حب في زمن الكورونا

البارت الأول

اني اسمي سيدرا من بغداد عمري ١٩ سنة ادرس بكلية طب حلمي اصير دكتورة باطنية احنة حالتنة الحمد لله طاكين 🙏 عدنة خير من الله ع حظي هاي السنة كولشي مشفت خير من دراستي صارت المضاهرات وراهه اجة الوباء فة مكدرت اداوم ابوي مقبل خاف علية من الأوضاع فة قررت اروح اساعد المرضى المصابين بكورونا طبعاً بأصرار قوي كدرت اروح وبوي ماخلاني بس قنعتة.. وني بنتة الوحيدة
احنة عائلة متكونة من امي مروة وبوي ثائر وخوي رضا وني 😊.. اخوي رضا عمرة ٢٥ سنة عايش بخارج العراق بتركيا بسبب الأوضاع الرديئة الدتصير.. لذالك اني البنت الوحيدة والمدللة لبوي.. اني قزومة طولي ١٥٠ وزني ٥٠ وشعري كلش طويل 😌وشكرة شعري مايل الصفار وعيوني زرك 😍.. يعني شكلي كولش كيووت او مو محجبة لان ما حب الحجاب 😐
من الأوضاع تأزمت بسبب كورونا قررت اروح اساعد المرضى المصابين كلت هم اساعد هم استفاد من المعلومات الطبية داومت بما انو معارف بابا هواي كدر يخلي اشتغل بمستشفى... اول يوم الصبح رحت ساعة بل ٨ لبست بنطرون لون سمائي فاتح وتيشرت احمر علية رسم لولو كاتي ومكياج خفيف طلعت مزة 😍وتبدأ القصة...
بابا...ديربالج ع نفسج بابة اني ما عدي غيرج حبيبتى انتي
اني... ولو بابة اني بنتك مايحتاج توصيني ع نفسي ان شاء الله احاول اتبع الوقاية والله الحافظ
بابا.. إن شاء الله بنتي وني وصيت دكتور أدهم عليج
اني.. بس بابة اني ما عرفة
بابا.. إن شاء الله توصلين للمستشفى اسألي العاملين بل مستشفى وهمة يودوج يمة وكوليلة اني سيدرا ثائر
اني... إن شاء الله بابا رايد شي اروح قبل لا اتأخر
بابا.. ماشي بنتي ديربالج ع نفسج ولسوقين سريع
اني.. إن شاء الله بابي 😘جاو
وصلت للمستشفى وخليت السيارة بل كراج طلعت من السيارة قفلتهه ودامشي اصطدمت بشخص بدون ما اعرف وني من النوع العصبية 😡تعصبت وكلت
اني.. هاي شبيك ماتشوف
الشخص.. اسف بس جنت مستعجل اعذريني
اني.. حتلو تصطدم بية
الشخص.. اشصار ترة مصار شي بل غلط شكو كلبتي الأمة
اني.. فوكاهه طول السانك علية
الشخص.. دروحي كصيرة وأم السان
صارت حجي وجدال بينة الحدما اجة دكتور
الدكتور.. شكو شصاير احنة بيا حال ونتو بيا حال
الشخص.. عفواً دكتور بس اني ماعرفت بل غلط اصطدمت بيهه شو كبت ام شبرين ونص

اني.. عفواً لتجاوز افتهمت لو لا
الدكتور.. خلص مصار شي روح اني اتفاهم وياهه
اني.. ليش ياب انتة تتفاهم ترة عدي السان احجي بي
الدكتور... مكلت ما عدج السان بس انتي سويتي من لا شيء شيء ميسوة هيج سويتي شلون نتعاون ونعمر بلد بهذا الأسلوب
اني.. اشتقصد ما عدي اسلوب
الدكتور.. شفتي شلون تاخذين معنى الكلام غلط
ماشي عيني روح انتة
الشخص.. ماشي
راح ذاك الشخص
اني.. ليش هيج سويت
الدكتور.. عفواً انتي محتاجة شي هنا
اني.. 😒. يي اريد الدكتور أدهم
الدكتور.. نعم اني الدكتور أدهم محتاجة شي او عدج موعد
اني.. 😳😳😳انتة دكتور ادهم
الدكتور أدهم.. نعم شكو تغير لونج
اني.. عفواً ممكن نحجي بمكتبك
الدكتور.. ماشي تفضلي
اني.. عفواً دكتور اني اسمي سيدرا ثائر ابوي وصاك علية وكال كوليلة اني بنت استاذ ثائر
الدكتور أدهم.. اها انتي بنتة استاذ ثائر يعني ما توقعت بصراحة
اني.. وليش ماتوقعت منعجب مثلن
الدكتور أدهم. عفواً مو هيج قصدي المهم خلينة من السوالف رح تكونين مشرفة وياي نشرف ع مرضى تشكلين اوكسجين ودارين الحالات وتستشرفين عليهه وهسة اوصي العاملة تجيبلج طقم الملابس للوقاية..
اني.. ماشي دكتور
بصراحة من المستحة معرفت شسوي من الفشلة 😩وفف من الساني وتسرعي رحت لبست طقم الملابس... وبديت بشغلي...

دكتور أدهم.. خل اعرفكم بنفسي اني دكتور باطنية من صارت أزمة الوباء قررت اروح للمستشفى اعالج المرضى لان الحالات والاصابات ارتفعت هوايه اني عمري ٢٨ سنة الوحيد لهلي طبعاً الوالدة الله هداهه بكوة اقتنعت اروح للمستشفى لان تخاف علية من المرض وتبدأ الحكاية..
أدهم.. امي ارجوج لتخافين الأمان بيد الله سبحانه وتعالى لا يضل بالج اذا احنة منتعاون حتة نقضي ع مرض لعد منو يروح يقضي علية ويعالج اذا انتي متخليني وذاك أمة متخلي وثالث يخاف لعد شلون مدكليلي
الوالدة.. يمة وليدي اخاف عليك يا بعد روحي وشعدي غيرك من بعد ابوك يمة
أدهم.. امي الله موجود ارحم الراحمين لا يضل بالج
الوالدة.. طيب بشرط ارضة
أدهم.. وهو
الوالده.. إن شاء الله بخير وسلامة بعد هذا الوباء ارد اشوف بزرك
أدهم.. إن شاء الله تدلل الوالدة
طبعاً امي بس تريد اتزوجني وني بحكم عملي ما كدر لان خفر والزوجة تحتاج ماريد ازوج وضلمهه وياي لان اني شخص ما حب أظلم احد وكولش دقيق بل أمور لذلك الوالدة شرطت علية هيج شرط وقبلت لان ماكو مفر بعد 😒بيومهه خابرني استاذ ثائر وصاني ع بنتة ونتو تعرفون الباقي رحت الصبح للدوام وصلت بل ٩ ماشوف كدام باب المستشفى هوسة عبالي رجال ديحجي وية نفسة 😂والباقي تعرفو بصراحة نصدمت لمن عرفت هاي بنت استاذ ثائر لان الاستاذ ثائر كولش هادئ وهاي عصبية كولش فوك القهر قزمة 😂بس شخصيته كولش عجبتنى وكولش قوية وشكرة وقزومة بصراحة اول مره بنية تلفت انتباهي ونعجب بوحدة...

انتضروني بل بارت الثاني 😜💬

للكاتبة الكوردية