ضحكة عفراء دي دي من الحاجات الانا بتميز بيها ... ما تسالوني كيف بس ضحكتا دي ميزة عندي ... انا اي زول عارف علاقتي بيها عارف اني بحب ضحكت عفرا لدرجة بعيدة ... لانها مقياس لكل حاجة عندي ..
عفرا عندها كمية من الضحكات ...
انا حافظم كلهم .. بقيس مودا بي ضحكتا ...
انا حا احكي عن ضحكاتا ..
اول ضحكة دي ضحكة المجاملة ودي في الغالب بتكون صغيرة ومداها صغير وبتجي عابرة ...
التانية لمن تكون مشغولة بي حاجة ودي بتكون بطيئة وغالبا ما بتكون ظاهرة ..
التالتة لمن يكون المود بتاعا حلو وتضحك ... ودي من الضحكات الحلوة شديد ...
الرابعة الضحكة البتجي في الونسة وغالبا بتكون فيها طعم تاني ... ودي اكتر واحدة بتضحكا عفرا وغالبا انا كنت بطش من الكلام لدرجة اني بعيد الفويس نوت اكتر من مرتين عشان اقدر اركز هي قالت شنو ....
اما الضحكة الاخيرة دي انا بشوف فيها اعظم انجاز انا ممكن اصل ليو ...
بشوف فيها كل الجمال لدرجة اني والله بسبح بحمد الله من جمالا ...
شوف كل الدنيا كوم وضحكة عفراء دي كوم تاني ..
الضحكة دي لمن تكون منفسنة وانا اقدر اطلعا من النفسنة دي ... انا بحس باني والله ملكت كل حاجة ...
الضحكة دي بتجي من جواااااا لدرجة انو مداها بكون بعيييييد ... وعميقة لدرجة بعيدة شدييييد ...
ضحكات عفراء والله كتااااار وانا لو ح احكي عنهم ليوم الدين ما حا اكفي...
باقي الضحكات خاصة بي انا ما حا احكيها لزول بس حا احكيها ليها هي لمن تقراها ... وانا والله ما عارف حتقراها ولا لا ...
يتبع...
