه ...و

الام بمساسيه ...: يا عبيطه ... يا عبيطه دا اسلام مفيش اجدع منه والله الواد دا من وهو صغير وهو شجاع وبيفهم وبيضحك وبيهزر مع كل الناس  ... ممكن لما كبر مبقاش بيضحك وبيهزر لكنه فيه كل الصفات الحلوه يا بنتي والله ...