The Thing Called Love 🌹[ Season 1 ]

The Thing Called Love 🌹

Episode 8

" သား မိုးထက် ပြီးပြီလား အောက်မှာ မောင်ခွန်းသရောက်နေပြီ "

" ပြီးပြီကြီးငွေ ခဏ ပုဆိုးဝတ်နေလို့ "

အခန်းရှေ့မှ ကြီးငွေ၏ဆော်ဩမှုကြောင့် မိုးထက်လျိုလက်စပုဆိုးကို အမြန်ဝတ်ပြီး လွယ်အိပ်လွယ်ကာ အောက်ထက်ကိုအမြန်ဆင်းလာခဲ့တယ်

" အကို ရပြီ သွားကြစို့ "

" Ok
ကြီးငွေ ဒါဆိုကျွန်တော်တို့သွားလိုက်ပါဦးမယ်ဗျ "

" အေး အေး သားတို့ ဆိုင်ကယ်ဖြေးဖြေးမောင်းသွားကြနော် "

" ဟုတ်ကဲ့ပါ "

လမ်းရောက်တော့ ခွန်းသစကားစလိုက်ပါတယ်

" ညီလေးမိုးထက် မင်းရည်းစားရသွားပြီဆို "

" ဗျာ ဟုတ် "

" မင်းတို့တွေများလက်သွက်လိုက်တာကွာ အကို့တုန်းကတောင် 2 sem မှ သဲနဲ့ ချစ်သူတွေဖြစ်တာ "

" အကိုကလည်း ဟိုစကားမကြားဖူးဘူးလား လူတစ်ယောက်ကို လေးမိနစ်အတွင်းချစ်မိသွားနိုင်တယ်တဲ့ "

" အဲ့တာတော့ဟုတ်တယ်ကွ အကိုဆိုရင် သဲကိုစမြင်လည်းကချစ်မိသွားတာ မပြောရဲလို့သာအသာငြိမ်နေရတာ ဒါပေမဲ့လဲ သူငယ်ချင်းတွေရဲ့ ပရောဂကြောင့် 2nd sem မှာတော့ ပြောဖြစ်ပြီးချစ်သူတွေဖြစ်သွားတာပါပဲ "

" ဟုတ် "

ကိုခွန်းသ သူနဲ့မမသဲအကြောင်းပြောပြနေတော့ ကျွန်တော့ရင်ထဲမှာ တဆစ်ဆစ်နဲ့ နာကြင်လွန်းလှပါတယ် ပေမဲ့လည်းကျွန်တော်ကိုယ့်စိတ်ကိုယ်ထိန်းရမယ် အခုဆိုကျွန်တော့မှာချစ်စုလည်းရှိနေပြီ ရှေ့ဆက်ဘယ်လိုခရီးဆက်ရမလဲလို့တွေးမိတိုင်းကျွန်တော်ရင်လေးမိတယ် တကယ်ဆိုကျွန်တော်အခုချိန်ထိ ချစ်စုအပေါ်မှာ သူငယ်ချင်းတစ်ယောက်ထက်ပိုလို့မရသေးဘူး....

" အကို ကျွန်တော်အကူညီတစ်ခုတောင်းချင်လို့ "

" ပြောလေ အကို ကူညီပေးပါမယ် "

" ကျွန်တော့ကို ဆိုင်ကယ်စီးသင်ပေးပါလား
ကျွန်တော် အကိုတို့ကို ကြာတော့အားနာလာလို့ "