طيب قبل ابدا الحاجة دي ... انا حا اكتب كل شي حاسي بيهو هنا عشان تكون خالدة امكن هي تقراها في يوم من الايام ولو قريتيها صدقيني انا ما كنت عاوز منك شي غير انك تكوني مبسوطة ... طيب اجيكم لي انا ...
انا محمد .. شاب زيي زي كتير من الشباب قمت لقيت اهلي مغتربين .. ما شهادة عربية لاني امتحنت في السودان ودخلت الجامعة ومشيت لاهلي في الامارات...
انا الولد الكبير تحتي في بت وتاني ولد واخر العنقود بنوتة حلوة عاملة حس في البيت .. انا حرفيا اخواني ديل ربيتم انا ابوي اعتمد علي في الموضوع دا اعتماد كلي وانا الحمد لله ما قصرت ...
من ايام الثانوي دخلو في حياتي بنات كتار حبيت كم مرة انا زاتي ما عارف لكن كانو كتار الصراحة .. والحب ما بالمفهوم داك لكن كان بالمفهوم بتاع المراهقة مزة وخلاس بس ...المهم مرو مرور الكرام لحدي ما جات واحدة اسمها اسراء وقتها كنت في اولي جامعة دي كانت رغم فترتا كانت بسيطة ( ستة شهور ) لكن اتعلمت فيها يعني شنو احب ويعني شنو انا اكون مسؤول عن زول يعني شنو تفاصيل الزول دا مهم بالنسبة لي اتعلمت معاها انو انا وهي بنحب بعض ما معناها اقول ليها كلام حلووو واتغزل فيها بس لا لا .. اتعلمت اعيش معاها تفاصيل الحاجة دي اتعلمت انو اي زول عاوز اسعد زول الحاجة دي في يدو مهما مانت ظروفو اتعلمت انو مهما كان انت لو عاوز زول بتقدر تصل ليو ...
انفصلنا لاسباب غريبة وما مفهومة لي لحدي الان رغم اني كنت مخلص جدا في الحاجة دي لكن قدر الله وما شاء فعل ....
بعدها في سنة تالتة جامعة جات فاطمة ... فاطمة دي محتاجة صفحات براها عشان احكي عنها لانو الاتعلمتو عند اسراء طبقتو عند فاطمة...
انا حا احكي عن فاطمة دي في قصة منفصلة بي زاتا خصوصا انها كانت اطول فترة انا عشت فيها قصة حب واتعزبت فيها وبعدها كفرت بالحاجة دي ....
المهم برضو لاسباب انا مقتنع بيها انفصلنا لاني جد قرفت ...
بعدها جات روان ....
روان انسانة طيبة وعاوزة تعيش ..
مسكينة بي طبعا وزولة الله ساي ....
في دي انا كنت فليل ادب ما لعبت بيها بس كنت عاوز اكسر الحاجز العندي دا من الموضوع دا وصراحة ما قدرت فطبيعي ننفصل بي اني راجيها ترسل لي وهي راجاني ارسل ليها ... وانتهت علي كدا ...
وانا من اللحظة دي قررت اني م حا احب ولا عاوز احب قررت اني اتجه لحاجة تانية ...
قررت اني احاول اسعد زول تاني طالما انا فاشل في اني اسعد نفسي .. الحاجة دي انا نجحت فيها نجاح شديد رغم انو في كتار بفهموها غلط الا اني والله م شغال بيهم اي زول عاوز افهم شي الافهمو .... لكن برضو كانت بتبعد مني ناس .. في الاخر ما لقيت غيرا هي .... معاها هي انا ختيت كل مسمي العلاقات علي جمبة وركزت معاها هي ومع ضحكتا ...
طيب انا اوريكم عرفتها كيف ...
احنا قرينا جامعة واحدة وتخصصاتنا مختلفة سبب تعريفي بيها هي كانت نشاطات الجامعة ... المهم انا اتخرجت قبالا ومن ديك بدينا نتعمق ...
يتبع .....
